• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » 12 noyabr - Azərbaycan Respublikasının Konstitusiya Günüdür

    12 noyabr - Azərbaycan Respublikasının Konstitusiya Günüdür


    12 noyabr - Azərbaycan Respublikasının Konstitusiya Günüdür. Bu gün Azərbaycan Respublikası Konstitusiyasının qəbul edilməsindən 27 il ötür.Müstəqil Azərbaycanın ulu öndər Heydər Əliyevin rəhbərliyi ilə hazırlanan ilk Konstitusiyası 1995-ci il noyabrın 12-də keçirilmiş ümumxalq səsverməsi  yolu ilə qəbul edilib. Konstitusiyanın qəbulu müstəqillik tariximizin ən mühüm hadisələrindən biri olmaqla yanaşı, ümummilli lider Heydər Əliyevin Azərbaycan dövlətçiliyi qarşısındakı böyük xidmətlərindən biridir.

     Bu Konstitusiya müstəqil dövlət quruculuğu prosesini tənzimləyən, demokratik inkişafa təminat yaradan, cəmiyyətin siyasi, sosial, mədəni, iqtisadi sferalarında köklü dəyişiklikləri özündə ehtiva edən, qanunvericiliyin təkmilləşdirilməsində hüquqi baza rolunu oynayan mükəmməl və mütərəqqi sənəd idi.  Azərbaycan müstəqilliyinin bərpa olunduğu ilk illərdə ulu öndər Heydər Əliyevin böyük uzaqgörənliklə, cəsarətlə həyata keçirdiyi əsaslı islahatlar respublikamızı inkişaf yoluna çıxarmaqla yanaşı, qanunların aliliyini təmin edən, hüquqi, dünyəvi dövlət quruculuğuna yol açan yeni milli Konstitusiyanın hazırlanmasına və qəbuluna şərait yaratdı. Ümummilli lider Heydər Əliyev bu barədə danışarkən deyirdi: “Biz elə bir layihə hazırlamalı və nəhayət, elə bir Konstitusiya qəbul etməliyik ki, o, müstəqil Azərbaycan Respublikasının demokratik prinsiplər əsasında uzun müddət sabit yaşamasını təmin edən Əsas Qanun, tarixi sənəd olsun. Hakimiyyət bölgüsü – ali icra, qanunvericilik, məhkəmə hakimiyyəti - bunlar hamısı xalqın iradəsinə söykənməli, seçkilər yolu ilə təmin olunmalıdır”.Konstitusiyamızın müəllifi ulu öndər Heydər Əliyev Əsas Qanunun ən mükəmməl formada hazırlanmasını zəruri sayaraq bildirirdi: “Bizim yeni konstitusiyamız, şübhəsiz ki, birinci növbədə, Azərbaycan Respublikasının dövlət müstəqilliyini, bu müstəqilliyin əbədi olduğunu və dövlət müstəqilliyini qoruyub saxlamaq, yaşatmaq üçün bütün prinsipləri əks etdirməlidir.

     Yeni Konstitusiyamız demokratik prinsipləri özündə əks etdirməlidir. Yəni dünya demokratiyasının əldə etdiyi bütün nailiyyətlərdən, demokratiya sahəsində inkişaf etmiş dövlətlərin konstitusiya təcrübəsindən istifadə etməli və Azərbaycan Respublikasının özünəməxsus tarixi, milli ənənələrini əks etdirən prinsipləri özündə cəmləşdirməlidir”.Müstəqil Azərbaycan Respublikasının Konstitusiyası ölkəmizdə demokratik, hüquqi, dünyəvi dövlət quruculuğu prosesinə hüquqi baza yaratdı və onun inkişafına güclü təkan verdi. Ötən 27 ildə ölkəmizin sürətli inkişafı nəticəsində yeni dövrün tələblərinin yaratdığı zərurətlə əlaqədar Azərbaycan Konstitusiyasına bir neçə dəfə əhəmiyyətli dəyişikliklər və əlavələr edilib.

    Xalqımız Əsas Qanunun qəbulunun 27-cı ildönümünü qalib xalq kimi ikiqat sevinc hissi ilə qeyd edir. Prezident, Müzəffər Ali Baş Komandan İlham Əliyevin rəhbərliyi ilə Vətən müharibəsində tarixi Qələbənin qazanılması və Azərbaycanın ərazi bütövlüyünün bərpa olunması Konstitusiyamızın ölkəmizin bütün ərazisində tətbiqinə imkan yaradıb. Bu Qələbə sayəsində 30 ilə yaxın müddətdən sonra beynəlxalq hüququn prinsip və tələbləri yerinə yetirilib və işğaldan azad edilmiş ərazilərdə Konstitusiyanın hüquqi qüvvəsi təmin olunub. Konstitusiya Məhkəməsi bu tarixi Qələbədən ruhlanaraq ərazi bütövlüyü bərpa olunmuş Azərbaycanda hüquqi dövlətin möhkəmləndirilməsi prosesinə bundan sonra da qəbul etdiyi qərarlarla töhfə verməkdə davam edəcək




