• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Masallıda təqdimat: “Bizim tanıdığımız Elmira...”

    Masallıda təqdimat: “Bizim tanıdığımız Elmira...”

    Masallıda təqdimat: “Bizim tanıdığımız Elmira...”

    Masallı şəhər Heydər Əliyev Mərkəzində Elmira Axundovanın “Bizim tanıdığımız Elmira...” ("Elmira-kakoy mı yeyo znaem") və “Həmkarlarımla üz-üzə” kitablarının oxucularla ictimai müzakirəsi və elmi-praktiki konfrans keçirilib. Təqdimatda iştirak edən rayon ictimayyətinin nümayəndələri, qonaqlar qiymətli əsər kimi dəyərləndirdikləri kitablar haqqında ürək sözlərini söyləyiblər.
    Əvvəlcə tədbir iştirakçıları Milli Məclisin deputatı, “ Şöhrət” ordenli, Dövlət Mükafatı laureatı, görkəmli publisist, Xalq yazıçısı, Əməkdar jurnalist Elmira Axundovanın əmək və fəaliyyətinə həsr olunmuş Masallı Regional Mədəniyyət İdarəsinin əməkdaşları Elsevər və Cəmaləddin Əliyevlərin hazırladıqları videoçarxa baxıblar. Videoçarx bu dəyərli şəxsin siyasi fəaliyyətinə, jurnalist, yazıçı, ictimai xadim kimi apardığı işə həsr olunub.
    Tədbiri giriş sözü ilə açan Azərbaycan Yazıçılar Birliyinin üzvü, Masallı Rayon Ağsaqqallar Şurasının sədri, veteran Dövlət qulluqçusu, Vətənə Xidmətə görə III dərəcəli ordenli Ələşrəf Niftiyev məşhur həmyerlimizin həyat və yaradıcılığından danışıb.
    Konfransda çıxış edən Masallı Rayon İcra Hakimiyyətinin başçısı Rafil Hüseynov tədbir iştirakçılarını və qonaqları salamlayaraq deyib: "Yazıçılıq sənəti çox çətin sahədir. Dünyada bənzərsiz, gözəl əsərlər yaranmışdır. Elmira Axundovanın uzun illər yazıb ərsəyə gətirdiyi və ulu öndərin həyat və fəaliyyətini özündə əks etdirən “Heydər Əliyev. Şəxsiyyət və zaman” çoxcildli tədqiqat əsəri də bu səpkidəndir və müəllifi "Bizim Elmiradır". Qeyd etmək istərdim ki, Xalq yazıçısı, Milli Məclisin deputatı, “ Şöhrət” ordenli, Dövlət Mükafatı laureatı, həmyerlimiz Elmira Axundova bu tarixi romanı yazmaqdan ötrü çoxlu tanınmış insanlarla görüşmüş, müxtəlif şəhərlərdə olmuş, insanları tapmış, onlarla ünsiyyətdə olmuş və çətinlikləri dəf etməklə belə böyük bir əsər ərsəyə gətirmişdir. Bu silsilə kitablar əsrlər boyu yaşayacaqdır. İnanıram ki, “Bizim tanıdığımız Elmira...” və “Həmkarlarımla üz-üzə” kitabları da qədirbilən oxucular tərəfindən rəqbətlə qarşılanacaq", - deyə rayon rəhbəri bildirib: - Çıxışımı Xalq şairi Zəlimxan Yaqubun təbirincə səsləndirəcəyim bu sözlərlə bitirmək istəyirəm: Kişi qeyrətli, oğul ürəkli, igid təpərli, nurlu çöhrəli, gülər üzlü, şux təbiətli, istəkli bacımız, çox hörmətli Elmira xanım Axundovaya möhkəm cansağlığı, ədəbi, ictimai-siyasi fəaliyyətində yeni-yeni uğurlar arzulayıram!”
