• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Şuşada vəhdət və birlik əks olunur

    Şuşada vəhdət və birlik əks olunur


    Səfər təəssüratları
     
    Şuşada vəhdət və birlik əks olunur
     
    "Şuşa bizim yuxularımıza girirdi, Şuşa bizim analarımızın göz yaşında, dualarımızda idi. Həmişə Şuşanı, Qarabağı yenidən ziyarət etməyin nəsib olması, torpaqlarımıza geri qayıtmaq üçün dualar edirdik."
                                                                 Şeyxülislam Allahşükür Paşazadə
    Gözəl Şuşamızı görməyi Allah bütün arzusunda olanlara, xüsusilə şuşalılara tezliklə qismət etsin. Şuşanın hər dağı-daşı, hər ağacı, çəmənliyi, bir sözlə nəyi varsa insana “xoş gəlmisən” deyirdi. 
    Şuşada vəhdət və birlik əks olunur. Hər küçəsindəki divarlarda Azərbaycanımızın rayon və kəndlərinin, şəhər və qəsəbələrinin adı yazılıb. O yazıları görərkən, insan düşünür ki, Azərbaycanın birliyi və vəhdəti Şuşanı düşmən əsarətindən xilas edib. Qələbənin əsas amillərindən biri də budur. Çünki müqəddəs kitabımız olan Qurani-Kərimdə deyilir: “İxtilaf etməyin ki, işiniz nəticəsiz qalar və gücünüz aradan gedər” (Ənfal-46). İşimizin nəticəyə varmasından ötrü, gücümüzü qorumaq üçün bu vəhdət və birliyi qorumalıyıq.
     
    Bu sözləri müsahibəsində Qafqaz Müsəlmanları İdarəsinin Qazılar Şurasının üzvü, QMİ-nin Masallı rayonu üzrə qazısı Rəşid Talıbov dedi. 
    Məlumat üçün bildirim ki, Rəşid Qiyas oğlu Talıbov 22 dekabr 1975-ci ildə Masallı rayonunun Boradigah qəsəbəsində anadan olub.
    Orta təhsilini qəsəbədəki Nizami Gəncəvi adına 1 nömrəli tam orta məktəbində alıb. Azərbaycan Dövlət Pedaqoji Universitetinin fizika-riyaziyyat fakültəsini, Bakı İslam Universtitetini bitirib.
    2020-ci ildən Qafqaz Müsəlmanları İdarəsinin Qazılar Şurasının üzvü, QMİ-nin Masallı rayonu üzrə qazısıdır. Bu təyinatacan isə Masallı rayonunun Boradigah qəsəbəsindəki “Həzrəti Əli” məscidinin imamı olub.
    Uşaq yaşlarından İslam dininə böyük maraq göstərərək, ilk ibtidai dini savadını tanınmış yerli din xadimlərindən alıb.
    Bölgədə tanınmış ilahiyyatçı kimi sevilir. Bir çox elmi məqalə və araşdırmanın, eləcə də dini şeirlərin müəllifidir.
    Ailəlidir, dörd övladı var.
    QMİ-nin sədri şeyxülislam Allahşükür Paşazadənin başçılığı altında ölkəmizdəki dini konfessiyaların rəhbərləri, o cümlədən QMİ-nin Qazılar Şurasının üzvləri, bir qrup ziyalı və millət vəkilləri ilə Azərbaycanın mədəniyyət beşiyi olan Şuşada ikigünlük səfərdə olan Rəşid Talıbovun Şuşa təəssüratlarını öyrənməyə çalışdım. O, söylədi:
     
    Aprel döyüşləri ərəfəsində belə bir beyt qələmə almışdım:
    Ana yurdum, Qarabağdan duyulur nalə səsi,
    Dur, Azərbaycanımın əsgəri, sındır qəfəsi,
    İgid əsgərlərinin cuşa gəlibdir həvəsi,
    Eşidərsən ki, könül, azad olub torpağımız,
    Şuşada dalğalanır şanlı, gözəl bayrağımız.
     
