Novruz bayramı və rəmzləri
18-03-2024, 21:00. Разместил: admin44
Təbiətin oyandığı zamanın yaxınlaşmasına çox az günlər qalıb. Yazın gəlişi təbiətin oyanması yeni fəsilə giriş kimi hesab edilir. Bu ərəfədə hər kəs sevincli olur, Novruzu qarşılamaq üçün hazırlıqlar edir. Novruz bayramında küsülülər barışır və qohum, qonşular bir-birinin evinə gedir. Martın 21-də gecə-gündüz bərabərləşir. Ölkəmizdə Novruzdan əvvəlki 4 çərşənbəyə xüsusi əhəmiyyət verilir. Bu çərşənbələr Novruz yaradılışının işarələyən mərhələlərdir: su, od, külək, torpaq. Novruz Azərbaycanda böyük təm təraqla qeyd edilir, süfrələr zövqlə bəzənir. Süfrədə “s” hərfi ilə başlayan yeddi yemək olmalıdır. Bundan əlavə bu bayramın atributları olan şəkərbura, paxlava, qoğal da süfrədə bəzənməlidir. Bayram axşamı hər kəs evində olmalıdır. İnanclara görə, əgər Novruzun ilk günü evdə olmasan, yeddi il evdə ola bilməyəcəksən. Novruz bayramında yerinə yetirilən adətlərimiz bunlardır: səməni əkmək, papaq atmaq, tonqaldan tullanmaq, üzük falı, qulaq falı, rəngbərəng yumurtalar döyüşdürmək.
Papaq atmaq əsasən gənclər və uşaqlar arasında yayılmışdır. Adətə görə papağı boş qaytarmaq olmaz. Üzük falı qızlar arasında yayılmışdır. Növbəti adətimiz olan qulaq falı isə hər hansı bir evdə danışılanların dinlənilməsidir. Əgər həmin evdən xoş sözlər eşidəriksə, deməli diləyimiz gerçək olacaq. Səməni demək olar bütün evlərdə əkilir. Bu adət yazın gəlişindən xəbər verir. Novruz bayramımızın əsas rəmzləri Kosa və Keçəldir. Onlar heç vaxt bir-biri ilə yola getmirlər.
Novruz Azərbaycanla yanaşı İranda, Türkmənistanda, Tacikistanda, Özbəkistanda, Pakistanda, Qazaxıstanda, Qırğızıstanda xüsusi təntənə ilə qeyd edilir.
Şıxəliyeva Aidə,
Elşən Heybətov adına Dəlləkoba kənd ümumi orta məktəb
"Yeni həyat" qəzeti,
www.yeniheyet.az
Вернуться назад