    Əsər barədə söz deyən Prezident təqaüdçüsü Şirvan Əbilov müəllifi təbrik edib, ona uğurlar arzulayıb: “Elmira qələmi ilə sənətini ucaldan insandır. Onun haqqında danışanda, ilk ağlıma gələn, yaddaşıma yazılan məqam,  bu dəyərli azərbaycanlı qadınının sədaqəti, jurnalist kimi inanılmaz cəsarəti, öz işinə sevgi dolu sayğı və hörmətlə yanaşmasıdır. Sənət o zaman ucalır ki, sənətkar onu gördüyü işlərlə ucaldır, ona rəğbət və hörmət qazandırır.
    Neçə illərdir bu dəyərli qələm sahibini tanıyıram. Hələ 1990-cı illərdə, çoxunun öz mövqeyini ortaya qoymağa cəsarət etmədiyi bir zamanda, bu cəsur xanım ulu öndər Heydər Əliyev barədə obyektiv mövqe - ümummilli lideri ziyarət edərək, əsl jurnalist xarakteri ortaya qoydu.
    Bu yaxınlarda nəşr olunan hər iki kitabda Elmira xanımın istedadlı qələmi ilə yanaşı, həm də keçmişə sayğısı, verdiyi dəyər ön plana çıxır. “Bizim tanıdığımız Elmira...” adlanan birinci kitabda yaradıcı jurnalistin haqqında ölkənin ictimai xadimləri, elm adamlarının qələmə aldıqları səmimi sətirləri, əslində, E.Axundovanın yaradıcı fəaliyyətinə olan ictimai baxışdır. Təmənnasız və obyektiv baxış!
    Kitablar barədə kinodramaturq, Əməkdar İncəsənət Xadimi, "Şöhrət" ordenli, Azərbaycan Respublikası Prezidentinin fərdi təqaüdçüsü Natiq Rəsulzadə, həftəlik "Yeni həyat" qəzetinin baş ədəbi işçisi Akif Ağayev, rus dili müəllimi Səkinə Əsədova ürək sözlərini deyiblər.
    Jurnalist Akif Ağayev çıxışında qeyd edib ki, “Bizim tanıdığımız Elmira...”, “Həmkarlarımla üz-üzə” kitablarının ərsəyə gəlməsində zəhməti keçən hər kəsə, eləcə də bədii redaktor, Əməkdar jurnalist Elmira Əliyevaya, gözəl tərtibata görə “CBC” nəşriyyatına, texniki redaktor, həmyerlimiz Cəsarət Qasımova oxucu minnətdarlığını çatdırırıq.
    “Bizim tanıdığımız Elmira...” kitabında son 15 ildə mətbuatda Elmira Axundova haqqında maraqlı və əhəmiyyətli materiallar, yaradıcılığına həsr edilmiş rəylər, resenziyalar, məqalə və esselər cəmlənib. Görkəmli yazarlarımız, şairlərimiz Anar, V.Səmədoğlu, Z.Yaqub, F.Qoca, Ç.Abdullayev, xalq rəssamı Tahir Salahov, yazıçı, kinodramaturq Natiq Rəsulzadə, akademik İ.Həbibbəyli, professor Eldar İsmayılov, əməkdar jurnalist Elmira Əliyeva, tanınmış jurnalist Qalina Mikeladze, dünya karifeyi Oljas Süleymanov, Rusiyada siyasi bioqrafiya janrının ustadı, məşhur rus tarixçisi Roy Medvedevin, eləcə də ictimai-siyasi dövlət xadimlərinin, yaradıcı həmkarlarının, millət vəkillərinin onun haqqında, əsərləri barədə yüksək, dəyərli fikirlər, məqalələr oxucunu bu kitabı birbaşa oxumağa sövq edir.
