Masallıda 20 yanvar faciəsinin 33-cü ildönmü
![](/uploads/posts/2023-01/medium/1674235125_357c6270259f29e403fbef5c0b2bde46.jpg)
20 yanvar 2023-cü il tarixdə Masallı rayonunda şəhidlərin anım günü rayon mərkəzində və ayrı-ayrı yaşayış məntəqələrində keçirilən tədbirlərlə yadda qalıb. Hər yerdə şəhidlərin xatirəsinə böyük etiram ifadə edilib.
Masallı şəhər “Qəhrəmanlar parkı-Şəhidlər abidə kompleksi”ndə 20 yanvar faciəsinin 33-cu ildönümü ilə əlaqədar ümumrayon anım mərasimi keçirilib.
Səhər saatlarından başlayaraq ziyarətə gələn insanları, minlərlə rayon sakinini bir amal birləşdirirdi: Azadlığımız, müstəqilliyimiz uğrunda canından keçənlərin xatirəsini yad etmək, onların haqq işinin müdafiəçisi olduğunu bildirmək.
Anım mərasimində Masallı Rayon İcra Hakimiyyətinin başçısı Araz Əhmədov, hüquq-mühafizə orqanları, idarə, müəssisə, təşkilat rəhbərləri və əməkdaşları, ağsaqqallar, ziyalılar, məktəblilər, Qarabağ müharibəsi veteranları, ictimaiyyət nümayəndələri 20 Yanvar şəhidlərinin abidəsi önünə təzə-tər qərənfillər düzərək şəhidlərin ruhunu ehtiramla yad ediblər.
Eyni zamanda, rayon ərazisində matəm əlaməti olaraq Dövlət Bayrağı endirilib, Bakı vaxtı ilə saat 12:00-da rayonun bütün ərazilərində şəhidlərin xatirəsi bir dəqiqəlik sükutla yad edilib, nəqliyyat vasitələrində səs siqnalları verilib.
![](/uploads/posts/2023-01/medium/1674235218_c50aff612b11f22828ca95136c84d4ea.jpg)
![](/uploads/posts/2023-01/medium/1674235254_b9c47ce8e4c780b9390c75452a40898f.jpg)
![](/uploads/posts/2023-01/medium/1674235289_5eac45567adfa4c4306ce9f2c425058e.jpg)
![](/uploads/posts/2023-01/medium/1674235354_065d1876e486f1569e04aa2d65703f17.jpg)
![](/uploads/posts/2023-01/medium/1674235342_70cc1ce74b5d86317902f4b866b1ad60.jpg)
![](/uploads/posts/2023-01/medium/1674235389_75fe21e33e2f49aee43f84c6540ca83c.jpg)
![](/uploads/posts/2023-01/medium/1674235458_113508a15cad6efe0a6d1446582ff32b.jpg)
“Yeni həyat” qəzeti,
www.yeniheyet.az