Şuşaya həsr olunmuş gecə
- 29-10-2022, 16:36
- Maraqlı
- 0
- 274
28 oktyabr 2022-ci il tarixində Masallı Ağsaqqallar klubunda rayon ağsaqqallar və MƏSQ veteranlar şurasının birgə tədbirlər planına uyğun olaraq Şuşanın 270 illiyinə həsr olunmuş "Şuşanın keçmişi,bu günü və gələcəyi" mövzusunda gecə keçirilmişdir. Tədbiri giriş sözü ilə ağsaqqallar şurasının sədri Ələşrəf Niftiyev açmışdır.
Vətən şəhidlərinin ruhu bir dəqiqəlik sükutla yad edilmişdir.
Şuranın sədri Ələşrəf Niftiyev "Şuşanın dünəni,bu günü, sabahı" mövzusunda məruzə ilə çıxış etmişdir.
Bu yaxınlarda Şuşadan qayıtmış RİH yanında İctimai Şuranın sədri Əyyub Mehdiyev Azərbaycanın bu gözəl guşəsi haqqında təəssüratlarını danışmışdır. Vətən müharibəsi qazisi, torpaqlarımızın azad olunması uğrunda 4 medala layiq görülmüş Cavid Nuri Şuşanı işğaldan azad etmiş igid döyüşçülərimizin qəhrəmanlıqlarından şahid olduğu epizodlarından danışmışdır .
Veteran müəllimə Solmaz Rəsulova Şuşa tarixinin bəzi məqamlarına toxunmuş, şair Tahir Hüseynov isə Azərbaycanın bu dilbər guşəsinə həsr etdiyi şeirini oxumuşdur.
Sonra əslən Şuşadan olan Masallı şəhər 4 nömrəli məktəbin hərbi müəllimi Rafiq Abbasovun rəhbərliyi altında şagirdlərin ifasında Şuşaya həsr olunan musiqili ədəbi-bədii kompozisiya səslənmişdir. Tədbirin sonunda fərqlənənlərə təşəkkürnamə, "Xarı Bülbül" xatirə nişanları və kitab hədiyyələri verilmişdir.
Tədbirdə Masallı RİH-in nümayəndəsi Nahid Həsənov iştirak etmişdir.
Gecəni Masallı Ağsaqqallar Şurasının sədri Ələşrəf Niftiyev yekunlaşdırmışdır.
İbrahim Şükürov,
Masallı Rayon Ağsaqqallar Şurasının mətbuat katibi , AJB üzvü.
"Yeni həyat" qəzeti,
www.yeniheyet.az
