• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Məhəbbət, etibar, sədaqətin rəmzi

    Məhəbbət, etibar, sədaqətin rəmzi


    Heç kim unudulmur, heç nə yaddan çıxmır
    Məhəbbət, etibar, sədaqətin rəmzi
    63 il həsir üstə yatan ana

    Müharibə, cəbhə, döyüş, səngər sözləri qan qoxuyur, ürəklərə təlatüm, baxışlara intizar, insanlara bəla, müsibət gətirir. İllərlə könül verib sevdiyini bir andaca itirmək iki gəncin faciəsidir. Çinar boylu, cəngavər timsallı ərənlər cəbhəyə getdi, qayıtmadılar. Əvəzində taleyini qara göstərən “qara kağız”lar evlərə tökülmüşdü. O kağızlar açılanda anaların, bacıların, saçları şəvə kimi qara gəlinlərin qara saatları, qara günləri başlayırdı. Başına döyüb oğul, ata, qardaş, dayı, əmi deyib ağlayanların səsi, fəryadı səmaya bülənd olurdu ki, göz yaşları çaya, dənizə dönürdü.
    Gəlinlər vardı sevgisini, sədaqətini, etibarını, ağrı-acısını, dərd-sərini axar sulara danışırdı. Saçının birini ağ, birini qara hörüb ümidlə yaşayanlar az olmadı. Yadigarlarını böyütmək üçün möhtəkirlərdən, yad baxışlardan gizlənə-gizlənə, bütün məşəqqətlərə dözə-dözə ömrünü şam kimi əritdü. Belələrinin taleyi həmişə ürəkdağlayan olub el-oba üçün, cəmiyyət üçün.

    Müharibənin bütün ağrılarını görən, həyata göz yumana kimi ömür-gün dostunun yolunu gözləyən, kirpiyi ilə od götürən, dörd yadigarını boya-başa çatdıran, Nəcəf gələnə kimi yorğan-döşək bilməyib həsir üstə yatan, xanımlığın bütün şirinliyindən məhrum olan Feyzə Əliyevanın həyatına bütün Mahmudavar əhli şahid olmuşdur.    
     Mahmudavarın bu günkü gəncləri 1941-1945-ci illərin Vətən müharibəsində Feyzə ananın məşəqqətli həyatını valideynlərindən eşidiblər.

    Kəndin o illərdə yaşayan ziyalı- ağsaqqallarından olan mərhum Əbdülrza Əhmədov söyləyirdi ki, Feyzə xanımın nağılvari ömrü dildən-dilə düşərək bu günlərimizə gəlib çatıb. 

    Kəndin zəhmətkeş kişilərindən olan Nəcəf  Əliyev müharibəyə gedəndə sevib-seçdiyi Feyzə xanımın  ümidinə 4 övlad qoydu. O, yola düşəndə, çox çətindir, Feyzə. Bilmirəm bu ailəni necə dolandırarsan.  
    Göz yaşlarını yaylığı ilə silən gəlin, Nəcəf, mən bu uşaqları sən gələnə kimi böyüdəcəm. Amma Nəcəf, bil ki, döşəməsi torpaqdan olan otağın ortasında sərdiyimiz bu həsir sən gələnə kimi mənim döşəyim olacaq. Canımın ağrı-acısı onda çıxacaq ki, sən davadan sağ-salamat qayıdacaqsan. 

    Nəcəf bərk kövrəldi, balalarını bir-bir qucaqlayıb öpdü. Hamısına tapşırdı ki, analarının sözünə baxsınlar, mən gələnə kimi onu göz bəbəyi kimi qorusunlar. Həyətimiz böyükdür, onun əkilib-becərilməsində anaya kömək edərsiniz. 

    Onda 1941-ci ilin payızı idi. Nəcəf sonuncu dəfə həyət-bacanı həsrətlə seyr etdi. Eyvanda sıralanıb bir-birinə qısılan balalarının ən böyüyünün 12 yaşı vardı. Oğlu Baxşəlinin böyüməsi ona təsəlli verirdi. 

