Masallı şəhərinin küçələri asfaltlanır
- 18-08-2025, 17:02
- Maraqlı
- 0
- 154
Masallı şəhər ərazisində əhalinin rahat və təhlükəsiz hərəkətini təmin etmək məqsədilə bir sıra küçə və yollarda infrastrukturun yenilənməsi istiqamətində təmir-bərpa işlərinə başlanılmışdır.
Belə ki, Masallı Rayon İcra Hakimiyyətinin təşkilatçılığı ilə Masallı şəhər ərazisində Vəli Axundov küçəsində 590 metr, Kərim Kərimov küçəsində 500 metr, Qurtuluş küçəsində 380 metr, Məmməd Araz küçəsində 350 metr, Musa Nağıyev küçəsində 300 metr, Nəcəf bəy Vəzirov küçəsində 280 metr və Azərbaycan prospektində şəhid Elnur Əsədullayevin ailəsinə məxsus evə gedən küçəyə 110 metr məsafədə asfalt örtüyü döşənmişdir.
Ümumilikdə Masallı şəhəri üzrə 2510 metr uzunluğunda asfalt örtüyü döşənmişdir.
Görülən işlər Masallı şəhərinin abadlaşması, sakinlərin gündəlik rahatlığının və təhlükəsiz hərəkətinin təmin olunması istiqamətində atılan mühüm addımlardandır.
