Mahmudavar kəndində şəhid küçəsinə asfalt örtüyü döşənir
Masallı rayonunda şəhid ailələrinə yüksək diqqət və qayğı göstərilməsi dövlət siyasətinin əsas istiqamətlərindən biridir və hər zaman rayon İcra Hakimiyyəti başçısı tərəfindən diqqət mərkəzində saxlanılır.
Rayon İcra Hakimiyyəti tərəfindən şəhid ailələrinin sosial-məişət şəraitinin yaxşılaşdırılması istiqamətində davamlı işlər aparılır. Rayonun bütün ərazilərində şəhid adına olan küçələr və şəhid ailələrinin yaşadığı evlərin həyəti Masallı rayon İcra Hakimiyyətinin təşəbbüsü ilə növbəli şəkildə asfaltlanır.
Bunun bariz nümunəsi olaraq 23 may 2025-ci il tarixdə rayonun Mahmudavar kəndində şəhid Qüdrət Babayev adına olan küçəyə asfalt örtüyü döşənməsi işlərinə başlanılmışdır. Masallı rayon İcra Hakimiyyətinin başçısı Araz Əhmədov, başçının birinci müavini Tohid Hüseynov və başçının müavini-Sosial-iqtisadi inkişafın təhlili və proqnozlaşdırılması şöbəsinin müdiri Adəm Məhərrəmov asfaltlanma işləri aparılan küçəyə baxış keçirmişlər.
Göstərilən diqqət və qayğıya, həmçinin küçələrinə asfalt örtüyünün döşənməsinə görə şəhid ailələri və kənd sakinləri Azərbaycan Respublikasının Prezidenti Cənab İlham Əliyevə, Birinic Vitse-prezident Mehriban xanım Əliyevaya, rayon İcra Hakimiyyətinə, Azərbaycan Avtomobil Yolları Dövlət Agentliyinə və zəhməti olan hər kəsə minnətdarlıqlarını ifadə ediblər.