    Feyzə də onu elədi ki, Nəcəfin yadigarlarını əsən küləkdən, yağan yağışdan, qışın çovğunundan, yayın istisindən qorudu. Gecə-gündüz bilmədi. Onları qayğısına büküb bələdi. Ərinin iyini balalarından aldı. Onlara həyatı, çörək qazanmağı öyrətdi. Hətta heç birini təhsilsiz qoymadı. Məktəbə yamaqlı, tər-təmiz paltarla yola salardı. Kolxozun bütün işlərində çalışardı ki, heç kimə möhtac olmasın. 
    İnsan var olub yaşayan ölümə məhkumdur, inanmırdı ərinin qara kağızına, bütün acılı-şirinli ömrünü Nəcəflə bölürdü. Hər gün ona hesabat verirdi: Baxşəli artıq kolxoz işinə yarayır. Fətəli, Eynəli, çox sevdiyin Şahnisə məktəbə gedirlər. 

    ...Ailənin uğurlu çağları başlanırdı. Feyzə hər gün şavaq vaxtı çardağa çıxıb  dağlara tərəf baxaraq Nəcəflə danışardı. Nəcəf, ailəni niyə unudubsan. Baxşəlini evləndirdim. Təmtəraqlı olmasa da azacıq şənləndik. Səni çox gözlədim... Nəcəf, gözün aydın , dünyaya nəvən gəldi. İstədilər sənin adını qoysunlar, qoymadım. Çünki kimsə ona zarafatla da olsa xoşagəlməz söz deyəndə xətrimə dəyər.

    ...Nəcəf Şahnisəni də köçürtdüm. 
     Aramızda olmayan bircə sənsən. Sən də ki, ürəyimizin ən dərin, gözəl guşəsindəsən. Sənsiz ürəkdən gülə bilmirik, hər birimizin gözümüzdə sənsizlik kədəri var.
    ...Baxşəli, Eynəli, Fətəli yaşa dolduqca fikirləşirdilər ki, anamız nəyə görə quru həsirin üstündə yatır, axı kifayət qədər yorğan-döşəyimiz var.Bir dəfə yığışıb bunun səbəbini soruşdular. Feyzə doluxsunub balalarını qucaqladı.
    -Atanızı çox sevirdim. Çox gözəl, zəhmətkeş, ailəcanlı insan idi. Çətin günlərimizdə məni darıxmağa qoymazdı, ürək-dirək verib deyərdi ki, narahat olma, bu çətin günlər tezliklə ötəcək, evimiz-eşiyimiz də olacaq. Elə də oldu. Ev tikduik, ailə vəziyyətimiz yoluna düşdü.Bir gün evə gələndə gözlərində bir dərin kədər hiss etdim. Üzünə diqqətlə baxdım. Bunu hiss etdi, - uşaqları da çağır bir az çörək yeyək. Qollarım boşaldı, qab-qaşıq yerə düşüb çilikləndi. Nəcəf yeyə-yeyə nəzərləri ilə bizi süzürdü. Yeməkdən sonra dedi ki, get təzə paltarlarımı gətir. Başa düşdüm ki, atanız müharibəyə gedir. Yoxsa təzə paltarlarını neynirdi. Qonum-qonşular da yığışdı başımıza. Son dəqiqədə sizləri öpüb oxşadı, ananızı incitməyəsiniz, dedi. Mən isə başqa halda idim, əl verib mənimlə də görüşdü. Mən ev üçün təzə toxuduğum həsiri gətirib otağa sərdim. Dedim ki, Nəcəf, sən gələnə kimi bu həsir mənim yorğan-döşəyim olacaq. Sənə olan hörmətim, sədaqətim, əhdi-peymanım son nəfəsimə kimi davam edəcək. 

