Masallıda 15-31 iyul 2025-ci il tarixlərində şəhid adına görülmüş işlər barədə
- 31-07-2025, 18:38
- Maraqlı
- 0
- 168
Masallı rayonunda şəhid ailələrinə yüksək diqqət və qayğı göstərilməsi dövlət siyasətinin əsas istiqamətlərindən biridir və hər zaman rayon İcra Hakimiyyəti başçısı tərəfindən diqqət mərkəzində saxlanılır.
Rayon İcra Hakimiyyəti tərəfindən şəhid ailələrinin sosial-məişət şəraitinin yaxşılaşdırılması, tibbi və psixoloji dəstək göstərilməsi istiqamətində davamlı işlər aparılır.
Belə ki, Güllütəpə ərazisinin Tatyanoba kəndində şəhid Rəşid Lətifovun qəbir daşı təmir olunmuşdur. Mahmudavar kəndində şəhid Mübariz Şahbazovun anası Təmilə Şahbazovaya Masallı Rayon İcra Hakimiyyətinin dəstəyi ilə əlil arabası verilmişdir. Xırmandalı ərazisində şəhidlərin şəkili olan lövhələr və Hişkədərə ərazisində şəhid Zaur Hüseynov adına abidə-bulaq kompleksində bayraqlar yenisi ilə əvəz olunmuşdur.
Yeyənkənd ərazisində Banbaşı bələdiyyəsi tərəfindən şəhid atası İsmayıl Eyvazovun evinin dam örtüyünün dəyişdirilməsinə üçün tikinti materialları alınaraq təhvil verilmişdir. Viləş ərazisində Vətən müharibəsi Qəhrəmanı İntiqam Əsgərli və Aprel şəhidi Nurlan Əsgərli qardaşlarının ev muzeyinin giriş qapısının qarşısında suaparıcı kanala boru atılmış üzərinə çınqıl tökülərək hamarlanmışdır. Güllütəpə ərazisində şəhid Firdovsi Bağırzadə adına olan küçədə yol yataqları təmir olunmuşdur.
