Masallının Təkdam kəndində rayon rəhbərinin 02 aprel 2025-ci il tarixdə səyyar görüş-qəbulu
02 aprel 2025-ci il tarixdə rayonun Həsənli ərazisinin Təkdam kəndində Masallı Rayon İcra Hakimiyyətinin Başçısı Araz Əhmədov ərazinin sakinləri ilə növbəti səyyar görüş-qəbulunu keçirmişdir.
Masallı Rayon İcra Hakimiyyətinin Başçısı Araz Əhmədov səyyar görüş-qəbulunu açıq elan edərək qəbula gələn vətəndaşları salamlamış, ərazinin tarixi, ziyalıları, ağsaqqalları, mədəniyyəti, məşğuliyyəti və sosial iqtisadi inkişafı barədə çıxış etmişdir.
Sonra rayon rəhbəri sözü Masallı rayon İcra Hakimiyyəti Başçısı aparatının Sənədlərlə və vətəndaşların müraciətləri ilə iş şöbəsinin müdiri Elvin Fəttayevə verərək ötən səyyar görüş-qəbulu zamanı vətəndaşların müraciətlərinin həlli vəziyyəti və ərazidə görülmüş işlər barədə ətraflı məlumat verməsini istəmişdir.
Aparatın şöbə müdiri Elvin Fəttayev çıxış edərək ərazidə ötən qəbul zamanı 1 nəfər vətəndaş tərəfindən ərazinin içməli su ilə təmin olunması barədə müraciət etdiyini qeyd etmiş və vətəndaşa qanunamüvafiq cavab verildiyini bildirmişdir.
Sonra şöbə müdiri ərazidə görülmüş işlər barədə məlumat verərək qeyd etmişdir ki, şəhid ailələri, aztəminatlı ailələr və kimsəsizlərə məişət, eləcədə işıq, qaz problemlərinin həlli ilə bağlı yardımlar göstərilmiş, Şəhid ailələri, aztəminatlı ailələr və kimsəsizlərə məişət, eləcədə işıq, qaz problemlərinin həlli ilə bağlı yardımlar göstərilmiş, ərazinin bütün kəndlərinin elektrik təsərrüfatı SİP kabelləşdirilmişdir, Həsənli kəndində 5,7 km məsafədə küçələr işıqlandırılmış, Həsənli kəndində şəhid abidəsinin önünə 75 kv.metr, Köçəkli kəndində 220 metr kənddaxili yola asfalt örtüyü döşənmiş, ərazi üzrə ümumilikdə 2,5 km məsafədə çınqıl və 4 km məsafədə yol qreyderlə hamarıanmış, GPON lahiyəsi üzrə “Aztelekom” İB, “CityNet” MMC və “SelNet” MMC şirkətləri tərəfindən yeni internet xətləri çəkilərək abonentlərin istifadəsinə verilmişdir.
Daha sonra şöbə müdiri ərazi üzrə ümumilikdə 1,5 km məsafədə suaparıcı kanalın təmizlənməsi, “Yaşıl dünya naminə həmrəylik ili” çərçivəsində 400 ədəd və “Konstitusiya və Suverenlik ili” çərçivəsində isə 200 ədəd olmaqla ümumilikdə 600 ədəd ağacın əkilməsi, ağacların suvarılmasından ötrü 300 metr məsafədə kanalın qazılması, Həsənli kəndində şəhidlər abidə kompleksinin əsaslı təmir olunması, Həsənli kənd qəbiristanlığının ətrafı 450 metr məsafədə dəmir materialla hasara alınmış, Məmmədxanlı kənd mərasim evinə 3 ədəd kondisioner quraşdırılmış və Təkdam kənd mərasim evinə 150 ədəd stul, 10 ədəd stol və 2 ədəd kondisionerin ehsan edilməsi və Köçəkli kənd tam orta məktəbinin cari təmir olunması barədə məlumatları görüş iştirakçılarının nəzərinə çatdırmışdır.
Sonra rayon rəhbəri qəbula gələn vətəndaşları narahat edən məsələlərlə bağlı müraciətlərini dinləmiş, qəbul zamanı çıxış edən vətəndaşların müraciətinə həssaslıqla yanaşmış, qaldırılan məsələləri qeydiyyata alaraq nəzarətə götürülməsini təmin etmiş və müraciətlərin həlli istiqamətində tapşırıqlarını vermişdir.
Masallı Rayon İcra Hakimiyyətinin Başçısı Araz Əhmədov səyyar-görüş qəbulunu yekunlaşdıraraq rayonda vətəndaş müraciətlərinin daim diqqətdə saxlanıldığını bildirmişdir.
