Rayon rəhbəri Şəhidlər Abidə Kompleksinə baxış keçirib
Masallı rayon İcra Hakimiyyətinin başçısı Araz Əhmədov Ərkivan qəsəbəsinin Miyondi məhəlləsində əsaslı təmir olunan Şəhidlər Abidə Kompleksinə baxış keçirmişdir.
Belə ki, 23 may 2025-ci il tarixdə Masallı rayon İcra Hakimiyyətinin başçısı Araz Əhmədov, başçının birinci müavini Tohid Hüseynov və başçının müavini-Sosial-iqtisadi inkişafın təhlili və proqnozlaşdırılması şöbəsinin müdiri Adəm Məhərrəmov, ərazi nümayəndəliyi, bələdiyyə sədrinin iştirakı ilə Ərkivan qəsəbəsinin Miyondi məhəlləsində əsaslı təmir olunan Şəhidlər Abidə Kompleksi ilə yerində tanış olmuşlar.
Rayon rəhbəri Şəhidlər Abidə Kompleksində aparılan əsaslı təmir işləri ilə əlaqədar dəstəyi olan hərkəsə öz təşəkkürünü bildirmişdir.
