“Zirvədədir əməllərin”
Mahmudavarda Ulu Öndərin 100 illiyinə həsr edilmiş yubiley bayram tədbiri
Masallıda Ümummilli Lider Heydər Əliyevin anadan olmasının 100 illiyinə həsr olunan “Zirvədədir əməllərin” adlı tədbir keçirilib.
Masallı Regional Mədəniyyət İdarəsi Masallı Mədəniyyət Mərkəzinin nəzdində fəaliyyət göstərən Mahmudavar Folklor evində təşkil edilən yubiley tədbiri öncəsi Ulu Öndər Heydər Əliyevin və torpaqlarımızın bütövlüyü uğrunda canını fəda edən şəhidlərimizin əziz xatirəsi bir dəqiqəlik sükutla yad olunub.
Tədbirdə Masallı RİHB-nın Mahmudavar kənd inzibati ərazi dairəsi üzrə nümayəndəsi Ağadadaş Qənbərov, Mahmudavar kənd tam orta məktəbin direktoru Xanım Əliyeva, ümumi orta məktəbin direktoru İsa İbadov, tarix müəllimi Qumru Əhmədov və başqaları çıxış edərək Ümummilli Lider, görkəmli siyasi və dövlət xadimi Heydər Əliyevin Azərbaycan xalqının tarixi inkişafında müstəsna xidmətlərindən söz açıblar.
Tədbir bədii özfəaliyyət kollektivlərinin və “Halay” folklor xalq kollektivinin maraqlı çıxışları ilə davam edib.
Akif AĞAYEV
"Yeni həyay" qəzeti,
www.yeniheyet.az
