Masallıda Vətən Müharibəsi şəhidi Sübhan Həsənova həsr edilmiş “Dan yerinin sübhü” adlı kitabın təqdimat mərasimi
28 noyabr 2025-ci il tarixdə Masallı şəhər Nizami Gəncəvi adına Mədəniyyət Mərkəzində Masallı Rayon İcra Hakimiyyəti və Lənkəran-Astara Regional Mədəniyyət İdarəsinin Masallı rayonu üzrə Mədəniyyət sektorunun birgə təşkilatçılığı ilə Pərvanə Ziyadova tərəfindən şəhid Sübhan Həsənova həsr edilmiş “Dan yerinin sübhü” adlı kitabın təqdimat mərasimi keçirilmişdir.
Tədbirdə Masallı Rayon İcra Hakimiyyətinin başçısı Araz Əhmədov, Masallı Rayon İcra Hakimiyyəti Başçısı aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, idarə, müəssisə, təşkilat rəhbərləri, kitabnın müəllifi Pərvanə Ziyadova, şəhid ailələri və müharibə veteranları iştirak etmişlər.
Tədbir Ulu Öndər Heydər Əliyevin, Azərbaycan Respublikasının suverenliyi və ərazi bütövlüyü uğrunda canından keçən şəhidlərimizin əziz xatirəsinin 1 dəqiqəlik sükutla yad edilməsi ilə açıq elan edildi.
Kitab təqdimatında çıxış edən Masallı Rayon İcra Hakimiyyətinin başçısı Araz Əhmədov kitabın müəllifinə şəhid adının uca tutduğu üçün təşəkkürünü bildirərək Azərbaycanın qəhrəmanlıq salnaməsini yazan igidlərin sücayətindən bəhs etmişdir.
Sonra kitabnın müəllifi Pərvanə Ziyadova şəhid Sübhan Həsənova həsr olunmuş kitab barədə ətraflı məlumat verdi.
Tədbirdə çıxış edən şəhid Sübhan Həsənovun anası Ülkər Həsənova, Şəhid atası Teymur Hüseynov və şəhid Sübhan Həsənovun döyüş yoldaşı Ceyhun Şiriyev şəhidlə bağlı xatirələrini bölüşmüşlər.
Sonda şəhid Sübhan Həsənovun bacısı oğlu Tunar Dadaşovun təqdimatında şəhidlərə həsr olunmuş şeir səsləndirilmiş, Masallı Dövlət Regional Kollecinin tələbələrinin və Masallı şəhər 5 saylı tam orta ümumtəhsil məktəbinin şagirdlərinin təqdimatında kompozisiyalar təqdim edilmişdir.
