Masallıda Şəhid İntiqam Abbasovun doğum günü qeyd edildi
- 21-09-2022, 18:08
- Maraqlı
- 0
- 312
Masallı rayon Köçəkli kəndində Vətən Müharibəsi şəhidi, baş gizir Abbasov İntiqam Yavər oğlunun doğum günü qeyd olundu.
21 sentyabr 2022-ci il tarixdə Köçəkli kəndində Vətən Müharibəsi şəhidi, baş gizir Abbasov İntiqam Yavər oğlunun doğum günü münasibətilə xatirəsi anılıb.
Yeni Azərbaycan Partiyası Masallı Rayon Təşkilatının sədri Seyfəddin Əliyev, Masallı Rayon İcra Hakimiyyəti başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, şəhid ailələri, qazilər, din xadimləri, ziyalılar, ağsaqqallar və kənd sakinləri Şəhidin məzarını ziyarət edərək, xatirəsini ehtiramla anıb, məzarı üzərinə gül dəstələri qoyub, ruhuna dualar oxuyublar.
Şəhidin ailə üzvləri onlara göstərilən diqqət və qayğıya görə Cənab Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.
“Yeni həyat” qəzeti
www.yeniheyet.az
