Masallı Xalq Teatrı virtual tamaşa-kompozisiya ilə çıxış edib
- 11-02-2021, 12:33
- Mədəniyyət
- 0
- 684
Nizami Gəncəvi – 880Masallı Xalq Teatrı virtual tamaşa-kompozisiya ilə çıxış edib
Nizami Gəncəvi adına Masallı Rayon Mədəniyyət Mərkəzinin nəzdində fəaliyyət göstərən Xalq teatrı "Kərpickəsən kişinin hekayəti" adlı virtual tamaşa-kompozisiya ilə çıxış edib.
Dahi Azərbaycan şairi və mütəfəkkiri Nizami Gəncəvinin eyniadlı əsərinin motivləri əsasında hazırlanmış kompozisiyada zəhmətsevərlik, halallıq, təvazökarlıq kimi ülvi mənəvi keyfiyyətlər təqdir olunur, lovğalıq, müftəxorluq, tənbəllik kimi naqisliklər tənqid edilir.
Tamaşa-kompozisiyanın hazırlanması və səhnəyə qoyulmasında teatrın rejissoru Cəmaləddin Əliyev, aktyor Cavid Quliyev, bədii qiraətçi Ziyafət Hüseynov və başqaları iştirak ediblər.
Məlumat üçün bildirək ki, virtual kompozisiya N. Gəncəvinin 880 illik yubileyi və "Nizami Gəncəvi İli" çərçivəsində hazırlanıb.
