Yeni Azərbaycan Partiyası - tarixin bütün sınaqlarından şərəflə çıxan alternativsiz siyasi qüvvədir
- 18-11-2025, 16:24
- Maraqlı
- 0
- 762
Yeni Azərbaycan Partiyası — "91-lər"in müraciəti əsasında 1992-ci il noyabrın 21-də Naxçıvanda Heydər Əliyevin sədrliyi və 550 nəfərdən ibarət təşəbbüs qrupunun iştirakı ilə keçirilən təsis konfransı ilə yaradılan, 1992-ci il dekabrın 18-də Ədliyyə Nazirliyi tərəfindən rəsmi qeydiyyata alınan siyasi partiya.
Yaradılma tarixinə nəzər salsaq, görərik ki, YAP ölkədə özbaşınalığın, xaos və anarxiyanın hökm sürdüyü, Azərbaycan dövlətçiliyinin məhv olmaq təhlükəsi ilə qarşılaşdığı zamanda yaradıldı.
Yeni Azərbaycan Partiyasının yaranması 1988-ci ildən başlayaraq ölkəmizdə cərəyan edən hadisələrin yekunu və mövcud olan ictimai-siyasi şəraitin məntiqi nəticəsi idi.
Hər hansı siyasi partiyanın yarandığı vaxtdan keçən, qısa müddət ərzində, hakimiyyətə gəlməsi tarixdə çox nadir hallarda rast olunsa da, YAP cəmi altı ay sonra hakimiyyətə gəldi və iqtidar partiyasına çevrildi. Onu da qeyd edək ki, sivil dövlətlərdə partiya hakimiyyətə gələrək, öz rəhbərini yüksək posta gətirir. Ancaq Ulu Öndər Heydər Əliyevin təcrubəsi, xalqın sevgisi YAP sədrini təhkidlə ölkə rəhbəri gətirdi.
Dövlət müstəqilliyinin rəsmən elan olunduğu 1991-ci ilin 18 oktyabrından sonra Azərbaycan böyük fəlakətlə üzləşdi. Bir-birini sürətlə əvəzləyən müvəqqəti iqtidarların şəristəsiz siyasəti dövlətə, xalqa qarşı edilən xəyanətlər Azərbaycanı nəinki yenicə qazandığı müstəqilliyini itirmək, hətta bir dövlət kimi dünyanın siyasi xəritəsindən silinmək təhlükəsi ilə üzləşdirdi.
Azərbaycanda siyasi qurumların formalaşması prosesi 1988-ci ildən başlanan xalq hərəkatı gedişində özünü büruzə vermiş ve 1990-cı ilin əvvəllərində bir sıra təşkilatlar yaranmışdı. Lakin yaradılan partiyalar ölkəni düşdüyü ağır iqtisadi, siyasi, mənəvi böhrandan nəinki qurtara bilmədi, əksinə, hakimiyyətdə olan və bir-birini əvəz edən siyasi qüvvələr respublikadakı vəziyyəti daha da ağırlaşdıraraq təhlükəli böhran vəziyyətinə çatdırdılar. Ölkəni bürümüş dərin siyasi, iqtisadi, sosial böhran xalqın qabaqcıl hissəsi olan ziyalıları, tanınmış insanları son dərəcə narahat edirdi.
Müstəqilliyimizin bərpasının ilk illərində yaşananlar tariximizin faciəli səhifəsi kimi daim vərəqlənir. Müstəqilliyini yenicə bərpa etmiş gənc Azərbaycan dövləti böyük fəlakətlə üz-üzə idi. Ölkədə gedən proseslər idarəolunmaz hal almışdı. Siyasi çəkişmələr, hakimiyyət uğrunda mübarizə Azərbaycanın müstəqil yaşamasını sual altına qoymuşdu. Hakimiyyətə qanunsuz yollarla gəlmiş AXC-Müsavat cütlüyü ölkəni uçurumun kənarına gətirmişdi. Torpaqlarımız əldən gedir, ərazi bütövlüyümüz pozulur, soydaşlarımız qaçqın və məcburi köçkün vəziyyətinə düşürdü. O vaxt hakimiyyəti zəbt etmiş bədnam AXC-Müsavat cütlüyü ancaq öz maraqlarını güdürdü. Bu reallıqlar fonunda Yeni Azərbaycan Partiyasının tarixi zərurətdən yarandığı xüsusi vurğulanır. Partiyanın yaranması 1993-cü ildə Ulu Öndər Heydər Əliyevin xalqın təkidli tələbi ilə hakimiyyətə qayıdışını şərtləndirdi.
1992-ci ildə Xalq Cəhbəsi hakimiyyətə gəldi.
AXC-Müsavat cütlüyünün hakimiyyəti özünün bədnam idarəçilik fəaliyyəti ilə xalqın bu günə və gələcəyə ümidini, qürurlu millət kimi yaşamağa inamını öldürmüşdü. Meydanın boş olduğunu görən erməni təcavüzkarları işğalçılıq siyasətini daha da gücləndirmiş, respublikanın ayrı-ayrı bölgələrində qanunsuz silahlı birləşmələr cövlan etməyə başlamışdı. Azərbaycan vətəndaş müharibəsinin bir addımlığında idi. Xalq bilirdi ki, parçalanmış Azərbaycanın yaralarına ancaq Ulu Öndər məlhəm qoya bilər. O vaxtlar xalqın ümidi tanınmış dövlət xadimi, blokada şəraitində Naxçıvan şəhərində yaşayan və Naxçivan Muxtar Respublikasının Ali Məclisinin Sədri işləyən Ümummilli Lider Heydər Əliyev idi. Respublikanın hər tərəfindən Heydər Əliyevin ölkənin “xilaskarı” olacağı ideyası hakimiyyəti qorxuya salmışdır.
Dahi şəxsiyyət ziyalıların müraciətini qəbul etsə də, Onun Bakıya gəlməsinə o zamankı səriştəsiz şəxslərin rəhbərlik etdiyi hakimiyyətin maneələr yaratması, Heydər Əliyevçilərin təqibi ucbatından partiyanın yaradılmasını istəyən insanların bir hissəsi Naxçıvana gedərək, partiyanın təsis konfransını orada keçirməyə nail oldular.
Ümummilli Liderin böyük inamla səsləndirdiyi bu fikirlər hazırda reallıqda öz əksini tapıb. YAP yarandığı gündən xalqın partiyasına çevrilərək dövlətə, xalqa xidməti fəaliyyətinin əsasına çevirdi. Sözlə əməl birliyi, tutduğu yola sadiqliyi YAP-ın cəmiyyətdə nüfuzunun artmasında əhəmiyyətli rol oynadı.
YAP indi ölkəmizin ictimai-siyasi həyatında fəal iştirak edərək təkcə Azərbaycanın ümumxalq partiyasına deyil, artıq bölgə hüdudlarını aşaraq dünyanın ən nüfuzlu və ən böyük partiyasına çevrilmişdir.
Yeni Azərbaycan Partiyasının sədri, Möhtərəm cənab prezidentimiz İlham Əliyev çıxışlarının birində qeyd etmişdir: - “Bilirsiniz, bizim partiyanın əsası ona görə möhkəmdir, ona görə güclüdür ki, biz heç bir təsadüfi fikirlərlə yaşamamışıq.”
Əfrail Fərziyev
YAP veteran
AJB-nin üzvi
