Naxçıvan şəhərində “Yeni Azərbaycan Partiyası”nın (YAP) təsis konfransı keçirildi

1992-ci il 21 noyabr tarixində, Azərbaycanda müstəqilliyin ilk illərində baş verən çətin ictimai-siyasi şərait fonunda, Naxçıvan şəhərində “Yeni Azərbaycan Partiyası”nın (YAP) təsis konfransı keçirildi.  Bu hadisə, ölkənin dövlətçilik tarixində mühüm dönüş nöqtəsi kimi qiymətləndirilir.
 
   1992-ci ilin sonlarına doğru Azərbaycan Respublikasında siyasi sabitsizlik, iqtisadi böhran və hərbi təcavüz şəraiti artmışdı.  Belə bir mürəkkəb mühitdə ziyalılar, ictimai­-siyasi xadimlər və dövlətçilik mövqeyində olan şəxslər bir araya gələrək yeni siyasi təşkilatın yaradılmasına çağırış etdilər.
   
Konfransın təşkil edildiyi gündə ölkənin müxtəlif bölgələrindən seçilmiş 550-ə yaxın nümayəndə iştirak etmişdir. Həmin gün uzaqgörən dövlət xadimi Heydər Əliyev yekdilliklə partiya sədrliyinə seçildi. Bu təsis konfransı sadəcə siyasi təşkilatın yaranması deyil, həm də ölkədə yeni dövlətçilik mühütün və siyasi sistemi formalaşdırmağa xidmət edən hadisə olmuşdur.
   21 noyabr 1992-ci il tarixli bu konfrans ölkənin siyasi gələcəyi üçün əhəmiyyətli bir başlanğıc oldu. Belə ki, YAP-ın yaranması, o dövrdəki siyasi böhran və xaos fonunda yeni, sabit və dövlətçilik mövqeyində duran siyasi qüvvənin formalaşması üçün əsas yaratdı. YAP sonrakı illərdə ölkədə hakim siyasi partiyaya çevrildi və Azərbaycanın siyasi inkişafında əsas rol oynadı.
    1992-ci il 21 noyabr tarixində keçirilən YAP-ın təsis konfransı yalnız bir siyasi təşkilatın yaradılması deyil, müstəqil Azərbaycanın dövlətçilik ideyalarının, milli birlik və siyasi sabitliyin yeni mərhələyə qədəm qoymasının simvoludur. Bu hadisə Azərbaycan tarixində “dövlətçilik taleyi” ilə bağlı mühüm dönüş nöqtəsi kimi qalır.






 Gülyanaq Əlipaşa qızı
Masallı rayonu Hişkədərə kəndiшаблоны для dle 11.2