    ...Bir gün evin ən kiçiyi olan Fətəli özünü xəstəliyə vurdu. Ana, gəl yanıma, yorğanı çək üstümüzə, məni bərk-bərk qucaqla, sağalaram. Feyzə ana başa düşdü ki, oğlu yalan danışır, onu yorğan-döşəkdə yatızdırmaq istəyir.  Odur ki, həsir üstündə oturub oğlunun kürəklərini ovmağa başladı...
    Müharibədən illər keçdi. Yüzlərlə azərbaycanlı kimi Nəcəfdən də yalnız qara kağız yadigar qaldı. Bir gün balalarını çağırıb, daha atanız gəlməyəcək, mən də son günlərimi yaşayıram. Tanrı mənə uzun və sağlam ömrü Nəcəfin yadigarlarını böyüdüb ərsəyə çatdırmaq üçün veribmiş. Şükür ki, bunu həyata keçirməklə ona olan əhdi-peymanıma sadiq qaldım. İndi isə sizdən xahiş edirəm, son nəfəsimə kimi mənim altıma döşək qoyub, üstümə yorğan örtməyəsiniz. Yoxsa bu vəfasızlıq onun ruhuna toxunar. 

    Feyzə ana 10-15 gün həsir döşəyində xəstə yatdı. Qonşuları, yaxınları çox israr etsələr də oğulları ana vəsiyyətini sındırmadılar. 

    Nəcəfin vəfalı ömür-gün yoldaşı yalnız ruhu bədənindən çıxandan sonra rahat yorğan döşəyə qoyuldu. 
    Deyirlər dünyaya vida edəndə üç dəfə Nəcəfi çağırıb və gözlərini əbədi yumub. 

    Kənddə hamı bu ananın xətir-hörmətini saxlayırdı. Bir sözü iki olmazdı. 103 il yaşamışdı Feyzə ana. Bu ömrün də 63 ilini Nəcəfsiz – həsir üstündə yatmışdı.  Arada balaları yığışıb ana, qonşu var, hampa var desələr də ananı fikrindən daşındırmaq olmamışdı. 

    Böyük oğlu Baxşəli demişdi ki, ana, atamız gedib, yurdunda üç oğlu işıq yandırır, hər birimizin də bir çətən külfəti var. Bizə isə müharibədə şücaət göstərib qəhrəmanlıqla həlak olan atamızla fəxr etmək qalır. 
    Bu gün məzarlığa gedən hər bir mahmudavarlı ananın baş daşını oxşayır , halal olsun, Feyzə ana, sən məhəbbətin, vəfa və etibarın rəmzisən söyləyir. 
    Əziz oxucu, Feyzə ananın bu məşəqqətli, nağılvari həyatını yazdıq ki, gənc qız və analarımız oxuyub, ibrət götürsünlər. Bundan Feyzə anamızın da ruhu şad olar.

                                 


