25 Noyabr Kəlbəcər şəhərinin işğaldan azad edilməsinin qeyd olunduğu gündür

25 Noyabr tarixi Azərbaycan xalqının yaddaşında xüsusi önəm daşıyan günlərdən biridir. Bu gün 2020-ci ilin 44 günlük Vətən Müharibəsindən sonra Kəlbəcər rayonunun bir güllə atılmadan, Azərbaycan Ordusunun şərəfli və qətiyyətli iradəsi nəticəsində azad olunması ilə bağlıdır. Müzəffər Ali Baş Komandan, Prezident İlham Əliyevin rəhbərliyi altında qazanılan tarixi Qələbə nəticəsində Kəlbəcər torpaqları yenidən Azərbaycanın suverenliyi və nəzarəti altına qayıtdı.

Kəlbəcər rayonunun strateji mövqeyi, təbii sərvətləri, zəngin mədəni irsi və bənzərsiz təbiəti onun ölkəmiz üçün nə qədər əhəmiyyətli olduğunu bir daha göstərir. İşğal illərində dağıdılmış, yandırılmış və viran edilmiş bu gözəl diyar bu gün dövlətimizin genişmiqyaslı bərpa-quruculuq siyasəti nəticəsində yenidən dirçəlir, həyat qaynayır. Yol infrastrukturu, yaşayış məhəllələri, sosial obyektlər və kənd təsərrüfatı sahələri sürətlə bərpa olunur. Bu proses Azərbaycanın gücünü, iqtisadi qüdrətini və xalqa olan xidmət prinsiplərini bir daha nümayiş etdirir.
Kəlbəcərin azad olunması — yalnız bir rayonun deyil, həm də ədalətin, tarixi həqiqətin və milli həmrəyliyin bərpası deməkdir. Bu gün Kəlbəcər Şəhəri Günü Azərbaycan xalqının qələbə iradəsinin, dövlətimizin qürurunun və ordumuzun rəşadətinin simvoluna çevrilib.

Bu əlamətdar gün münasibətilə Kəlbəcərin mərd insanlarını, bu torpağın uğrunda canından keçən şəhidlərimizi dərin ehtiramla yad edir, qazilərimizə minnətdarlığımızı bildiririk. Kəlbəcərin gələcəyi daha parlaq, daha inkişaf etmiş və daha güclü olacaq.



Azər Nəsirov,
Masallı rayonu.шаблоны для dle 11.2