Masallıda Xalq artisti Qabil Quliyevlə görüş keçirilib
31-05-2024, 13:30. Разместил: admin44
Dünən, 30 may 2024-cü il tarixdə Lənkəran-Astara Regional Mədəniyyət İdarəsinin təşkilatçılığı ilə “Mədəniyyətimizin qonağı” layihəsi çərçivəsində Masallı rayon Nizami Gəncəvi adına Mədəniyyət Mərkəzində Xalq artisti, aktyor, Qabil Quliyevlə görüş keçirilib.
Görüşdə Lənkəran-Astara Regional Mədəniyyət İdarəsinin rəisi Bəxtiyar Qılıncov, idarə aparatının əməkdaşları, digər rəsmilər və idarənin əhatə etdiyi rayonlarda fəaliyyət göstərən mədəniyyət müəssisələrinin işçiləri iştirak ediblər.
Əvvəlcə Lənkəran-Astara Regional Mədəniyyət İdarəsinin rəisi Bəxtiyar Qılıncov qonağı salamlayıb, sonra Xalq artistinə xatirə hədiyyəsi təqdim edilib.
Aparıcı Qabil Quliyevin həyat və yaradıcılığı haqqında məlumat verdikdən sonra, rol aldığı tamaşalardan, filmlərdən videoçarxlar təqdim olunub.
Halay Xalq Folklor kollektivinin, Miriş Hüseynovun, Atamoğlan Zahidovun və Şamo İbayevin ifaları tədbirə daha da rəng qatıb.
Sənətkar çıxışında həyatının yaddaqalan məqamları, aktyorluq sənətinə gəlişi və oynadığı rollardan bəhs edib.
Sonda tamaşaçılarla səmimi ünsiyyət yaradan Xalq artisti iştirakçıları maraqlandıran sualları cavablandırıb.
Fotosessiya Elsevər Əliyevə məxsusdur.
Вернуться назад