    Həsənağa ƏLİ MURTUZA.
    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 10:51 Azərbaycan jurnalistikası növbəti inkişaf mərhələsini yaşayır
    2. 21:00 Masallıda kütləvi qanvermə aksiyası keçirildi
    3. 14:51 Azərbaycan ilə Pakistan arasında qardaşlıq və dostluq əlaqələri var
    4. 13:40 Azərbaycan-Pakistan əlaqələri
    5. 17:00 İmzalanan sənədlər ikitərəfli əlaqələrin möhkəmlənməsinə və inkişafına ciddi təsir edəcək
    6. 09:43 Anar Novruzovun xatirəsi anılıb – MASALLIDA
    7. 21:30 Azərbaycan-Pakistan münasibətlərində yeni səhifələr
    8. 22:00 Azərbaycan-Pakistan münasibətlərinin inkişafı
    9. 20:01 Masallıda “İnkişaf və tərəqqi yolunun başlanğıcı” mövzusunda konfrans
    10. 19:42 Rayon rəhbərinin 12 iyul 2024-cü il tarixdə növbəti vətəndaş qəbulu
    11. 23:00 Masallı RİH Başçısı 10.07.2024-cü il tarixdə Həsənli ərazisinin sakinləri ilə görüşdü
    12. 12:39 Şuşada Türk Dövlətləri Təşkilatının Dövlət başçılarının Zirvə görüşü keçirilib
    13. 22:00 Şuşada Turk Dövlətləri Təşkilatının Zirvə görüşü keçirilib
    14. 22:00 Türk Dövlətləri Təşkilatının dövlət başçılarının Şuşada Zirvə görüşü kecrilmişdir
    15. 20:01 Masallıda Məhərrəm ayının başlanması ilə əlaqədar dəyirmi masa
    16. 14:56 Azərbaycan və ŞƏT üzv dövlətləri arasında ticarət və iqtisadi əlaqələr sürətlə inkişaf edir
    17. 12:30 Ələt Beynəlxalq Dəniz Ticarət limanı regionun yaşıl ticarət məkanına çevrilir
    18. 18:33 İranın yeni prezidenti seçildi
    19. 15:37 Beynəlxalq yük və sərnişin daşımalarının mexanizmi dünya təcrübəsi əsasında daha da optimallaşdırılır
    20. 17:00 Azərbaycan Şimal-Cənub nəqliyyat dəhlizinin inkişafında mühüm rol oynayır
    21. 16:30 Rayon rəhbərinin 05 iyul 2024-cü il tarixdə növbəti vətəndaş qəbulu
    22. 15:00 "Azəriqaz" İB-nin rəhbəri Masallı və Yardımlı rayonlarından olan vətəndaşları qəbul etdi
    23. 08:50 Masallıda 2024-cü ilin iyul ayına olan səyyar-görüş qəbulları barədə
    24. 22:00 Monitorinq aparılan 19 kartofçuluq təsərrüfatında karantin tətbiq edilən zərərli orqanizmlər aşkarlanıb
    25. 19:00 Masallıda Məhərrəm ayının başlanması ilə əlaqədar ümumrayon tədbiri
    26. 17:42 Masallı RİH Başçısı 03.07.2024-cü il tarixdə Boradigah ərazisinin sakinləri ilə görüşdü
    27. 10:55 Ədliyyə Nazirliyinin Tibb baş idarəsinə rəis təyin edilib
    28. 19:30 Masallıda Polis işçilərinin 106 ili
    29. 07:19 Lənkəranda hesabat yığıncağı keçirilib
    30. 20:40 Dağlıq və dağətəyi rayonlara leysan yağacaq, dolu düşəcək
    31. 20:29 Masallıda keçmiş məhkumdan külli miqdarda narkotik vasitə aşkarlanıb
    32. 09:30 Unudulmaz Nüsrət Kəsəmənli...
    33. 23:00 Rayon rəhbərinin 28 iyun 2024-cü il tarixdə növbəti vətəndaş qəbulu
    34. 23:00 Qızılağac kəndində “Taxıl biçininin vaxtında başa çatdırılması və tərəvəz əkininin artırılması ilə bağlı qarşıda duran vəzifələr” mövzusunda müşavirə
    35. 19:44 AMEA-nın əməkdaşı Çində elmi məruzə ilə çıxış edib
    36. 16:53 Altıncı çağırış Azərbaycan Respublikası Milli Məclisinin buraxılması və Azərbaycan Respublikasının Milli Məclisinə növbədənkənar seçkilərin təyin edilməsi haqqında Azərbaycan Respublikası Prezidentinin Sərəncamı
    37. 16:09 Masallıda “Gender üzrə statistik göstəricilər” mövzusunda seminar - müşavirə
    38. 10:11 Natiq Qasımova “Azərbaycanın Milli Qəhrəmanı” adı verildi
    39. 08:54 “Mübariz ordumuz” – Masallıda tədbir
    40. 23:56 Ulu Öndər Heydər Əliyev və ordu quruculuğu
    «    İyul 2024    »
    BeÇaÇCaCŞB
    1234567
    891011121314
    15161718192021
    22232425262728
    293031 
    DÜNYA XƏBƏRLƏRİ