Masallıdakı xeyriyyə aksiyasında 30 uşaq sünnət olunub

Masallıdakı xeyriyyə aksiyasında 30 uşaq sünnət olunub
 
 Ramazan bayramı günlərində Masallı şəhər Bioloji Təbabət Klinikasında keçirilən xeyriyyə aksiyasında 15 yaşadək 30 uşaq sünnət olunub.
Masallı Rayon İcra Hakimiyyətinin təşəbbüsü ilə keçirilən ənənəvi tibbi aksiyasına 3 həkim-cərrah – Qeyrət Xəlilov, Fəxrəddin Nəzərov, Qələmşah Əsgərov, 8 orta tibb işçisi personalı cəlb edilib.
Uzaq məsafədə yaşayan ailələr avtonəqliyyatla təmin olunub.
Rayon sakinləri aksiyanın təşkilindən razılıqlarını bildiriblər.
Xıl kənd sakini Tağı Abdullayev sevincini belə ifadə edib:”Nəvəm Yunusu sünnət etdirməyə gətirmişəm. Çox sevinirəm. Bu aksiya Ramazan bayramı günündə bizə böyük hədiyyədir. Humanitar aksiyanın təşkilatçılarına, burada iştirak edən tibb işçilərinə minnətdarlığımı bildirirəm.”
Viləş kənd sakini Feyzulla Musayev söhbətə qoşularaq nəvəsi Zaurun sünnət etdirdiyini bildirb:”Hər bir müsəlman oğlan övladını sünnət etdirməlidir. Bu, çox vacibdir. Bu gün rayonun bütün aztəminatlı ailələrinə belə bir imkan yaradılıb. Mən də bu imkandan yararlandım. Xeyriyyə aksiyanın bütün iştirakçılarına təşəkkür edirəm.”
Qeyd edək ki, Masallı şəhər Bioloji Təbabət Klinikasında keçirilən xeyriyyə aksiyasında 30 uşaq sünnət olunub.  Aksiyada iştirak edən uşaqlar uğurlu əməliyyatdan sonra həkimlərin və valideynlərinin müşayiətilə evlərinə yollanıblar.
Müasir üslubda tikilmiş və az vaxtda vətəndaşların hörmətini qazanan klinikanın tibb personalı həvəslə işləyirlər. Bu bayram günlərində keçirilən xeyirxah aksiya gələcəkdə də davam etdiriləcək.


 
“Yeni həyat”,
www.yeniheyet.az 
 
  шаблоны для dle 11.2