    Çox keçmədi ki, Qarabağdan qələbə səsini eşitdik. Payız fəsli ikən çəmənində, düzündə xarıbülbül axtaran gözlərimiz Şuşadan pərişan geri dönmədi. Şükürlər olsun Allaha – nəsibimiz Zəfər oldu...
    Biz də Şuşaya Zəfər yolu ilə –  igid əsgərlərimizin acdığı yolla getdik. Yolboyu qəhrəman oğullarımızın o alınmaz qalanı sıx meşələrlə, dağ-dərələrlə, sıldırım qayalarla irəliləyərək necə fəth etmələri sanki gözlərimiz önündə canlanırdı. Şəhərə çatar-çatmazda çox qəribə hisslər keçirirdim. Sanki sevinclə kədər arasında qalmışdım: Min bir can bahasına alınmış o torpaqların hər qarışına, hər daşına qanı tökülmüş oğullarımız yada düşdükcə kədərlənirsən. Sevinirsən ki, 30 il həsrətində olduğuna qovuşursan. Bu hisslər fikrimə, ruhuma hakim kəsildikcə, sanki yuxudaymış kimi özümdən uzaqlaşırdım. Həmkarlarımın təəccüb dolu baxışlarından hiss edirdim ki, mənə ünvanlanmış sualları cavabsız qalıb. Həsrətin bitdiyi, arzuların gerçəkləşdiyi iftixar, qürur dolu anlar. Bunu sözlə ifadə etmək çətindir...
    Əvvəlcə təməli bu il mayın 12-də Respublika Prezidenti İlham Əliyev tərəfindən qoyulan, dini ocaq və modern memarlıq nümunəsi olacaq Şuşa məcsidi ərazisində olduq, Qazançı kilsəsində aparılan inşaat işləri ilə maraqlandıq. İşğal illərində dağıntılara məruz qalan Saatlı və Aşağı Gövhərağa məscidlərini ziyarət etdik. Şuşaya səfərimizin ilk günü Cıdır düzündə yekunlaşdı. Buradan Qarabağın tacı olan Şuşanın möhtəşəm təbiət mənzərələrini, Xankəndini, Əsgəranı seyr etdik.
    Yuxarı Gövhərağa məscidində namaz qılıb, dualar oxuduq, “Quran” tilavət elədik. Türkiyənin Azərbaycandakı səfirliyinin dini müşaviri Zəki Yavuz Yılmaz “Yasin tapşırma” duası oxudu, şəhidlərimizi yad etdik.
    —Erməni işğalçılarının Qarabağdakı məbədlərimizə, memarlıq və arxeoloji irsimizə qarşı barbarlığı ilə rastlaşanda hansı hissləri keçirdiniz? 
    Dövlətimizin başçısı Şuşada olarkən dünyaya tolerantlıq, gələcək birgəyaşayışın mümkünlüyü barədə mesajlar vermişdi: “Biz bütün dinlərin məbədlərini qoruyuruq və qoruyacağıq. Düşmən bizim azad edilmiş torpaqlardakı dini abidələrimizi işğal dövründə məhv edib, 67 məscidi dağıdıb, yaxud da ki, yararsız vəziyyətə salıb”.
