• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Dünya azərbaycanlılarının həmrəyliyi günü

    Dünya azərbaycanlılarının həmrəyliyi günü

               Dünya azərbaycanlılarının həmrəyliyi günü 
     
              31 dekabr-Dünya Azərbaycanlılarının Həmrəylik Günü bayramı dünyanın 70-dən çox ölkəsində azərbaycanlılar tərəfindən qeyd olunur. Həmrəylik günü Azərbaycan diasporu üçün ən mühüm bayrama çevrilib, Yeni il isə ikinci plana keçib. Həmrəylik gününü hətta milliyyətcə azərbaycanlı olmayıb, lakin Azərbaycanda doğulub böyümüş, Azərbaycan əsilli diaspor nümayəndələri də qeyd edirlər. Azərbaycanlılar minilliklər boyu özlərinin doğma torpağı olan tarixi Azərbaycan ərazisində yaşayaraq dünya sivilizasiyasına böyük töhfələr vermişlər. Müharibələr, inqilablar, hərbi münaqişələr, dünyada gedən müxtəlif ictimai-siyasi proseslər nəticəsində Azərbaycan parçalanmış, azərbaycanlıların bir qismi öz yurd-yuvalarından didərgin salınmış, deportasiyalara məruz qalmış, bir-birindən ayrı düşmüşdür. İş tapmaq, təhsil almaq məqsədilə doğma yurdu tərk edərək başqa ölkələrdə qərar tutub yaşayan azərbaycanlılar da vardır. Beləliklə də, azərbaycanlılar tarixi Azərbaycan torpaqlarından bütün dünyaya yayılmışlar. Hazırda onlar dünyanın bir çox ölkələrində yaşayırlar. Rusiyada, Ukraynada, Müstəqil Dövlətlər Birliyinin digər ölkələrində, Baltikyanı ölkələrdə, Avropada, Amerikada, Şərq ölkələrində iri Azərbaycan icmaları yaranmışdır.
              Uzun zaman bir-birinə həsrət qalan Azərbaycan millətinin Arazın hər iki sahilində sərhəd yürüyüşü - Şimali və Cənubi Azərbaycan arasındakı sərhəd dirəklərini yıxması, o taylı – bu taylı millətin həftələrlə Araz qırağında gecə-gündüz birləşmək şüarı əslində azərbaycanlıların bir millət olduğunu dünya çapında bir daha canlandırmağa və Azərbaycanı bütövləşdirməyə cəhd idi. Həmrəylik günü bu birləşmək istəyinin simvolik nişanıdır.
               1989-cu ilin noyabrında keçirilən Məclisi xalqın iradəsini bir daha ifadə edərək Cənub və Şimal Azərbaycan arasında humanitar, mədəni, iqtisadi və qohumluq əlaqələrini bərpa etmək məqsədilə sərhəd çəpərlərinin götürülməsi və mühəndis-texniki qurğuların sökülməsi haqqında qərar qəbul etmişdir. Sovet İttifaqı Kommunist Partiyasının, Azərbaycan Kommunist Partiyasının mərkəzi komitələri, partiyanın yerli orqanları, SSRİ sərhəd qoşunlarının rəhbərliyi buna mane olmaq üçün bütün siyasi və hərbi təsir vasitələrinə əl atdılar. Lakin buna baxmayaraq Azərbaycan Xalq Cəbhəsinin Naxçıvan Vilayət şöbəsi ardıcıl olaraq "Sərhəd hərəkatı" adlı bir sıra siyasi aksiyalar həyata keçirdi. Genişlənən demokratik hərəkatın nəticəsində SSRİ-nin dövlət sərhədi boyunca çəkilən sərhəd çəpərləri elliklə söküldü. İlk dəfə olaraq Arazın o tayında, bu tayında olan qohumların, həmvətənlərin ünsiyyət imkanları yarandı, sadələşdirilmiş keçid məntəqələri təşkil edildi.
             1989-cu il dekabrın 31-i Dünya azərbaycanlılarının həmrəylik bayramına çevrildi, 1990-cı ildə isə həmin günün ildönümü Naxçıvan Muxtar Respublikasında geniş qeyd edildi.
              Naxçıvan Muxtar Respublikasından başlanıb, Azərbaycanın digər sərhəd rayonlarına da keçən bu ümumxalq hərəkatına imperiya mövqeyindən yanaşan SSRİ-nin və Azərbaycanın kommunist rəhbərliyi, hərbi dairələr ona qara yaxmağa başladılar. Onlar bunu bir qrup ekstremist və cinayətkar ünsürlərin əməli kimi qiymətləndirib, dünya ictimaiyyətinin gözündən salmağa çalışdılar. Bu məqsədlə sərhəd zonasında fövqəladə vəziyyət rejimi yaradıldı. "Sərhəd hərəkatı" ilə bağlı kommunist rəhbərlərin göstərişinə əsasən Xalq cəbhəsi üzvlərinə qarşı repressiyalar daha da gücləndi, onlardan bir neçəsi həbs olundu, işdən çıxarıldı, bir çox yerlərdə sökülmüş sərhəd çəpərləri bərpa olundu. Lakin qonşu ölkələrin, dünyanın müxtəlif yerlərində yaşayan azərbaycanlıların bu prosesi parçalanmış xalqın təbii birləşmə meyli kimi müdafiə etməsi, ölkədə və dünyada gedən demokratik proseslər mövqeyindən qiymətləndirməsi xalqımıza qarşı yönəldilmiş təbliğatın qarşısını qismən aldı. 1990-cı ilin noyabr ayının 3-də Türkiyədə keçirilən Birinci Millətlərarası Azərbaycan dərnəkləri qurultayı isə Naxçıvan Muxtar Respublikasından başlanmış sərhəd hərəkatının real davamı kimi milli birlik və həmrəylik yolunda atılan daha bir mühüm addım oldu. Noyabr ayının 5-də qurultayın qəbul etdiyi qərarda 31 dekabr gününün hər il geniş qeyd edilməsi zərurəti irəli sürüldü. 1991-ci ilin 16 dekabrında Naxçıvan Muxtar Respublikası Ali Məclisinin sədri Heydər Əliyev dünya azərbaycanlılarının birliyini yaratmağın əhəmiyyətini nəzərə alaraq dekabrın 31-ni Dünya Azərbaycanlılarının Həmrəylik Günü elan etdi
     
