Masallıda rayon rəhbəri 1 yaşlı şəhid qardaşının doğum günündə
- 5-06-2025, 14:07
- Maraqlı
- 0
- 191
Masallı rayonunda şəhid ailələrinə hər zaman xüsusi diqqət və qayğı göstərilir. Masallı rayon İcra Hakimiyyətinin başçısı Araz Əhmədov şəhid ailələri ilə mütəmadi maraqlanır, onların problemlərini dinləyir və vaxtaşırı ziyarət edir.
Belə ki, 4 iyun 2024-cü il tarixində şəhid Araz Seyfullayevin qardaşı dünyaya gəlmiş, şəhidin əziz xatirəsini əbədiləşdirmək məqsədilə körpəyə Araz adı verilmiş və bu münasibətlə rayon rəhbəri Masallı şəhər Digah küçəsində şəhid qardaşının adını daşıyan 1 yaşlı Arazın doğum gününə biganə qalmayıb ənənəsinə sadiq olaraq şəhid ailəsinin xoş günündə onların yanında olmaq və ailənin sevincinə şərik olmaq məqsədi ilə 04 iyun 2025-ci il tarixində şəhidin evində olmuş, şəhidin adını daşıyan Arazı təbrik etmiş və ailəyə öz xoş arzularını çatdıraraq hədiyyələr təqdim etmişdir.
Qeyd edək ki, Masallı şəhərindən olan Vətən Müharibəsi şəhidi Seyfullayev Araz Elsevər oğlu 2020-ci ilin 08 oktyabr tarixində Cəbrayıl rayonunun azadlığı uğrunda gedən döyüşlərdə qəhrəmanlıq göstərmiş və şəhidlik zirvəsinə ucalmışdır.
Şəhid ailəsi onlara göstərilən daimi diqqət və qayğıya görə Azərbaycan Respublikasının Prezidenti Cənab İlham Əliyevə, Birinic Vitse-prezident Mehriban xanım Əliyevaya, rayon İcra Hakimiyyətinə və qonaqlara minnətdarlıqlarını ifadə etrmişlər.
