Masallı Dövlət Regional Kollecinin və Masallı Rayon Ağsaqqallar Şurasının birgə təşkilatçılığı ilə "Milli-mənəvi dəyərlərimizin təbliğində Heydər Əliyev strategiyasının uğurları

17  oktyabr 2024-cü il tarixdə Masallı Dövlət Regional Kollecinin və  Masallı Rayon Ağsaqqallar Şurasının birgə təşkilatçılığı ilə "Milli-mənəvi dəyərlərimizin təbliğində Heydər Əliyev strategiyasının uğurları", Azərbaycan Yazıçılar və Jurnalistlər Birliklərinin üzvü, yazıçı-publisist, “Qızıl qələm” və H.B.Zərdabi media mükafatları laureatı Ələşrəf Niftiyevin əsərləri və məqalələri nümunəsində "Yaşayan xatirələr" adlı kitabının təqdimatı olub.

İlk öncə Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edildi.

Tədbiri Masallı Dövlət Regional Kollecinin direktoru, «Tərəqqi» medallı Vidadi Nəzərov açaraq bu yaxınlarda çapdan çıxan yeni kitab haqqında fikir söyləyib.

Tədbirə iştirak edən tanınmış jurnalist, "Tərəqqi" medallı,rayon Ağsaqqallar Şurasının sədr müavini Əyyub Mehdiyev,Respublikanın Əməkdar jurnalisti, şura üzvü Zakir Abbasov, şairə Meysabah Aslanova, kollecin metodisti Baba Həsənov
 uzun müddət məsul vəzifələrdə çalışmış III dərəcəli “Vətənə Xidmətə görə” ordenli Dövlət qulluğu veteranı Ələşrəf Niftiyev haqqında xoş sözlərini dilə gətirib, kitabla bağlı fikirlərini bölüşüblər.
   
Onlar Ə.Niftiyev haqqında xoş sözlərini dilə gətirib, “Yaşayan xatirələr” kitabı ilə bağlı fikirlərini bölüşüblər.Natiqlər kitabın oxucular, eləcə də gələcək nəsillər üçün əvəzedilməz töhfə olduğunu vurğulayıblar. Oxucular həmçinin bildiriblər ki, kitab həyatımızın, cəmiyyətin, insanların, milli-mənəvi dəyərlərimizin yeri və qiyməti barədə, habelə üzləşdiyimiz problemlərin həllində yaxın məsləhətçi olmaqla yanaşı, oxuculara xeyirxahlıq missiyası bəxş edən gözəl töhfədir.

Təqdim olunan kitab barədə müsbət rəy söyləyənlər müəllifə yeni yaradıcılıq uğurları arzulayıblar.

Tədbirin sonunda Masallı Dövlət Regional Kollecinin tələbələrinin ifasında Ümummilli Lider Heydər Əliyevə həsr olunmuş şeirlər səsləndirilib.



















İbrahim ŞÜKÜROV,                                                                                                                                     Masallı rayon Ağsaqqallar Şurasının mətbuat katibi                                                                                      
Azərbaycan Jurnalistlər Birliyinin üzvü




"Yeni həyat" qəzeti,
www.yeniheyet.az
шаблоны для dle 11.2