Rayon rəhbəri Xəstəxanada şəhid atasını ziyarət etdi
Masallı rayon İcra Hakimiyyətinin başçısı Araz Əhmədov şəhid atası Nurəddin Bağırovu Masallı rayon Mərkəzi Xəstəxanasında ziyarət etmişdir.
23 iyun 2025-ci il tarixdə Masallı rayon İcra Hakimiyyətinin başçısı Araz Əhmədov, aparatın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, İnformasiya təminatı və təhlil sektorunun müdiri Nəsib Bağırov və Masallı rayon Mərkəzi Xəstəxanası PHŞ-in direktoru İlqar Ramizoğlu Masallı rayon Mərkəzi Xəstəxanasında müalicə olunan Vətən müharibəsi şəhidi, çavuş Namiq Bağırovun atası Nurəddin Bağırovu ziyarət edərək səhəti ilə maraqlanmışlar.
Şəhid atası ona və şəhid ailələrinə göstərilən diqqət və qayğıya görə Azərbaycan Respublikasının Prezidenti Cənab İlham Əliyevə, Birinci vitse-prezident Mehriban xanım Əliyevaya, Masallı rayon İcra Hakimiyyətinin başçısı Araz Əhmədova, Masallı rayon Mərkəzi Xəstəxanasının kollektivinə və qonaqlara təşəkkürünü bildirmişdir.