    Məhsuldar yaradıcılığı ilə seçilən E.Axundovanın müəllifi olduğu “Naşirin qətli”, “Şüşə saray”, “Fərmanla əfv edilib...”, “Bu bizik”, "Əlövsət Quliyev: o tarix yaradırdı", “Dostlarımın gözəl cəhətləri”, “Yaşamaq dövrü”, “Elçinin fövqəlvəzifəsi”, “Həqiqət anları”, “Anar Məmmədxanov. Kapitanın taleyi” və digər əsərlər, xüsusən Azərbaycan Prezidentinə həsr edilmiş “İlham Əliyev. Prezidentin portreti dəyişikliklər fonunda” əsəri barədə geniş müzakirəli yazılar, rəylər, resenziyalar, ətraflı məqalələr yer alıb.
    “Həmkarlarımla üz-üzə” kitabını oxuduqca Elmira xanımın ayrı-ayrı mətbu dərgilərində verdiyi müsahibələrdə zəngin həyatının rəngarəng səhifələri varaqlanır. Məqalələrdəki maraqlı, diqqətçəkən məqamları sadalamaq bu qısa vaxt çərçivəsinə sığışası deyil. Sanki bir-birindən fərqli müsahibələrdə eyni bir hadisənin ayrı-ayrı epizodlarının mükəmməl bədii tərənnümü oxucunu yormur. Çünki bu oxunaqlı yazılarda Azərbaycanın tarixi var. Təkcə yazılarda deyil, Ulu öndərlə 60-a yaxın səfər zamanı, ayrı-ayrı ölkələrdə keçirilən mədəni-kütləvi tədbirlərdə, dünyanın tanınmış ictimai-siyasi xadimlərilə, Respublika Prezidenti cənab İlham Əliyevin rayonumuza səfərləri çərçivəsində, xüsusilə son 7 ildə yeni qurulan Masallımızdakı yeni müəssisələrin açılışları və digər tədbirlər zamanı çəkilən hər bir xatirə şəkli bir tarixi günü ehtiva edir.
    Kitablardakı məqalə və oçerklər, analitik yazılar, xoş ifadəli kiçik qeydlər və təbriklər E.Axundovanın istedadlı və əməksevərliyindən, risk etməyi bacaran bir mübariz yazar, ictimai-siyasi xadim olmasını bir daha oxucunun yadına salır...
    Boradigah qəsəbəsi 2 nömrəli tam orta məktəbin direktoru, şair-publisist, Azərbaycan Yazıçılar Birliyinin üzvü Nurməmməd Ağayev məşhur jurnalistə həsr etdiyi şeirini söyləyib.
    “Regional Hüquqi və İqtisadi Maarifləndirmə" İctimai Birliyinin sədri Arzu Bağırova yazıçı Elmira Axundovanın yenicə çapdan çıxmış “Bizim tanıdığımız Elmira...” və “Həmkarlarımla üz-üzə” kitablarına dəyər verərək bildirib ki, yeni nəşrlərin gənc və yaşlı nəslin maariflənməsində böyük rolu vardır.
    Sonra “Bizim tanıdığımız Elmira...” və “Həmkarlarımla üz-üzə” kitablarının müəllifi Elmira Axundova kitabın yaranması və ərsəyə gəlməsi barədə geniş söhbət açaraq təşkil olunmuş tədbirə görə rayon rəhbərliyinə və ziyalılara öz minnətdarlığını bildirib. Müəllif çıxışının sonunda qeyd edib: “Mən ömrümün qalan hissəsini də Heydər Əliyev obrazını yaratmağa çalışacağam...”
    Masallıda görülən abadlıq-quruculuq işlərinə münasibət bildirən Milli Məclisin deputatı son illər Masallıda müasir arxitekturanın tələblərinə cavab verən binalar tikildiyini, tədbirin keçirildiyi möhtəşəm Heydər Əliyev Mərkəzini bunun timsalında nümunə göstərib...
