Allah rəhmət eləsin
6-08-2024, 10:06. Разместил: admin44
Qurban Gülağa oğlu Qurbanov
Rayonumuzun pedaqoji ictimaiyyətinə itki üz vermişdir. Təcrübəli filoloq, fəal ictimaiyyətçi, kənd ağsaqqalı, respublikanın Əməkdar müəllimi Qurban Gülağa oğlu Qurbanov ömrünün 82-ci ilində dünyasını dəyişmişdir.
Qurban Qurbanov 1942-c i ildə Masallı rayonunun Türkoba kədində anadan olmuşdur.
1957-ci ildə kənd 7 illik məktəbini əla qiymətlərlə bitirərək təhsilini Mahmudavar orta məktəbində davam etdirmş, 1960-cı ildə buranı müvəffəqiyyətlə başa vurmuşdur.
Ali məktəbə daxil ola bilmədiyindən ordu sıralarına çağırılmış və 3 il hərbi xidmətdə olmuşdur. 1966-cı ildə Azərbaycan Dövlət Universitetinin (BDU) filologiya fakültəsinə daxil olmuşdur.
Təhsilini qiyabi davam etdirən gənc Qurban 1969-cu ildə Türkoba kəndində pedaqoji fəaliyyətə başlamış və qısa müddətdə rayonun bacarıqlı filoloqu kimi tanınmışdır.
1987-ci ildə baş müəllim adını almış, 2001-ci ildə “Ən yaxşı müəllim” adına layiq görülmüşdür.
2002-ci ildə Ulu Öndər Heydər Əliyevin həyat və fəaliyyətinə həsr olunmuş “Qəlbimi uşaqlara verirəm” müsabiqəsində birinci dərəcəli diploma layiq görülmüş, 2007-ci ildə Masallı Rayon İcra Hakimiyyətinin Fəxri fərmanı ilə təltif edilmişdir.
2007-ci ildə Əməkdar müəllim adına layiq görülən Qurban Qurbanov un qabaqcıl təcrübəsi rayon məktəblərində yayılmışdır. O, nümunəvi ailə başçısı idi.
Gözəl insan, tanınmış veteran filoloq, Əməkdar müəllim Qurban Qurbanovun əziz xatirəsi həmişə onu tanıyanların qəlbində yaşayacaq.
"Yeni həyat" qəzeti,
www.yeniheyet.az
Вернуться назад