    Tanınmış şəxsiyyətlərimiz Xurşidbanu Natəvanın, Bülbülün və Üzeyir Hacıbəylinin güllələnmiş heykəllərinə, Xan qızının vaxtilə yaşadığı, indi isə yalnız uçuq divarları qalmış sarayına ürək ağrısı ilə baxdıq. Məhz iki qardaş dövlət rəhbərləri tərəfindən Şuşa bəyannaməsinin imzalanma mərasiminin arxa fonunda erməni vəhşiliyinin nümunəsi olan dağıdılmış bu tikilinin nümayiş etdirilməsi heç də təsadüfi seçilməmişdi – dünyaya müvafiq mesajlar verildi. Qeyd edək ki, Azərbaycanda ilk uşaq musiqi məktəbi olan Şuşa Musiqi Məktəbi də bu evdə fəaliyyətə başlayıb.
    Uşaqlıqdan Qarabağdan söz düşəndə ilk ağlımıza gələn Xan əmi, Üzeyir bəy və digər karifeylər olub, Şuşa yaddaşımıza Qafqazın konservatoriyası kim hopub. Şair demişkən:
    Döysən Qarabağda körpə uşağı,
    Muğamın üstündə ağlar, deyiblər.
    Bəli, erməni vandalizminin şahidi olan bu güllələnmiş büstlər qorunurdu ki, nə vaxtsa öz doğma ünvanına qaytarılacaq. Və bizdə də əminlik var idi ki, gec-tez o torpaqlara qayıdacağıq. Eyni zamanda bu amal uğrunda təbliğatımızı, mübarizəmizi bir gün belə dayandırmamışıq. Çünki ana dediyimiz Vətən düşmən tapdağında qala bilməzdi.
     —Bu səfərin multukultural dəyərlər baxımından önəmi barədə fikirlərinizi bilmək istərdik.
    Bütün dövrlərdə multukultural və tolerant dəyərlərə sadiqliyimizi nümayiş etdirmişik. Səfər zamanı bizimlə olan Azərbaycandakı Dağ yəhudiləri və Bakıdakı Avropa yəhudiləri, Alban-udi dini icmalarının rəhbərləri, Roma-Katolik və Rus Pravoslav kilsələrinin nümayəndələri də Azərbaycanda ayrı-ayrı xalq nümayəndələrinin sülh və əmin-amanlıq şəraitində yaşadıqlarını, ölkəmizdə bütün inanc və mədəniyyətlərə qarşı hökm sürən tolerantlığın yüksək səviyyədə olduğunu vurğulayırdılar.
    Bu murdar qonşular təkcə bizim xalqla deyil, mədəniyyətimizlə, tariximizlə düşmənçilik edir. Onlar hətta öz dinləri ilə də düşməndir. Azğın separatçılar nəinki beynəlxalq qanunları, eyni zamanda bütün səmavi-dini qanunları, bəşəri dəyərləri tapdalayırlar. Hörmətli şeyximiz Hacı Allahşükür Paşazadənin qeyd etdiyi kimi: “Bütün dinlər insanları sülhə, qardaşlığa çağırır, dindən, kilsədən öz siyasətin üçün istifadə etmək olmaz. Lakin şahidi olduq ki, erməni kilsəsinin rəhbəri xalqı qırğına çağırırdı, keşişlərinin əlində İncil yox, “Kalaşnikov” avtomatı var idi, bu, qəbul olunmazdır. Azərbaycan dövlətinin Prezidenti həmişə sülhə çağırır.”
      
