Главная > Maraqlı > Ekologiyanın mühafizəsi, sağlam ətraf mühit
Ekologiyanın mühafizəsi, sağlam ətraf mühit8-05-2024, 08:34. Разместил: admin44 |
![]() Ekologiyanın mühafizəsi təkcə aidiyyatı qurumların deyil, hər birimizin üzərinə məsuliyyət qoyur. Sağlamlığımızın qayğısına qalmaqla, eyni zamanda ətraf mühitin qorunması üçün səy göstərməliyik. Hər kəs təbiətin dostu olaraq onu qorumalı, ətraf aləmə biganə yanaşmamalı, sağlam ətraf mühitin təmin olunmasında fəal iştirak etməlidir. Sərt iqlim dəyişmələri, yeni xəstəliklərin meydana gəlməsi ətraf mühit sağlamlığı üçün ciddi xəbərdarlıqdır. Mövcud problemlər vacib addımların atılmasını zəruri edir. Respublikamızda ətraf mühitlə bağlı qəbul olunan qanunlar, icra edilən dövlət proqramları, reallaşan layihələr bu sahədə fəaliyyətin təqdirəlayiq göstəricisi kimi dəyərləndirilməlidir. Prezident İlham Əliyevin müvafiq Sərəncamı ilə 2024-cü il Azərbaycanda “Yaşıl dünya naminə həmrəylik ili” elan edilib. BMT-nin İqlim Dəyişmələri üzrə Çərçi¬və Konvensiyasının Tərəflər Konfransının 29-cu sessiyası – COP29 kimi mötəbər bir tədbir ölkəmizdə keçiriləcək. Təmiz ətraf mühit və “yaşıl artım” ölkəsinə çevrilmək dövlətimizin milli hədəflərindən biri kimi müəyyən edilib. Həmin prioritetə uyğun olaraq ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində ölkəmizdə işlər aparılır. 30 il ərzində erməni vandalizminə və barbarlığına məruz qalmış ərazilərimiz bərpa edilir. Beynəlxalq ictimaiyyəti təmiz, sağlam ətraf mühitin inkişafı naminə həmrəyliyin gücləndirilməsinə səsləyən COP 29 konfransının ölkəmizdə keçirilməsi eyni zamanda yaşıl enerji sektorunun yaradılması istiqamətində ekoloqlarımıza böyük təcrübə qazandıracaq. ![]() Əlifağa Yaqubov, Yazı YAP Masallı Rayon Təşkilatının “Yaşıl dünya naminə həmrəylik ili” çərçivəsində – “Yaşıl dünya yazı və şəkillərdə” mövzusunda keçirdiyi müsabiqəyə təqdim olunur. Вернуться назад |