Masallı şəhər Heydər Əliyev Mərkəzində Cəfər Cabbarlının 120 illiyi qeyd olunub
- 16-02-2019, 10:26
- Mədəniyyət
- 0
- 1 397
Masallı şəhər Heydər Əliyev Mərkəzində Cəfər Cabbarlının 120 illiyi qeyd olunubMasallı rayonunda, Heydər Əliyev Mərkəzində Cəfər Cabbarlının 120 illik yubileyinin qeyd edilməsi haqqında Azərbaycan Respublikası Prezidentinin sərəncamına əsasən “Cəfər Cabbarlı-120” mövzusunda tədbir keçirilib.
Tədbirdə Mərkəzin əməkdaşları, Yeddioymaq kənd 2 nömrəli tam orta məktəbinin şagird və müəllimləri iştirak ediblər.
İştirakçılar əvvəlcə Mərkəzdə fəaliyyət göstərən MKS-in 32 nömrəli filialında Cəfər Cabbarlının kitabları ilə yaxından tanış olublar.
Sonra Mərkəzin direktoru Dilbər İbayeva çıxış edərək bildirib ki, 2019-cu ilin mart ayında Azərbaycan ədəbiyyatının görkəmli nümayəndəsi, böyük şair, yazıçı və dramaturq Cəfər Qafar oğlu Cabbarlının anadan olmasının 120 illiyi tamam olur. C.Cabbarlı XX əsr Azərbaycan ədəbiyyatının geniş şöhrət tapmış nadir simalarındandır. Klassik ədəbi irs zəminində yetişən ədib milli ədəbiyyatın parlaq ənənələrini qorumaqla bərabər, yenilikvə müasirlik uğrunda mübarizəni yaradıcılığının əsas qayəsinə çevirmişdir.
Ulu Öndər Heydər Əliyev Cəfər Cabbarlı yaradıcılığına hər zaman ehtiramla yanaşıb və ən gözəl ifadələrlə onun şəxsiyyətini tərənnüm edib. Məhz buna görə də, böyük dramaturqun adının əbədiləşdirilməsi, əsərlərinin geniş şəkildə nəşr olunması üçün əsaslı qərarlar qəbul edilmışdir. Bütün bunlar Azərbaycan ədəbiyyatına və mədəniyyətinə göstərilən diqqət və qayğının təzahürüdür.
Sonda Cəfər Cabbarlının həyat və yaradıcılğı haqqında videomaterial nümayiş olunub.
“Yeni həyat”,
www.yeniheyet.az