    —O torpaqlara böyük qayıdışı, Şuşaya yeni həyatın bəxş edilməsini, dilbər güşələrdəki dirçəlişi necə xarakterizə edirsiniz?
    İşğaldan azad edilən torpaqlarımız, o cümlədən Şuşa qayıdış üçün öz əzəli-əbədi sakinlərini gözləyir.
    Bu il aprelin 7-də Ağdam şəhərində səfərdə olanda qəribə təbiət hadisəsi ilə rastlaşdım. Baharın gözəl çağında ağacların əksəriyyəti qurumuşdu. Sanki bu yanmış ağaclar da ermənilərlə üsyana qalxmış kimi öz sahiblərini gözləyirdilər.
    İnsana xoş təsir bağışlayan ətraf mühitə insan da xoş təsir bəxş edir. Yəni, bizi sağlamlaşdıran təbiəti, bizim pak nəfəsimiz və əməllərimiz də gözəlləşdirir. Məhz ona görə, insan nəfəsi dəyməyən evlər daha tez dağılmağa məhkumdur. Ağdamda da düşmənin kirli və üfunətli nəfəsi ağacların qurumasına belə təsir edib. Yoxsa, odlu müharibə olmayan bir yerdə hər üç-beş ağacdan birinin quruması nə ilə əlaqədardır?
    Müqəddəs Şuşamızda təbiətin canlanması, ora insan nəfəsinin toxunuşu ilə bağlıdır. Çünki torpaqlarımız 30 ilə yaxın idi ki, nəinki fiziki işğala məruz qalmışdı, eləcə də o doğma yerlər əsl insan nəfəsinə həsrət idi. İndi o nəfəs qayıdıb. Yay fəsli, təbiət öz axarına qayıdıb, hər yan yamyaşıl. Bu torpağın hər daşı, şəməni, hər ağacı, hər gülü-çiçəyi əsil sahibini tanıyırmış kimi səni salamlayır...
    Kəbə, Kərbəla və digər ziyarətlərdə olanlar kimliyindən asılı olmayaraq, biri digərinə xidmət etməyə çalışır. Bu mənəvi halı təkrar Şuşada yaşadıq. Orda da dövlət məmuru, alim, din xadimi, jurnalist, fəhlə və digərləri arasında heç bir fərq bilinmirdi. Hamı bir-birini bağrına basaraq qucaqlayır, əzizləyir...
    Şuşaya təzə köçmüş ailələrlə, orada təmir-tikinti işləri aparanlarla görüşüb söhbətləşdik. Prezidentin Şuşa rayonunda xüsusi nümayəndəsi Aydın Kərimovla, əslən şuşalı olan şəhər Polis Şöbəsinin rəisi polis polkovnik-leytenantı Səməd Məhərrəmovla, polkovnik Elşad Əbilovla və bir neçə səmimi, diqqətcil insanla  tanışlıqdan məmnun olduq.
    Artıq Şuşaya həyatın qayıdışını, doğmalığı hiss etməyə başlayırsan. Gəzib-dolaşdıqca bir daha əmin olursan ki, bu qədim şəhər əvvəlkindən də gözəl olacaq.
    Ali Baş Komandanımızın, qüdrətli Ordumuzun, sarsılmaz milli birliyimizin sayəsində ən ağrılı dərdimizə məlhəm tapıb, torpaqlarımızı işğaldan azad etdik. Bizə məxsus olanı özümüzə qaytardıq. Demək, bu gözəl günləri görmək üçün yaşamağa dəyərmiş.
    Şuşa əbədilik bizim yurd yerimiz, məskənimiz olacaq.

