Zəfərin mübarək Azərbaycan!
- 7-11-2023, 13:30
- Maraqlı
- 0
- 510
Tariximizə qızıl hərflərlə yazılan gün. Məhz Zəfərimizin qazanildiği şanli tarix. Biz bu qələbəni düz 30 il gözləmişdik.
Azərbaycan Respublikasının Prezidenti, Ali baş komandan Ilham Əliyevin rəhbərliyi altında ordumuz mənfur düşmənimizin tapdaği altinda qalan torpaqlarımızı azad etmək üçün 2020 ci il sentyabrin 27 - də başlatdığı zəfər yürüyüşündə inanılmaz qələbələr qazandı.
44 gün sürən hərbi əməliyyatlar sayəsində ordumuz tərəfindən Cəbrayil, Füzuli, Zəngilan , Qubadlı şəhərləri, 300 çox yaşayiş məntəqəsi, o cümlədən Ağdərə, Murovdağ və Zəngilan istiqamətlərində mühüm strateji yüksəkliklər işğaldan azad edilmişdir. Noyabrin 8 - də 28 illik həsrətdən sonra Azərbaycan xalqı üçün mühüm əhəmiyyət kəsb edən və rəmzi məna daşıyan Şuşa şəhəri işğaldan azad olundu. Qarabağın tacı olan Şuşa şəhərinin azad olunmasi dünya hərb tarixinə düşəcək unikal hərbi əməliyyatlardan olmuşdur.
Azərbaycanin qısa zamanda qazandığı qələbələr, xüsüsilə də Şuşanın azad edilməsi müharibənin taleyində həlledici rol oynamişdir. Bütün bunlar Ermənistanın öz məğlubiyyətini ehtiraf etməsi və kapitulyasiyası ilə nəticələnmişdir.
Azərbaycan Respublikasinin Prezidenti Ilham Əliyevin 2020 - ci il 3 dekabr tarixi sərəncami ilə dövlətimizin nüfuzu və gələcək inkişafı baxımından müstəsna əhəmiyyət kəsb edən bu qələbənin əbədilləşdirmək məqsədilə hər il noyabr 8-i Azərbaycan Respublikasında Zəfər günü kimi təntənəli şəkildə qeyd edilməsi qərara alinmışdir.
Həmin sərəncama əsasən Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm qələbənin nümayiş etdirilməsi, şəhidlərimizin əziz xatirəsininin əbədiləşdirilməsi məqsədilə Baki şəhərində Vətən müharibəsi memorial kompleksi və Zəfər muzeyinin yaradilmasi qərara alinmışdır.
Artiq Zəfər qazandığımız tarixdən 3 il keçir.
Hər zaman qələbə qazanmaq qismətimizdə olsun. Zəfərin mübarək Azərbaycan!
Qarabağ Azərbaycandır!
Məlikova Həlimə,
Masallı rayon, Böyük Xocavar kənd tam orta məktəbin tarix müəllimi
"Yeni həyat" qəzeti,
www.yeniheyet.az