    Ağasəf Kərimov, 
    Masallı rayonu, Eminli kənd sakiniшаблоны для dle 11.2
    DİGƏR XƏBƏRLƏR
    XƏBƏR LENTİ
    1. 14:18 Azərbaycanı bir qiymətli üzüyə bənzətsək, Kəlbəcər onun qaşıdır
    2. 17:47 Səfərbərlik və Hərbi Xidmətə Çağırış üzrə Dövlət Xidmətinin rəisi Masallıda vətəndaşları qəbul edib
    3. 17:44 Şəhid əsgər Məmmədağa Bağırovun anım mərasimi
    4. 17:38 Masallının Ləngan kəndində şəhid ailəsi ziyarət olundu
    5. 15:12 Azərbaycanın şanlı tarixi zəfəri !
    6. 06:42 “Parlaq gələcək üçün narkotikə yox” mövzusunda tədbir
    7. 00:05 Yeni Azərbaycan Partiyası  müasir Azərbaycanın siyasi həyatında mühüm rola malikdir
    8. 18:06 Yeni Azərbaycan Partiyasının 30 illiyi
    9. 17:29 Masallıda “Narkomaniya və insan alverinin fəsadları” mövzusunda maarifləndirici tədbir
    10. 17:27 Masallıda Fikrət Əmirovun 100 illiyi qeyd olunub
    11. 17:25 Masallıda 1500 ədəd zeytun ağacı əkilmişdir
    12. 17:12 Masallıda rayon rəhbərinin Təklə ərazisində səyyar-görüş qəbulu
    13. 21:04 Masallıda ədliyyə işçilərinin peşə bayramı günü
    14. 20:59 Şəhid əsgər Niyaməddin Sultanzadənin anım mərasimi
    15. 18:58 Prezident İlham Əliyevin cari ilin 21 noyabr tarixində Yeni Azərbaycan Partiyasının yaradılmasının 30 illiyi münasibətilə tədbirdə çıxış etmişdir
    16. 19:30 Masallıda çəltikçiliyə diqqət 21 noyabr
    17. 19:00 Masallıda “Narkomaniya və erkən nikahlara yox deyək!” mövzusunda məktəblilərlə görüş
    18. 16:14 Masallıda qaz dayandırılması
    19. 17:10 Masallıda şəhid qardaşı ilə şəhid bacısının toyu
    20. 17:09 Masallıda “Gənclərin hüquqi maarifləndirilməsi, insan hüquqları haqqında biliklərin artırılması” mövzusunda maarifləndirici seminar
    21. 17:08 Masallı şəhərində asfaltlanma işləri davam edir
    22. 14:30 Masallıda ənənəvi iməcilik və ağacəkmə
    23. 21:53 Milli dövlətçiliyimizin qurulmasında müstəsna xidməti olan Yeni Azərbaycan Partiyası
    24. 21:49 Masallıda mini-futbol turnirinə yekun vurulub
    25. 21:44 “Əlvan rənglər” başlığı altında rəsm dərsi
    26. 21:39 Masallıda “Skautinq” mövzusunda təlim
    27. 21:36 Masallı Rayon İcra Hakimiyyəti başçısının 18 noyabr 2022-ci il tarixli vətəndaş qəbulu
    28. 13:26 22 noyabr ədliyyə işçilərinin peşə bayramı bu il də xalqımızın şanlı qələbəsi ilə ikiqat sevinc hissi ilə qeyd olunur
    29. 00:05 Prezident İlham Əliyevin 15 noyabr tarixində Albaniyada rəsmi səfərdə olmuşdur
    30. 20:37 Prezident İlham Əliyev 15 Noyabr tarixində Albaniyada rəsmi səfərdə olmuşdur
    31. 18:17 Masallı rayon Heydər Əliyev Mərkəzində film nümayişi
    32. 18:15 Xıl kəndində mərkəzi yol təmir olunur
    33. 18:14 Masallıda “Azərbaycan cəsarətli və işgüzar qadınlar yurdudur” mövzusunda tədbir
    34. 18:11 Masallıda idmançılarla görüş
    35. 18:09 Dirçəlişin Zəfərə apardığı yol
    36. 15:14 İran təxribatlarının miqyası genişlənməkdədir
    37. 14:44 Şəhid əsgər Elməddin Nəzərovun anım mərasimi
    38. 14:44 Masallı rayonunda əhaliyə göstərilən ödənişli xidmətlərin həcmi artıb
    39. 20:30 Prezident İlham Əliyev 15 noyabr tarixində Albaniyada səfərdə olmuşdur
    40. 17:26 Masallı şahmatçıları zona yarışının mükafatçısıdır
    «    Noyabr 2022    »
    BeÇaÇCaCŞB
     123456
    78910111213
    14151617181920
    21222324252627
    282930 
    DÜNYA XƏBƏRLƏRİ