    Ənənəvi olaraq, hər il region mediaçılarının Milli Mətbuat və Jurnalistika günü ərəfəsində Masallıya toplaşması rayon rəhbəri Rafil Hüseynovun mətbuat nümayəndələrinə  diqqət və qayğısının göstəricisidir. Masallı RİH-nin mətbu orqanı olan 87 yaşlı “Yeni həyat” qəzeti həmişə bu vətənpərvər, intellekt ziyalının – E.Axundovanın yanında olmağa çalışıb, onun mövqeyini dəstəkləyib, yaradıcılığına və ictimai fəaliyyətinə xüsusi diqqət göstərib, yazıçının demək olar ki, bütün iştirak etdiyi tədbirləri, seçicilərlə görüşləri, kitablarının, xüsusilə ən dəyərli tarixi romanının Dövlət mükafatına təqdimat mərasimlərini, seçki öncəsi təbliğat-təşviqat kompanıyalarını işıqlandırıb. Məqalələri rus dilindən tərcümə ilə dərc edilib (“Əliyevin yeni strategiyası: kənd bütün ölkəni yeməklə təmin edir” (14.10.20160, “İnsanlar seçkiyə cəbhəyə yollanırmış kimi gedirdilər” (20.04.2018). Bu tərcümələrdə bizimlə birgə, mərhum jurnalist həmkarımız, şair-publisist Rəsul Rzayevin də əməyini xüsusi vurğulamaq istərdik.
    Vaxtilə “Yeni həyat”çılara mübariz jurnalist taleyi arzulayan təcrübəli həmkarımız E.Axundovanın bizə olan ümidlərini doğrultmağa çalışırıq. Azərbaycan jurnalistikasının parlaq nümayəndəsi E.Axundova məktəbi bizlərə çox şeyi öyrədə biləcək və öyrədən məktəbdir. Yetər ki, bu məktəb ən başlıcası insanlara Vətəni, xalqı, torpağı sevməyi öyrədir.
    Sonda görüş iştirakçılarına yeni və əvvəlki illərdə çap olunmuş kitablar hədiyyə edilib.
    Tədbir musiqi ilə davam edib. Nizami Gəncəvi adına Masallı rayon Mədəniyyət Mərkəzinin solistləri Miriş Hüseynov, Şamo İbayev və Fərid Hacıyevin oxuduqları xalq mahnıları tədbir iştirakçıları tərəfindən rəğbətlə qarşılanıb.
     



     







     
    Əlihüseyn ŞÜKÜROV,
    “Yeni həyat”,
    www.yeniheyet.az     
                                                             
         шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 21:49 Prezident İlham Əliyevin bir neçə ölkənin rəhbəri ilə görüşü olub
    2. 19:44 Masallı RİH başçısının Qızılavar ərazisində səyyar görüş-qəbulu
    3. 17:07 Masallıda abituriyentlərlə bağlı layihə uğurla davam edir
    4. 18:21 Masallı taekvondoçuları Ümumrusiya turnirində 3 medal qazanıblar
    5. 17:58 Masallıda kənd təsərrüfatında uçotun dürüstləşdirilməsi və şəffaflaşdırılması ilə bağlı zona müşavirəsi
    6. 21:10 İndoneziyadakı səfirimiz Masallıdandır
    7. 19:47 Masallıda inşa-yazı müsabiqəsi keçirilib
    8. 19:28 Masallının təsərrüfat xəbərləri
    9. 16:33 Masallıda cüdo üzrə rayon birinciliyi keçirilib
    10. 09:30 Koreyada 2 milyon əcnəbidən seçilən masallılı gənc
    11. 08:26 Masallıda peşə təmayüllü siniflər yaradılıb
    12. 08:23 Masallı RİH başçısının Xırmandalı ərazisinin Ərəb kəndində səyyar görüş-qəbulu
    13. 18:15 “Heydər Əliyev və Masallı”
    14. 08:27 Prezident İlham Əliyev məcburi köçkünlər üçün salınmış “Qobu Park-2” yaşayış kompleksinin açılışında iştirak edib