    Humay  Baxşıyeva,
    Masallı şəhər sakini




    “Yeni həyat” qəzeti,
    www.yeniheyet.az
    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 13:51 8 Mart - Beynəlxalq Qadınlar Günüdür
    2. 13:09 Masallılı idmançı beşqat dünya çempionudur
    3. 21:30 Azərbaycan cəmiyyətində qadının rolu artır
    4. 10:29 Masallıda şəhid ailəsi olan qadınlar evlərində ziyarət olundu
    5. 20:30 8 Mart-Beynəlxalq Qadınlar Günüdür
    6. 18:32 Yazıçı Qəni Camalzadə ilə görüş - MASALLIDA 
    7. 16:29 Masallıda “Kənd təsərrüfatının siyahıyaalınması” mövzusunda görüş
    8. 16:25 Masallıda rayon rəhbərinin 07 mart 2025-ci il tarixli vətəndaş qəbulu
    9. 16:16 Masallıda “Müdrik, fədakar və sədaqətli Azərbaycan qadını” adlı tədbir
    10. 15:17 Masallı rayonunda ötən il doğulmuş körpələrdən 45,4 faizi qız uşaqları olmuşdur – STATİSTİKA
    11. 23:30 Gender bərabərliyi cəmiyyətin mənəvi dünyasına düşən işıqdır
    12. 16:32 Masallının Öncəqala ərazisində şəhid məzarları rayon rəhbəri tərəfindən ziyarət olundu
    13. 16:20 Masallının Öncəqala kəndində rayon rəhbərinin 06 mart 2025-ci il tarixdə səyyar görüş-qəbulu
    14. 15:05 Qadın müqəddəs varlıqdır
    15. 23:30 Azərbaycan xanımı dövlətin inkişafında, dövlətçilik ənənələrinin möhkəmlənməsində müstəsna rola malikdir
    16. 17:25 Masallıda şəhid ailələrinə və müharibə iştirakçılarına diqqət 05 mart 2025-ci il
    17. 17:22 Masallıda 05 mart 2025-ci il tarixədək görülmüş işlər barədə məlumatlar
    18. 14:47 Masallının Qarğalıq ərazisində şəhid məzarları rayon rəhbəri tərəfindən ziyarət olundu
    19. 14:06 Masallının Kürdəbazlı kəndində rayon rəhbərinin 04 mart 2025-ci il tarixdə səyyar görüş-qəbulu
    20. 11:20 “Azərbaycan qadınları ölkəmizin inkişafı prosesində fəal iştirak edirlər”
    21. 21:13 Masallıda 03 mart 2025-ci il tarixədək görülmüş işlər barədə məlumatlar
    22. 12:35 Masallı Rayon İcra Hakimiyyətinin başçısı cənab Araz Əhmədova
    23. 20:03 Masallıda rayon rəhbərinin 28 fevral 2025-ci il tarixli vətəndaş qəbulu
    24. 23:30 Masallının Səmədxanlı ərazisində şəhid məzarları rayon rəhbəri tərəfindən ziyarət olundu
    25. 23:30 Masallının Birinci Səmədxanlı kəndində rayon rəhbərinin 27 fevral 2025-ci il tarixdə səyyar görüş-qəbulu
    26. 14:00 Masallıda 2025-cü ilin mart ayına olan səyyar-görüş qəbulları barədə
    27. 16:17 MASALLIDA XOCALI FACİƏSİNİN 33-CÜ İLDÖNÜMÜ
    28. 15:06 Ortaq keçmişdən ortaq gələcəyə
    29. 14:39 Azərbaycan və Pakistanın dostluğu əbədi və sarsılmazdır
    30. 11:19 Azərbaycan xalqı heç vaxt Xocalı faciəsini unutmayacaq
    31. 09:53 “Qisası indiyə saxlamışdıq biz” – Masallıda anım tədbiri  
    32. 23:30 Azərbaycan və Pakistan arasında ikitərəfli münasibətlər 
    33. 20:30 26 fevral-Xocalı soyqırımı günü
    34. 18:20 Xocalı faciəsinin 33-cü ildönümü ərəfəsində Xocalıdan olan ailə ilə görüş
    35. 18:08 Masallıda “Xocalıya qayıdış” adlı tədbir
    36. 11:56 ALLAH RƏHMƏT ELƏSİN
    37. 20:30 26 Fevral –Xocalı soyqırımı günüdür.
    38. 16:15 Masallıda yağan qar öncədən görülmüş tədbirlər nəticəsində ciddi problem yaratmadı 
    39. 15:53 Masallıda “Qalib Azərbaycanın Qüdrətli Partiyası” mövzusunda tədbir keçirilib
    40. 23:30 26 fevral - Xocalı soyqırımı günü
    «    Mart 2025    »
    BeÇaÇCaCŞB
     12
    3456789
    10111213141516
    17181920212223
    24252627282930
    31 
    DÜNYA XƏBƏRLƏRİ