Biz hara gedirik
21-08-2024, 17:39. Разместил: admin44
Milli dəyərlərimizi qorumasaq...
Son vaxtlar sosial şəbəkələrdə, telekanallarda milli dəyərlərimizi top atəşinə tutanlar elə həyasızlıqla saxta söhbətlərə müraciət edirlər ki, lap bişmiş toyuğun gülməyi gəlir. Bir ziyalı vətəndaş kimi çox xəyallara baş vururam. Bir çıxış yolu tapa bilməyəndə yenə Mirzə Cəlilin fəryadını yadıma salıram. Düz dörd qərinə bundan əvvəl böyük ustad fəryad qoparıb millətin halına acıyırdı. Ümid yolu kəsilən Mirzə felyetonla müsəlman qardaşlarına müraciət edib onu eşidib harayına çatmasını istəyirdi: -Sizi deyib gəlmişəm, ey mənim müsəlman qardaşlarım! O kəsləri deyib gəlmişəm ki, mənim söhbətlərimi xoşlamayıb, bəzi bəhanələrlə məndən qaçıb gedirlər, məsələn, fala baxmağa, it boğuşdurmaga, dərviş nagıllarına qulaq asmağa, hamamda yatmaq və qeyri bu növ vacib əmələrə. Çün hükəmalar byurublar: sözünü o kəslərə de ki, sənə qulaq verirlər.
Ey mənim müsəlman qardaşlarım,mən də belə vəziyyətə düşəndə qalıram mat-məəttəl, dərdimi kimə deyim ki, mənə qulaq versinlər. Məsələn, bu yaxınlarında televiziyada qadım geyimindən söhbət gedəndə yarıçılpaq xanım deyirdi:
-Bura müsəlman mahalı deyuil, kim istəyir getsin İrana, Əfqanıstana, nə bilim haraya. Çox vacib söhbətdir. Görəsən on milyonluq bir xalqın qarşısında məsuliyyət huss etməyən bu tərbiyədən bixəbər hələ bilmir ki, özü hansı dinə qabildir. Düzdür, ölkəmiz islam qanunları ilə deyil, demokratik prinsiplərlə idarə olunur. Ancaq unudur ki, ölkə rəhbərləri hər seçkidən sonra andiçmə mərasimində Qurani-Kərimə də əl basır. Deməli biz də müsəlmanıq. Bu xanim isə nə istəyir, necə geyinib-keçinmək həvəsindədir, hələ üstəlik özgələrini də belə geyinib yaşamağa həvəsləndirir. Belələri başa düşməlidir ki, həya, abır olmayan məmləkətdə inkişafdan danışmağa dəyməz. Milli dəyərlərinə xor baxan millət uçuruma yuvarlanacaq.
Telekanalların birində isə sözçü övlad-valideyn münaqişəsində ikinci tərəfin mütləq günahkar olduğunu söyləyir. Yəni valideyn zorakılıq etməməli, övladı uçuruma yuvarlansa belə. Övlad oğrudur – valideyn susmalıdır, narkomandır, içki düşkünüdür, cəmiyyətdə özünü nalayiq aparır: siqaret çəkir, qumarbazdır, qonşuları incidir, yetənə bir daş atır, məktəbdə ədəbsiz söhbətlər edir, məktəbdən yayınır... Valideyn susmalıdır. Və ya bir neçə ayın ömür yoldaşını boşamaq xəyalına düşüb, sosial şəbəkələrdə ona, buna sataşır. Belə faktlar yüzlərlədir. Valideyn belədə övladına güldən ağır söz deyə bilməz. Yoxsa övlad onu hüquq-mqhafizə işçilərinin cənginə verə bilər.
Telekanallarda tez-tez Avropaya intiqrasiya məsəli önə çəkilir. Hər işdə onlar bizə nümunə göstərilir. Burda deyirlər ki, ipək necə xar olub, eşşəyə çidar olub. Niyə biz gözəl, müdrik milli dəyərlərimizi Avropanın açıq-saçıq əməllərinə fota verməliyik.
Axı biz abır-həya, vəfa-etibar, vicdan kimi digər dəyərlərimizi Avropanın yüngül meyillərinə niyə dəyişməliyik. Nə qədər gözəl əməllərimiz var. Çalışmalıyıq ki, Avropaya intiqrasiya zamanı dünyavi elmlərə sahib olaq. Orta və ali məktəblərdə yeni tədris metodlarınayiyələnək.
Avropasayağı evlənib-boşanmalar bizə yad olmalıdır. Gözəl, etibarlı ailə dəyərlərimizi qorumalıyıq.
Ey mənim müsəlman qardaşlarım, axı bu məsələlərdə bizim ingilis, fransızlardan nəyimiz əskikdir ki, buna nail ola bilməyək. Ancaq özümüzdə də belələri var ki, ailə qurmağı çox yüngül məsələ sayır. Bizdə isə 30, 40, 50 hətta 60 illik ailələrimiz var ki, bununla da nümunələrimiz hər şeyə dəyər. Övladın valideynə, müəllimə hörmət və ehtiramlı olmalıdır. Bu dəyərlər yerində olsa, fitnə-fücur işlərimiz də azalar. Fitnə-fəsadlı əməlimiz az olsa inkişafımız da yüksələr. Biz onda Avropalaşmaqla fəxr edə bilərik. Yoxsa bu gün biri, sabah başqası ilə qeyri-rəsmi izdivacda olmaq cəmiyyətimizi iflic edəcək.
Milli mentalitetimizi zərbə altında qoymayaq, yüngül və hərdəmxəyal xarakterli adamların çağırışına qarşı çıxaq.
Millətimizin nicat yolu budur.
HƏSƏNAĞA.
Вернуться назад