Masallıda “Heydər Əliyev məfkurəsinin gənclərin həyatında rolu” mövzusunda konfrans

14-04-2023, 13:07
Maraqlı

13 aprel 2023-cü il tarixdə Yeni Azərbaycan Partiyasının Masallı rayon təşkilatının, “Masallı Gənclər Evi” SXM-nin, Masallı rayon Gənclər və İdman İdarəsinin birgə təşkilatçılığı və Lənkəran-Astara regional Təhsil İdarəsinin Masallı rayonu üzrə təhsil sektorunun və Masallı Dövlət Regional Kollecinin iştirakı ilə Ümummilli lider Heydər Əliyevin 100 illik yubleyi ilə əlaqədar olaraq “Heydər Əliyev məfkurəsinin gənclərin həyatında rolu” mövzusunda konfrans keçirilib. Əvvəlcə tədbirdə Ümummilli lider Heydər Əliyevin və Şəhidlərimizin əziz xatirəsi bir dəqiqəlik sükutla yad edilərək, Ulu öndər Heydər Əliyevin həyat və fəaliyyəti haqqında hazırlanmış qısa vidieoçarx nümayiş olunub. Tədbiri giriş sözü ilə “Masallı Gənclər Evi” SXM-nin direktoru Fuad Mənsimov açaraq müasir Azərbaycanın otuz ildən artıq müddətdə dövlət quruculuğu, iqtisadi dirçəliş, ictimai-siyasi və sosial həyatda tərəqqi dövrünü əhatə edən ümummilli lider Heydər Əliyevin adı ilə sıx bağlı olduğunu bildirdi.

Tədbirdə Masallı rayon Gənclər və İdman İdarəsinin rəisi Sabiq Cahangirov çıxış edərək ölkəmizin parlaq gələcəyi naminə gənclərin ulu öndərin və cənab Prezidentin siyasi kursuna sadiq qalaraq, onlar üçün yaradılan imkanlardan yararlanaraq özlərini inkişaf etdirməyə, ümummilli lider Heydər Əliyevin zəngin irsinin, dövlətçilik fəlsəfəsi və azərbaycançılıq məfkurəsinin öyrənilməsi, Dövlətimizin apardığı gənclər siyasəti respublikanın hər yerində olduğu kimi, Masallı rayonunda da uğurla həyata keçirilməsindən danışaraq, Azərbaycanın müstəqilliyi möhkəmlənməsi, qüdrətinin artması yolunda cənab İlham Əliyevin ətrafında sıx birləşdiyini qeyd etdi.

Sonra Tədbirdə Yeni Azərbaycan Partiyasının Masallı rayon təşkilatının sədri Seyfəddin Əliyev çıxış edərək ümummilli liderin müəllifi olduğu, sistemləşdirdiyi azərbaycançılıq ideologiyası təkcə bu ölkənin ərazisində yaşayan insanlar üçün yox, eyni zamanda bütün dünyada məskunlaşan azərbaycanlıları əhatə edən dünya azərbaycanlılarının milli mənbəyinə çevirilmiş, ulu öndər Heydər Əliyevin şah əsəri müasir müstəqil azərbaycan dövlətidir və müasir müstəqil azərbaycan dövlətinin ideya əsaslarını da azərbaycançılıq ideologiyası təşkil etdiyini diqqətə çatdırdı. Daha sonra Cüdo və Sambo idman növləri üzrə Əməkdar məşqçi müəllim Xanağa Quliyev və Masallı Dövlət Regional Kollecinin tələbəsi Soltanzadə Elvira çıxışlarında Azərbaycan gənclərinin qazandıqları nailiyyətlərdən, gənclərin ana dilimizə yüksək önəm vermələrindən, onların yüksək vətənpərvərlik, ruhunda tərbiyə edilmələrindən, dövlətin gənc nəslin sağlamlığı istiqamətində həyata keçirdiyi tədbirlərdən bəhs etmişlər.

Tədbirin sonunda bir qrup gənc Yeni Azərbaycan Partiyasının Masallı rayon təşkilatı və Masallı rayon Gənclər və İdman İdarəsi tərəfindən təşəkkürnamə ilə təltif olundular.