Masallıda seçicilərlə izdihamlı Zirvə görüşü keçirilib

  Masallıda seçicilərlə izdihamlı Zirvə görüşü keçirilib 

Yeni Azərbaycan Partiyasının Mərkəzi Seçki Qərargahının Masallı rayon şöbəsi cənab İlham Əliyevin ölkə prezdentliyinə namizədliyini dəstəkləmək məqsədilə rayonun çoxminli seçicilərinin iştirakı ilə “İlhamla İrəli” devizi altında mitinq-konsert təşkil edib.
Mitinq-konserti giriş sözü ilə açan YAP Masallı rayon təşkilatının sədri Seyfəddin Əliyev möhtərəm Prezidentimiz cənab İlham Əliyevin 2003-cü ildən etibarən ölkə başçısı kimi genişmiqyaslı və çoxşaxəli fəaliyyəti, Onun müstəqil Azərbaycan dövlətçiliyinin möhkəmləndirilməsi və xalqımızın rifahının ildən-ilə daha da yaxşılaşdırılması istiqamətində apardığı uğurlu daxili və xarici siyasət, ölkəmizdə reallaşdırılan ardıcıl və sistemli siyasi, iqtisadi, sosial islahatlar, Azərbaycanın istər regionda, istər beynəlxalq səviyyədə qazandığı tarixi nailiyyətlər və misilsiz uğurlar haqqında ətraflı məlumat verib.
Diqqətə çatdırılıb ki, İlham Əliyev siyasətinin başlıca hədəfi növbəti Prezidentlik dövründə Azərbaycanı inkişaf etmiş ölkələr sırasına çıxarmaqdan ibarətdir ki, bu da ölkəmizdə qüdrətli iqtisadiyyatın və yüksək rifahın təmin olunması deməkdir.
S.Əliyev qeyd edib ki, Masallı ictimaiyyəti birmənalı şəkildə Yeni Azərbaycan Partiyasının Sədri cənab İlham Əliyevi dəstəkləyir və  növbəti dəfə Yeni Azərbaycan Partiyasının Sədri cənab İlham Əliyevə etimad göstərəcəklər.
Millət vəkilləri Nəriman Əliyev, Elmira Axundova bildiriblər ki, İlham Əliyevin son 15 illik hakimiyyəti dövründə Azərbaycan dövləti daha da inkişaf edərək regionun ən qüdrətli ölkəsinə çevrildi: “Ulu öndərin müdrik siyasətinin layiqli davamçısı olan cənab İlham Əliyev indi dünyanın ən nüfuzlu və güclü siyasi lideridir. Biz bir xalq, millət olaraq onunla fəxr edirik. Və inanırıq ki, hər bir azərbaycanlının Prezidenti olan cənab İlham Əliyev yenidən ölkə prezidenti seçiləcəkdir.”
YAP Siyasi Şurasının üzvü, “Səs” qəzetinin baş redaktoru Bəhruz Quliyev,
respublika Veteranlar Şurasının sədr müavini Cəlil Xəlilov, Azərbaycan Tibb Universitetinin professoru Vəsadət Əzizov və başqaları Prezident İlham Əliyevin rəhbərliyilə həyata keçirilən siyasətin uğurlu nəticələrindən bəhs ediblər. Natiqlər Yeni Azərbaycan Partiyasının namizədi cənab İlham Əliyevin növbəti dəfə əzəmətli qələbə qazanacağına əmin olduqlarını bildiriblər.
Tədbirdə YAP Mərkəzi Aparatının məsul işçisi Emin Abbasov da iştirak edib.
Tədbir konsert proqramı ilə davam etdirilib.
 


 





 шаблоны для dle 11.2