Milli Qəhrəmanın anım günü keçirilib
- 25-11-2017, 19:57
- Siyasət
- 0
- 1 434
Milli Qəhrəmanın anım günü keçirilib
Cəbhə bölgəsində
Cəbhə bölgəsində yerləşən hərbi hissədə Azərbaycanın Milli Qəhrəmanı Çingiz Qurbanovun doğum gününə həsr olunan tədbir keçirilib.Müdafiə Nazirliyinin mətbuat xidmətindən bildirilib ki, iştirakçılar əvvəlcə Milli Qəhrəmanlar Qasım Rzayev, Naiq Yusifov və Çingiz Qurbanovun xatirəsinə hərbi hissənin ərazisində ucaldılan abidənin önünə əklil qoyublar.
Milli Qəhrəman Çingiz Qurbanovun xidmət etdiyi bölmədə davam edən tədbirdə ümummilli liderimiz Heydər Əliyevin, eləcə də Azərbaycanın ərazi bütövlüyü və suverenliyi uğrunda həlak olan şəhidlərimizin xatirəsi yad edilib.Tədbirdə çıxış edənlər Azərbaycanın Milli Qəhrəmanı Çingiz Qurbanovun həyatı və döyüş yolu barədə ətraflı məlumat verib, onun fədakarlığının şəxsi heyət üçün nümunə olduğunu diqqətə çatdırıblar. Çıxışlarda vurğulanıb ki, Azərbaycanın ərazi bütövlüyü uğrunda canından keçən Çingiz kimi igidlərin vətənpərvərliyi torpaqlarımızın tezliklə işğaldan azad olunacağını deməyə əsas verir.
Mərasim Gəncə Qarnizonu Zabitlər Evinin təşəbbüsü ilə hazırlanan və Çingiz Qurbanova həsr olunan filmin nümayişi ilə davam edib.
