Masallının Qızılavar kəndində 02 iyul 2025-ci il tarixdə səyyar qəbul

02 iyul 2025-ci il tarixdə rayonun Qızılavar kəndində Masallı rayon İcra Hakimiyyətinin başçısı Araz Əhmədovun sakinlərlə növbəti səyyar görüş-qəbulu keçirilmişdir.

Masallı rayon İcra Hakimiyyətinin başçısı Araz Əhmədov səyyar görüş-qəbulunu açaraq ərazinin tarixi, ziyalıları, ağsaqqalları, mədəniyyəti, məşğuliyyəti və sosial iqtisadi inkişafı barədə çıxış etmişdir.

Sonra rayon rəhbəri sözü Masallı rayon İcra Hakimiyyəti başçısı aparatının Sənədlərlə və vətəndaşların müraciətləri ilə iş şöbəsinin müdiri Elvin Fəttayevə verərək ötən səyyar görüş-qəbulu zamanı vətəndaşların müraciətlərinin həlli vəziyyəti və ərazidə görülmüş işlər barədə ətraflı məlumat verməsini istəmişdir.

Sənədlərlə və vətəndaşların müraciətləri ilə iş şöbəsinin müdiri Elvin Fəttayevə çıxış edərək ərazidə ötən qəbul zamanı 2 nəfər vətəndaş tərəfindən 2 məsələ qaldırıldığını, 1-nin müsbət həll olunduğunu və 1 məsələ ilə bağlı vətəndaşa qanunamüvafiq cavab verildiyini bildirmişdir.

Sonra Elvin Fəttayev ərazidə görülmüş işlər barədə məlumat verərək qeyd etmişdir ki, şəhid ailələri, imtiyazlı şəxslərə və yardıma ehtiyacı olan insanlara məişət, kommunal və digər problemlərinin həlli ilə bağlı köməklik göstərilmiş, Qızılavar ərazisində 1km kənddaxili yol cari təmir olunmuş, ərazidə 3 ədəd yararsız elektrik dirəyi yenisi ilə əvəz olunmuş, Dəlləkoba kəndində 820 məsafədə küçələr işıqlandırılmış, ərazidə 285 metr məsafədə suaparıcı kanallar təmizlənmiş, GPON lahiyəsi üzrə “Aztelekom” İB və “CityNet” MMC şirkəti tərəfindən ərazidə yeni internet xətti çəkilərək əhalinin istifadəsinə verilmişdir.

Şöbə müdiri daha sonra “Yaşıl dünya naminə həmrəylik ili” çərçivəsində 400 ədəd, “Konstitusiya və Suverenlik ili” çərçivəsində isə 350 ədəd olmaqla ümumilikdə 750 ədəd ağac əkilməsi, Şəhid Əfqan Mirzəyevin qardaşına məxsus Təzəkənd kəndində yerləşən pay torpaq sahəsinə Masallı Su Meliorasiya Sistemlərinin İstismarı İdarəsi tərəfindən 60 metr uzunluğu və 4 metr eni olan kanal qazılması, Qızılavar kəndində xeyriyyəçilər tərəfindən vətəndaşa xəstəxana xərclərinin qarşılanmasından ötrü 59500 manat maddi yardım göstərilməsi barədə məlumatları görüş iştirakçılarının nəzərinə çatdırmışdır.

Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləmiş, qəbul zamanı qaldırılan məsələlərin qeydiyyata alınması və nəzarətdə saxlanılmasını təmin  etmək məqsədi ilə tapşırıqlarını vermişdir.

Masallı rayon İcra Hakimiyyətinin başçısı Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirmişdir.