Rayon rəhbəri Köhnə Alvadı kəndində ərazi nümayəndəliyi üçün nəzərdə tutulmuş inzibati binaya baxış keçirib
26 noyabr 2025-ci il tarixdə Masallı rayon İcra Hakimiyyətinin başçısı Araz Əhmədov Köhnə Alvadı kənd inzibati ərazi dairəsi üzrə nümayəndəliyi üçün nəzərdə tutulmuş inzibati binasında olub, binanın ümumi vəziyyəti və texniki imkanları ilə yerində tanış olmuşdur
Masallı rayon İcra Hakimiyyətinin başçısının Köhnə Alvadı kənd inzibati ərazi dairəsi üzrə nümayəndəsi Kərim Ağayev rayon rəhbərinə bina barədə və əməkdaşların iş şəraiti barədə ətraflı məlumat vermişdir.
Rayon rəhbəri ərazi nümayəndəliklərinin fəaliyyətinin gücləndirilməsi, müasir şəraitlə təmin edilməsi dövlətin qarşıya qoyduğu prioritet vəzifələrdən biri olduğunu vurğulayaraq binanın sakinlərə xidmət prosesini daha da sürətləndirəcəyini və idarəetmədə şəffaflığın artırılmasına töhfə verəcəyini qeyd edib.
Sonda rayon rəhbəri müvafiq tapşırıqlar verərək inzibati binanın tam istifadəyə hazır vəziyyətə gətirilməsi ilə bağlı görüləcək əlavə işlərin icrası barədə göstərişlər verib.