    15. 16:23 “İnsan alveri cinayətlətlərinin profilaktikasında ictimaiyyətin rolu”
    16. 11:24 MASALLIDA XEYİRXAH AKSİYALAR GENİŞLƏNİR
    17. 10:41 Türkiyəli məşhur yazıçının əsəri Masallıda səhnəyə qoyulacaq
    18. 08:59 Masallıda taekvondo üzrə açıq rayon birinciliyi keçirilib
    19. 10:51 Prezident İlham Əliyev Türkdilli Dövlətlərin Əməkdaşlıq Şurasının Baş katibini qəbul edib
    20. 10:42 Prezident İlham Əliyev Rusiya Federasiyasının Prezidenti Vladimir Putinə telefonla zəng edib
    21. 09:11 MÜƏLLİM ÖMRÜ HƏR ÖMÜRDƏN UCADIR
    22. 09:02 Masallıda “5 Oktyabr - Müəllimlər günü” qeyd edilib
    23. 14:28 Masallı şəhər Ağsaqqallar klubunda "Müəllimlər günü" münasibətilə tədbir keçirilib
    24. 09:35 Masallı RİH başçısının Hişkədərə ərazisində səyyar görüş - qəbulu
    25. 16:42 Erməni təxribatı nəticəsində həlak olan mülki şəxs Masallıda dəfn olundu
    26. 08:08 Nəsiminin 650 illiyi ilə bağlı Masallıda tədbir keçirilib
    27. 10:06 Masallıda "İstedadlara dəstək" layihəsi çərçivəsində seçim turu keçirilib
    28. 08:05 Dünya Bankının Regional Direktoru cənab Sebastian Molineus Masallıda
    29. 08:46 Masallıda “Breyn rinq” intellektual bilik yarışı üzrə rayon birinciliyi keçirilib
    30. 08:52 Masallıda “Vətənin Müdafiəsinə Hazıram” poliatlon çoxnövçülüyü üzrə rayon birinciliyi keçirilib
    31. 08:51 Masallı RİH başçısının Boradigah ərazisində səyyar görüş-qəbulu
    32. 09:57 Prezident İlham Əliyev bir neçə ölkənin Azərbaycanda yeni təyin olunmuş səfirinin etimadnaməsini qəbul edib
    33. 08:57 Masallıda “İdeya dolu gənclik” mövzusunda təlim keçirilib
    34. 08:51 Masallının təsərrüfat xəbərləri
    35. 08:36 Masallı karateçiləri ölkə birinciliyində 3 medal qazanıb
    36. 08:40 "Heydər Əliyev və neft strategiyası"
    37. 08:39 Masallıda “Məntiq-2019” intellektual bilik yarışı keçirilib
    38. 08:33 “Əsrin müqaviləsi”nin imzalanmasının 25 illiyi və Neftçilər günü
    39. 11:08 Masallıda gənc müəllimlərlə görüş
    40. 09:53 Prezident İlham Əliyev Belarus Təhlükəsizlik Şurasının dövlət katibinin başçılıq etdiyi nümayəndə heyətini qəbul edib
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Azərbaycana dadlı səyahət: Şamaxı, Qusar və Masallı kulinariyası
    Azərbaycana dadlı səyahət: Şamaxı, Qusar və Masallı kulinariyası
      Azərbaycana dadlı səyahət: Şamaxı, Qusar və Masallı kulinariyası   Azərbaycanlılar ağızlarının dadını bilirlər. Özü də burada Ətraflı oxu
    Masallı turizm mərkəzinə çevrilir
    Masallı turizm mərkəzinə çevrilir
     Masallı turizm mərkəzinə çevrilir İstisuda müalicəvi turizm şəhərciyinin salınması təkcə rayonu yox, bölgəni böyük mərkəzə Ətraflı oxu
    Bütün xəbərlər
    «    Oktyabr 2019    »
    BeÇaÇCaCŞB
     123456
    78910111213
    14151617181920
    21222324252627
    28293031 
    DÜNYA XƏBƏRLƏRİ