Şəhid Gülşad Xəlilovun şəhadətinin 4-cü ildönümü anıldı
- 16-10-2024, 16:11
- Maraqlı
- 0
- 206
16 oktyabr 2024-cü il tarixində Masallı rayonunun Qarğalıq ərazisinin Kürdəbazlı kəndində şəhid Xəlilov Gülşad Elşad oğlunun şəhadətinin 4-cü ildönümü anılmışdır.
Şəhid Gülşad Xəlilovun şəhadətə yüksəlməyinin 4-cü ildönümü ilə əlaqədar Masallı Rayon İcra Hakimiyyəti Başçısının tapşırığına əsasən Masallı Rayon İcra Hakimiyyəti Başçısı aparatının İnformasiya təminatı və təhlil sektorunun müdiri Elvin Fəttayev, Vətən müharibəsi iştirakçıları və şəhid ailələri ilə işin təşkili şöbəsinin böyük məsləhətçisi Nurlan Muradov, ərazi nümayəndəliyi, idarə, müəssisə, təşkilat rəhbərləri, şəhid ailələri şəhidin ailəsini və məzarını ziyarət etmiş, ruhuna dualar oxumuşlar.
Şəhidin ailə üzvləri onlara göstərilən diqqət və qayğıya görə Cənab Prezident İlham Əliyevə, Birinci vitse-Prezident Mehriban xanım Əliyevaya və rayon rəhbərliyinə minnətdarlıqlarını ifadə ediblər.
