Masallı rayonunda elektrik və hibrid mühərrikli avtomobillərin sayı əvvəlki ildən 2,2 dəfə artmışdır - Statistika
- 9-02-2026, 17:25
- İqtisadiyyat
- 0
- 3 152
Masallı Rayon Statistika İdarəsindən verilən məlumatda bildirilir ki, Masallı rayonunda elektrik və hibrid mühərrikli avtomobillərin sayı son bir il ərzində əhəmiyyətli dərəcədə artmışdır. 2026-cı ilin yanvar ayının 01-i vəziyyətinə bu tip avtomobillərin sayı 1419 ədəd olmuşdur.
Əvvəlki ilə nisbətən rayonda elektrik və hibrid mühərrikli avtomobillərin sayı 784 ədəd və ya 2,2 dəfə çox olmuşdur.
Bu göstərici rayonda ekoloji cəhətdən daha təmiz və enerjiyə qənaət edən nəqliyyat vasitələrinə marağın yüksəldiyini göstərir.
Qeyd olunan artım, həmçinin ətraf mühitin mühafizəsi, yanacaq sərfiyyatının azaldılması və müasir nəqliyyat texnologiyalarının tətbiqi baxımından müsbət tendensiya kimi qiymətləndirilir.
Məlumat üçün qeyd etmək lazımdır ki, rayonda cari ilin əvvəlinə cəmi avtomobillərin sayı 31218 ədəd olmuşdur. Onlardan 3731 ədədi və ya 11,9 faizini yük avtomobilləri, 242 ədədi və ya 0,8 faizini avtobuslar, 27054 ədədi və ya 86,7 faizini minik avtomobilləri, 191 ədədi və ya 0,6 faizini isə digər avtomobillər təşkil etmişdir.
Masallı Rayon Statistika İdarəsi
