Masallıda 01-15 oktyabr 2025-ci il tarixlərində şəhid adına görülmüş işlər barədə
Dünən, 19:15. Разместил: admin44
Masallı rayonunda şəhid ailələrinə yüksək diqqət və qayğı göstərilməsi dövlət siyasətinin əsas istiqamətlərindən biridir və hər zaman Rayon İcra Hakimiyyəti başçısı tərəfindən diqqət mərkəzində saxlanılır.
Rayon İcra Hakimiyyəti tərəfindən şəhid ailələrinin sosial-məişət şəraitinin yaxşılaşdırılması, tibbi və psixoloji dəstək göstərilməsi istiqamətində davamlı işlər aparılır.
47 saylı Yol İstismarı MMC tərəfindən Hişkədərə ərazisində şəhid İbrahim Lələyev adına olan və ailəsinin yaşadığı evə gedən yol cari təmir edilmişdir. Ərkivan qəsəbəsində bələdiyyə tərəfindən şəhid Əhməd Mirzəyevin adına küçəyə 220 metr məsafədə çınqıl döşənmiş və şəhid Nəbi Teymurovun ailəsinin yaşadığı evin həyətinə çınqıl tökülərək yayılmışdır. Çaxırlı və Təklə ərazilərində şəhidlərin şəkili olan lövhələr yenisi ilə əvəz olunmuşdur.
Viləş ərazisində şəhid Belim Evqeniy Nikolayeviçin şəkili olan lövhə quraşdırılmışdır. Xıl ərazi nümayəndəliyi tərəfindən Milli Qəhrəman Elşad Hüseynovun büstü rənglənmişdir. Hişkədərə ərazisində şəhidlərin xatirəsinə həsr olunmuş voleybol turniri təşkil olunmuşdur. Boradigah, Xıl, Sərçuvar və Təzə Alvadı ərazilərində şəhidlərin xatirəsinə həsr olunmuş tədbir keçirilmişdir.
Вернуться назад