Rayon rəhbəri Boradigah qəsəbəsində görülən işlərlə tanış oldu
Masallı Rayon İcra Hakimiyyəti başçısı tərəfindən rayonda əhalinin sosial rifahının yüksəldilməsi və infrastrukturun müasirləşdirilməsi məqsədilə bir sıra mühüm tədbirlər həyata keçirilir. Xüsusi ilə çayların lildən təmizlənməsi, əkin sahələrinin suvarılmasından ötrü su kanallarının bərpası işləri görülmüşdür.
Belə ki, 04 avqust 2025-ci tarixdə Masallı Rayon İcra Hakimiyyətinin başçısı Araz Əhmədov, başçının birinci müavini Tohid Hüseynov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, ərazi nümayəndəliyi və bələdiyyə ilə birlikdə rayonun Boradigah qəsəbəsində Masallı Su Meliorasiya Sistemlərinin İstismarı İdarəsi tərəfindən çayın və suaparıcı kanalların təmizlənməsi işləri ilə yerində tanış olmuşlar.
Boradigah qəsəbə ərazi nümayəndəsi və bələdiyyə sədri rayon rəhbərinə görülmüş işlərlə bağlı geniş məlumat vermişdir.
