Masallıda rayon rəhbəri Ərkivan qəsəbə şəhidlər abidəsində
Masallı Rayon İcra Hakimiyyətinin Başçısı cənab Araz Əhmədov Ərkivan qəsəbəsinin Miyondi məhəlləsində Şəhidlər Abidə Kompleksində gedən əsaslı təmir işləri ilə yerində tanış olmuşdur.
Belə ki, 23 aprel 2025-ci il tarixdə Masallı Rayon İcra Hakimiyyətinin Başçısı cənab Araz Əhmədov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadiyev, Memarlıq və tikinti şöbəsinin müdir əvəzi Zamin Kazımov, Ərazi idarəetmə və yerli özünüidarəetmə orqanları ilə iş şöbəsinin baş məsləhətçisi Zahid Sadıxov, nümayəndəliyin əməkdaşları, bələdiyyə və xeyriyyəçilər Ərkivan qəsəbəsinin Miyondi məhəlləsində Şəhidlər Abidə Kompleksində gedən əsaslı təmir işləri ilə yerində tanış olmuşlar.
Rayon rəhbəri Şəhidlər Abidə Kompleksində gedən əsaslı təmir işləri ilə əlaqədar tövsiyə və tapşırıqlarını vermiş və lazım olan hər cür dəstəyin göstəriləcəyini iş icraçılarının diqqətinə çatdırmışdır.
Qeyd edək ki, Şəhidlər Abidə Kompleksi 2003-cü ildə inşa edilmiş və fiziki köhnəlməyə məruz qalmış, əsaslı təmirə ehtiyac yaranmışdır.
Bildirmək istərdik ki, kompleksdə aparılan əsaslı təmir işləri Masallı Rayon İcra Hakimiyyətinin daxili imkanları və xeyriyyəçilərin maliyyə dəstəyi ilə həyata keçirilir.
