Bişkekdə  Türk Dövlətləri Təşkilatılarının görüşü kecrilmişdir 

              

Noyabrın 6-da Qırğızıstanın paytaxtı Bişkekdə Türk Dövlətləri Təşkilatı (TDT) Dövlət Başçılarının 11-ci Zirvə görüşü keçirilib.Azərbaycan Respublikasının Prezidenti İlham Əliyev tədbirdə iştirak edib.Qırğız Respublikasının Prezidenti Sadır Japarov Prezident İlham Əliyevi, digər dövlət və hökumət başçılarını qarşıladı.Sonra Azərbaycan Prezidenti İlham Əliyev iclasda çıxış etdi.İlk növbədə, qonaqpərvərliyə və tədbirin yüksək səviyyədə təşkilinə görə Qırğız Respublikasının Prezidenti Sadır Nurqojoyeviç Japarova təşəkkür edən dövlətimizin başçısı son iki ildə Qırğız Respublikasına üçüncü dəfə səfər etdiyini,hər səfərində Sadır Nurqojoyeviçin rəhbərliyi ilə ölkədə inkişafın şahidi olduğunu,əldə edilmiş bütün uğurlar münasibətilə qardaş Qırğızıstanı təbrik etdiyini bildirib.Azərbaycan Prezidenti həmçinin Türk Dövlətləri Təşkilatına uğurlu sədrliyinə görə Qazaxıstanı təbrik edib."Bu il Türk Dövlətləri Təşkilatının əsasını qoymuş Naxçıvan Sazişinin 15-ci ildönümüdür. Təşkilatımız bu dövr ərzində uğurlu inkişaf yolu keçib. İyul ayında Şuşa şəhərində keçirilmiş Dövlət başçılarının qeyri-rəsmi Zirvə görüşündə imzalanmış Qarabağ Bəyannaməsi əməkdaşlığın daha da dərinləşməsinə töhfə verir.

Azərbaycan Türk Dövlətləri Təşkilatının möhkəmlənməsi istiqamətində səylərini bundan sonra da davam etdirəcək".Türk Dövlətləri Təşkilatının mövcud büdcəsinin hazırda qarşıya qoyduğumuz hədəflərin həyata keçirilməsi üçün yetərli olmadığını bildirən dövlətimizin başçısı Azərbaycanın Türk Dövlətləri Təşkilatının Katibliyinə 2 milyon və Ağsaqqallar Şurasına 100 min ABŞ dolları məbləğində maliyyə dəstəyinin verməsinin təşkilatın potensialının daha da güclənməsinə töhfə verəcəyini deyib.

Son dövrlər Şərq-Qərb nəqliyyat dəhlizi ilə Azərbaycan ərazisi üzrə daşımaların daha da artdığını bildirən Cənab İlham Əliyev Mərkəzi Asiya ölkələri ilə Türkiyəni Azərbaycan üzərindən bağlayan bu dəhlizin ötürmə qabiliyyətinin yüksəldilməsi üçün Azərbaycanın öz sərmayələrini artırdığını tədbir iştirakçılarının diqqətinə çatdırıb.

"2023-cü ilin müvafiq dövrü ilə müqayisədə 2024-cü ilin yanvar-sentyabr aylarında üzv və müşahidəçi dövlətlər ilə tranzit daşımalarının həcmində 15 faizə yaxın artım müşahidə edilir.Hazırda Orta Dəhlizin rəqəmsallaşdırılması və ticarətin asanlaşdırılması istiqamətində bir sıra layihələr icra olunur. Bu layihələr logistika səmərəliliyinin artırılmasına və xərclərin azaldılmasına təsir edəcək".Ötən ilin sentyabr ayında Azərbaycanın öz suverenliyini tam bərpa etdiyini açıqlayan Azərbaycan Prezidenti Ermənistanın 30 il davam edən işğalı nəticəsində bu ərazilərdə olan 9 şəhərimizi və yüzlərlə kəndimizi tamamilə məhv etdiyini, hazırda işğaldan azad olunan ərazilərdə genişmiqyaslı yenidənqurma və bərpa layihələrinin həyata keçirildiyini, eyni zamanda, Böyük Qayıdış Proqramının icrası çərçivəsində keçmiş məcburi köçkünlərin öz doğma yurdlarına geri dönmələrini konfrans iştirakçılarının nəzərinə çatdırıb.

O, çıxışında Özbəkistan, Qazaxıstan, Qırğızıstan və Macarıstanın dövlət və hökumət başçılarına azad olunmuş ərazilərdə qardaşlıq hədiyyəsi olan məktəbə və yaradıcılıq mərkəzinə, eləcə də tikiləcək məktəblərə görə bir daha təşəkkürünü bildirib.

Tədbirin sonunda dövlətimizin başçısı çıxışında demişdir:

"Azərbaycan yaxın günlərdə COP29 iqlim konfransına ev sahibliyi edəcəkdir. Keçən ilin dekabrında 200-ə yaxın ölkə Azərbaycanın namizədliyini yekdilliklə dəstəkləmişdir. Bu, beynəlxalq aləmin ölkəmizə böyük hörmətinin və dəstəyinin təzahürüdür.

Əminəm ki, Türk Dövlətləri Təşkilatına üzv ölkələr COP29 konfransının işində fəal iştirak edəcəklər".