Prezident İlham Əliyev “Qoşulmama Hərəkatı: meydana çıxan çağırışlarla mübarizədə birgə və qətiyyətli “ mövzusunda nazirlər görüşdə çıxışı etmişdir
9-07-2023, 10:33. Разместил: admin44
Azərbaycan artıq dörd ildir ki, Qoşulmama Hərəkatına uğurla sədrlik edir. Birləşmiş Millətlər Təşkilatından sonra ikinci ən böyük təsisat kimi Qoşulmama Hərəkatının ölkəmiz üçün əhəmiyyəti çox böyükdür. 120 dövlətin, 18 müşahidəçi ölkənin və 10 beynəlxalq təşkilatın qoşulduğu Qoşulmama Hərəkatı Azərbaycanın sədrliyi ilə fəaliyyətində mühüm irəliləyişlər əldə etmişdir. Azərbaycan Respublikası ümumiyyətlə ikitərəfli münasibətlərdə öz milli maraqları əsasında beynəlxalq təşkilatlarla əməkdaşlıq xəttinə üstünlük verib.
Azərbaycanın Qoşulmama Hərəkatına üç illiyə sədr seçilməsi və sonra bu sədrlik müddətinin daha bir il də uzadılması sözsüz ki, dövlətimizin sədrlik dövründəki uğurlu fəaliyyətinin bəhrəsidir. Azərbaycan Qoşulmama Hərəkatına sədrliyi dövründə “Bandunq prinsipləri” əsasında ədaləti, beynəlxalq hüququ və üzv ölkələrin qanuni maraqlarını qətiyyətlə qorudu. Azərbaycanın sədrliyi dövründə Qoşulmama Hərəkatı beynəlxalq ictimaiyyətə COVID-19 pandemiyası ilə mübarizədə qlobal səyləri birləşdirən çağırış etdi. 2020-ci ilin mayında Azərbaycanın təşəbbüsü ilə Qoşulmama Hərəkatının liderlər səviyyəsində onlayn sammit təşkil edildi. Bunun nəticəsində 2020-ci ilin dekabrında BMT Baş Assambleyasının xüsusi sessiyası keçirildi. Qoşulmama Hərəkatı bəzi varlı dövlətlər tərəfindən aparılan “peyvənd millətçiliyi”nə qarşı güclü etiraz etdi. Bu etiraz BMT-də həmin siyasətə qarşı qətnamələrin qəbul edilməsi ilə nəticələndi.
Azərbaycan fəal liderlik rolunu postpandemiya dövründə də qoruyub saxlayır. Bu ilin mart ayında Bakıda uğurla təşkil olunan Qoşulmama Hərəkatının pandemiyadan sonrakı bərpaya həsr olunmuş növbəti sammiti bu fəaliyyətin göstəricisidir.
Ehtiyacı olan ölkələrə yardım göstərmək Azərbaycanın sədrliyinin digər prioriteti idi. Azərbaycan əksəriyyəti Qoşulmama Hərəkatına üzv olan 80-dən çox ölkəyə ya ikitərəfli qaydada, ya da Ümumdünya Səhiyyə Təşkilatı vasitəsilə COVID-19 ilə bağlı maliyyə və humanitar dəstək göstərib. Azərbaycan Ümumdünya Səhiyyə Təşkilatına 10 milyon ABŞ dolları məbləğində könüllü töhfə verib. Azərbaycan, həmçinin beş ölkəni peyvəndlə təmin edib.
Prezident İlham Əliyev çıxışında vurğuladı ki, Multilateralizmin əsl müdafiəçisi və BMT-dən sonra ikinci böyük təsisat kimi Qoşulmama Hərəkatı yenidən formalaşan dünya nizamında öz yerini tapmalıdır. Hazırda beynəlxalq təşkilatlar, xüsusilə BMT bəşəriyyətin gözləntilərinə cavab vermir. BMT-də ciddi islahatların aparılması qaçılmazdır. BMT Təhlükəsizlik Şurası keçmişin qalığıdır və hazırkı reallıqları əks etdirmir. BMT
Təhlükəsizlik Şurasında Qoşulmama Hərəkatına bir daimi yer verilməlidir. Qoşulmama Hərəkatına, İslam Əməkdaşlıq Təşkilatına və Afrika İttifaqına sədrlik edən ölkələr BMT Təhlükəsizlik Şurasında veto hüququ ilə rotasiya əsasında yer almalıdırlar.
Müşfiq Qurbanov,
Masallı rayon Gənclər və İdman İdarəsinin aparıcı məsləhətçi
Вернуться назад