    Müsahibəni təqdim etdi:
    Akif AĞAYEV,
    “Yeni həyat”,      
    www.yeniheyet.az

     шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 23:59 Novruz «təzə il» deməkdir !
    2. 21:00 Novruz bayramı və rəmzləri
    3. 17:04 Novruz bayramı münasibətilə Azərbaycan xalqına təbrik
    4. 16:59 Masallıda “Sağlam, sosial və təhlükəsiz mühitin formalaşması” adlı silsilə təlimlər
    5. 16:55 Masallıda “Heydər Əliyevin 100 illiyi (1923-2023)” yubiley medalı ilə təltif olunanların medallarının təqdim olunması
    6. 16:30 Novruz-Azərbaycan xalqının milli bayramıdır
    7. 12:30 Ulu Öndər Heydər Əliyevin Azərbaycan qarşısındakı misilsiz xidmətlərindən biri də Novruzun yenidən xalqımıza qaytarılması olub
    8. 11:07 Bakı növbəti dəfə qlobal müzakirələrin platformasına çevirilib
    9. 23:30 Vətən müharibəsi bir daha sübut etdi ki, Azərbaycan Ordusu Cənubi Qafqazın ən qüdrətli ordusudur
    10. 23:30 Rayon rəhbərinin 15 mart 2024-cü il tarixdə növbəti vətəndaş qəbulu
    11. 00:33 Novruz bizim ən qədim milli bayramımızdır
    12. 19:01 “Narkomaniyaya qarşı mübarizə sağlam həyata təminatdır”
    13. 18:58 Masallı rayonunda «Aqrar biznes festivalı» keçirilib
    14. 13:37 Prezident İlham Əliyev Alman İqtisadiyyatını Şərq Komitəsinin Sədri Mixael Harmsın rəhbərlik etdiyi nümayəndə heyəti ilə görüşmüşdür
    15. 13:16 Bizim üçün qardaş ölkə, strateji tərəfdaş və müttəfiq olan Qazaxıstanın Prezidentinin dövlət səfərinə böyük əhəmiyyət veririk
    16. 18:01 Kənd təsərrüfatı nazirinin müavini İlhamə Qədimova Masallıda vətəndaşlarla görüşəcək
    17. 14:30 Avropa reallığı dərk etməlidir
    18. 14:13 Ölkələrarası əlaqələrin inkişafına böyük töhfələr verən Azərbaycan
    19. 23:30 Azərbaycan Respublikasının Prezidenti İlham Əliyev və Qazaxıstan Respublikasının Prezidenti Kasım-Jomart Tokayev mətbuata bəyanatlarla çıxış ediblər
    20. 23:30 Prezident İlham Əliyevi Alman İqtisadiyyatının Şərq Komitəsinin sədri Mixail Harmsın rəhbərlik etdiyi nümayəndə heyəti ilə görüşmüşdür
    21. 20:11 Güllütəpə ərazisində ağacəkmə kampaniyası keçirildi
    22. 12:18 Özünü əsgərlərinə sipər edən zabit
    23. 12:54 Ölkəmizdə apardığı islahatlar Azərbaycanı daha da gücləndirir
    24. 12:44 Azərbaycan Prezidentinə yazırlar
    25. 12:40 Qəhrəmanların ömür yolu əbədidir
    26. 12:37 Azərbaycanda Ramazan ayı başlayıb
    27. 12:26 Dünya çempionu, XTQ zabiti
    28. 23:00 Prezident İlham Əliyevin 10.03.2020-ci il tarixində VI çağırış Azərbaycan Respublikası Milli Məclisinin ilk iclasında çıxış etmişdir
    29. 21:23 Masallıda şair Dadaş Sığdaşlının 90 illik yubileyi keçirilib
    30. 10:38 Qadınlar həyatın mənası, bəzəyi və əbədi gözəlliyidir
    31. 22:30 8 mart – Beynəlxalq Qadınlar Günü ilə əlaqədar
    32. 17:41 Masallıda “8 Mart Beynəlxalq Qadınlar Günü”nə həsr olunmuş tədbir
    33. 17:35 Məktəbli qızlar arasında “8 Mart Beynəlxalq Qadınlar Günü”nə həsr edilmiş  Zərif incilər” adlı “Xəmsə milli” intellektual oyunu keçirilmişdir
    34. 17:23 Martın 10-da tam orta təhsil səviyyəsi üzrə buraxılış imtahanı keçiriləcək
    35. 17:20 “Qara bazar”da dəyəri 5 milyon manat olan 151 kiloqram narkotik vasitə ələ keçirilib
    36. 17:05 Qafqaz Müsəlmanları İdarəsi Ramazan ayının başlanması ilə bağlı fətva verib
    37. 17:02 Azərbaycan qadınlarının “Tərəqqi” medalı ilə təltif edilməsi haqqında Azərbaycan Respublikası Prezidentinin Sərəncamı
    38. 16:23 Masallıda “Qadın ömrü həyatın fəlsəfəsi”adlı tədbir
    39. 12:12 Mal-qaranın uçota alınmasına dair müşavirə- Masallıda tədbir
    40. 12:08 Azərbaycan Prezidentinə yazırlar
    «    Mart 2024    »
    BeÇaÇCaCŞB
     123
    45678910
    11121314151617
    18192021222324
    25262728293031
    DÜNYA XƏBƏRLƏRİ