Masallıda rayon rəhbəri şəhid ailələrini növbəti dəfə qəbul etdi
27 avqust 2024-cü il tarixdə rayon İcra Hakimiyyətinin inzibati binasında Masallı Rayon İcra Hakimiyyətinin Başçısı Araz Əhmədov idarə, müəssisə və təşkilat rəhbərinin iştirakı ilə şəhid ailələrini qəbul etmişdir.
Görüş-qəbulu rayon rəhbəri ölkəmizin ərazi bütövlüyü uğrunda qəhrəmanlıq göstərərək şəhidlik zirvəsinə ucalan igidlərin əziz xatirəsini bir dəqiqəlik sükutla yad etməklə açmış və görüşdə iştirak edən şəhid ailələrini salamlayaraq bildirmişdir ki, ölkəmizdə şəhid ailələri daim dövlətin diqqət və qayğısı ilə əhatə olunur. Rayon İcra Hakimiyyətinin Başçısı bütün ölkədə olduğu kimi rayonumuzda da şəhid ailələrinin daim diqqətdə olduğunu bildirərək ötən görüşlərdə şəhid ailələrinin qaldırdıqları məsələlərin həlli ilə bağlı görülmüş işlər barədə ətraflı məlumat üçün sözü Masallı Rayon İcra Hakimiyyətinin Başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyevə verdi.
Şöbə müdiri Q.Hadıyev tədbir iştirakçılarını salamlamış və rayon rəhbəri ilə ötən görüşlərdə şəhid ailələri tərəfindən edilmiş müraciətlər, onların həlli istiqamətində görülmüş işlər və hal-hazırda bir çox məsələlərlə bağlı həyata keçirilən lahiyələr barədə geniş məruzə etmişdir.
Sonra rayon rəhbəri bir daha şəhid ailələrinə onları narahat edən məsələlərlə bağlı təklif müraciətlərini səsləndirməyi xahiş etmişdir. Şəhid ailələrindən Gülsüm Xəmmədova, Famil Məmmədov, Mehriban Sultanova, Akif Qasımov, Sədaqət Məmmədova, Rəhman Qarayev, Gülarə Novruzova, Şükran Əmənov, Şəhla Hüseynova, Qorxmaz Novruzov, Hafiz Qurbanov, Güləhməd Qılıncov və başqaları çıxış edərək onları narahat edən məsələlrlə bağlı müraciətlərini etmişlər.
Rayon İcra Hakimiyyətinin Başçısı Araz Əhmədov ötün görüşlərdə olduğu kimi səslənən bütün müraciətlərin qeydə alındığını, həssas sinfə aid olan şəhid ailələrini narahat edən hər bir məsələnin həlli istiqamətində mümkün olan bütün addmların atılacağını, onların müraciətləri ilə bağlı dərhal və operativ şəkildə işlərin aparılacağını bildirmişdir.
Sonda Masallı Rayon İcra Hakimiyyətinin Başçısı Araz Əhmədov çıxış edərək Ölkə Başçısının şəhid ailələrinə diqqət və qayğısından bəhs etmiş, belə görüşlərin mütəmadi keçirildiyini bildirərək istənilən zaman şəhid ailələrini narahat edən bütün məsələlərlə bağlı daim onları dinləməyə hazır olduğunu bildirmişdir.
"Yeni həyat" qəzeti,
www.yeniheyet.az
