“Dəmir yumruq yerindədir”
- 28-10-2021, 17:48
- Siyasət
- 0
- 605
“Dəmir yumruq yerindədir”Oktyabrın 28-də Yeni Azərbaycan Partiyası Masallı Rayon Təşkilatı aparatında Zəfər gününün birinci ildönümü ilə əlaqədar Vətən müharibəsi iştirakçıları ilə görüş keçirilib.
Əvvəlcə şəhidlərimizin xatirəsi bir dəqiqəlik sükutla yad edilib.
Yeniheyet.az xəbər verir ki, “Dəmir yumruq yerindədir” mövzusunda təşkil oluna tədbirdə Yeni Azərbaycan Partiyası Masallı Rayon Təşkilatı sədrinin səlahiyyətlərini icra edən Seyfəddin Əliyev Möhtərəm Prezidentimiz, Müzəffər Ali Baş Komandan İlham Əliyevin rəhbərliyilə Silahlı Qüvvələrimizin 44 günlük Vətən müharibəsində əldə etdiyi tarixi Zəfərdən bəhs edib. O, şanlı tarix yazan vətən oğullarının qəhrəmanlığından, şanlı Ordumuzun misilsiz rəşadətindən, hərbçilərimizin əzmkarlığından, xalqımızın mübarizliyindən, danışaraq əldə olunan uğurları prezident-xalq birliyinin şərtləndirdiyini xüsusi vurğulayıb: “Artıq Qarabağ xalqımız üçün arzu deyil, reallıqdır. Bu reallığı yaradan və qələbəmizi təmin edən Ali Baş Komandanımız başda olmaqla, fədakar əsgər və zabitlərimizə bir daha sonsuz minnətdarlığımızı bildiririk…”
Görüşdə Masallı Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev, Qarabağ Müharibəsi əlilləri, veteranları və şəhid ailələri ictimai birliyinin sədri Nahid Rəhimov, Vətən müharibəsi iştirakçılarından Cəmaləddin Məmmədov, Təbriz Səfərov, Cavid Nuri və başqalarının çıxışlarında 44 günlük haqq savaşımızın unudulmaz təəssüratları xatırlanıb.Sonra bir qrup Vətən müharibəsi iştirakçısına Yeni Azərbaycan Partiyasının üzvlük vəsiqələri təqdim olunub, xatirə şəkilləri çəkilib.
www.yeniheyet.az
