Masallıda Polis işçilərinin 106 ili
2-07-2024, 19:30. Разместил: admin44
Masallıda Azərbaycan Polisinin yaranmasının 106 illiyi münasibətilə tədbir keçirilib.
İlk öncə Masallı Rayon İcra Hakimiyyətinin Başçısı Araz Əhmədov və aparatı, Masallı rayon Polis şöbəsinin rəisi Azay Ağayev, hüquq mühafizə orqanlarının rəhbərləri və rayon polis şöbəsinin əməkdaşları Ulu Öndər Heydər Əliyevin abidəsini ziyarət edərək abidə önünə tər güllər düzmüş və xatirəsini ehtiramla yad etmişlər.
Tədbiri giriş sözü ilə açan Masallı Rayon İcra Hakimiyyətinin Başçısı Araz Əhmədov Azərbaycan Polisinin ölkəmizdə təhlükəsizliyin təmin olunmasında göstərdiyi xidmətlərdən söhbət açmışdır.
Tədbirdə Masallı rayon Polis şöbəsinin rəisi Azay Ağayev Azərbaycanın ictimai-siyasi sabitlik şəraitində inkişafında, dövlətçiliyin qorunmasında, asayişin mühafizəsində, vətəndaş hüquq və azadlıqlarının etibarlı təminatında daxili işlər orqanlarının mühüm xidmətlərindən danışıb. O, ölkə rəhbərliyinin daxili işlər orqanlarına diqqət və qayğısını xüsusilə vurğulayıb.
Digər çıxış edənlər polis əməkdaşlarına xoş arzularını çatdırıblar, bundan sonra da vətəndaşların təhlükəsizliyinin təmin edilməsi, ictimai asayişin qorunması istiqamətində səmərəli fəaliyyətin davam etdiriləcəyinə əminliklərini ifadə ediblər.
Sonda xidmətdə fərqlənən bir qrup əməkdaşa fəxri fərman və mükafatlar təqdim olunub.
Polis əməkdaşları xidməti fəaliyyətlərində səy və bacarıqlarını əsirgəməyəcəklərini, polis adını şərəflə qoruyacaqlarını bildiriblər.
"Yeni həyat" qəzeti,
www.yeniheyet.az
Вернуться назад