• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Masallıda 8 Noyabr – Zəfər Günü

    Masallıda 8 Noyabr – Zəfər Günü

    Masallıda 8 Noyabr – Zəfər Günü ilə bağlı möhtəşəm tədbirlər keçirilib

    Noyabrın 8-də Azərbaycanın hər yerində olduğu kimi, Masallıda da 44 günlük Vətən müharibəsinin birinci ildönümü ilə əlaqədar 8 Noyabr – Zəfər Günü ilə bağlı möhtəşəm tədbir və şəhərimizin Qəhrəmanlar Parkının açılış mərasimi keçirilib.
    Tədbirdə Masallı Rayon İcra Hakimiyyəti başçısı Şahin Məmmədov və aparatı, Milli Məclisin deputatları Məşhur Məmmədov və Anar İsgəndərov, hüquq-mühafizə orqanlarının, müəssisə və təşkilat rəhbərləri, SHXÇDX rayon şöbəsinin, YAP rayon təşkilatının əməkdaşları, şəhid ailələri, qazilər, ayrı-ayrı yerlərdən gələn qonaqlar, müəllim və məktəblilər, tələbələr, ictimaiyyət və media nümayəndələri iştirak ediblər.
     
    Əvvəlcə tədbir iştirakçıları Masallı şəhər Heydər Əliyev Mərkəzinin qarşısında Ümummilli Lider Heydər Əliyevin abidəsinin önünə gül dəstələri düzərək əziz xatirəsini böyük məhəbbətlə anmışlar.
     
     Sonra tədbiri giriş sözü ilə açan Masallı RİH başçısı cənab Şahin Məmmədov geniş və məzmunlu nitqində 8 Noyabr-Zəfər Günü barədə ətraflı məlumat verib. Qeyd edib ki, ötən il sentyabrın 27-dən başlayan, işğal altındakı ərazilərimizin azad edilməsi ilə nəticələnən Vətən müharibəsi tariximizin yeni səhifəsinə çevrilmişdir. Qalib Azərbaycan xalqı Azərbaycan Prezidenti, Müzəffər Ali Baş Komandan cənab İlham Əliyevin ətrafında sıx birləşərək dünyaya gücünü, qüvvətini göstərdi. Azərbaycan Prezidenti, Müzəffər Ali Baş Komandan İlham Əliyevin 2020-ci il 3 dekabr tarixli Sərəncamı ilə noyabrın 8-nin respublikamızda Zəfər Günü kimi təsis edilməsi ölkəmizin həyatında yeni tarixi mərhələnin gözəl günlərə aparan böyük yolun, yeni dövrün başlanğıcıdır. Birinci Qarabağ müharibəsindəki ərazi itkiləri görən xalqımız hər zaman tarixi Zəfərin arzusu ilə yaşayırdı.
      Bu gün böyük qürur və fəxr hissi duyuruq ki, möhkəm təməlləri xalqımızın xilaskarı, Ulu Öndərimiz Heydər Əliyev tərəfindən qoyulan müasir, müstəqil Azərbaycan Respublikası Ulu Öndərin varisi Prezident İlham Əliyevin çevik siyasəti, müdrik qərarları sayəsində qüdrətli bir dövlətə çevrildi.
      Müzəffər Ali Baş Komandanımızın qətiyyəti, mahir sərkərdəlik bacarığı, şəhidlərimizin canı, qazilərimizin qanı, xalqımızın ölkə rəhbərinin ətrafında dəmir yumruq kimi birləşməsi sayəsində ötən ilin 27 sentyabrından zəfər salnaməmizin yaddaqalan səhifələri yazıldı. Bu gün bura yığışmağımız da həmin yeni tarixin təzahürüdür. Masallı şəhidləri xatirəsinin əbədiləşdirilməsi üçün yenidən qurulan şəhərin Qəhrəmanlar Parkı ən ziyarətgah məkan olacaqdır. Təzə ailə quran gənclər burada çəkilən şəkilləri evlərinin ən görkəmli yerlərindən asacaqlar. Onda şəhidlərimizin ruhu şad olacaqdır. Artıq bu ənənə Masallıda baş vermişdir. Toyları olan iki gənc şəhidlərin məzarını ziyarət edərək səadətə qovuşmuşlar. Bu, Masallılı gənclərdən ən nümunəvi, bəyəniləsi addımdır. Bu addımı hamı bəyənir və alqışlayır. Olduqca qürurvericidir.
      Cənab Şahin Məmmədov 44 günlük Vətən müharibəsində qəhrəman Masallıdan olan oğullarımızın şücaətindən, igidliyindən də ətraflı söhbət açıb. Bildirib ki, əsl ziyarət yeri olan Park-Xiyabanda 247 Masallılı şəhidlərin şəkli, adları, soyadları və atalarının adı yazılıb. -Onlar heç vaxt unudulmayacaqlar. İnsan var ki, 80, 90 il ömür sürür, tez də unudulur. Amma, adları, şəkilləri daşlara həkk olunan şəhidlər nə qədər ki, Azərbaycan Dövləti var unudulmayacaq. Azərbaycan Dövləti də əbədı olacaqdır. Ümummilli liderin layiqli varisi, Azərbaycan Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi və qüdrətli ordumuzun qəhrəmanlığı, əzmkarlığı sayəsində ölkəmizin ərazi bütövlüyü təmin edilib, şəhidlərimizin qisası alınıb. Bu şanlı qələbəni bizə yaşadan şəhidlərimizin ruhu qarşısında baş əyirik. Biz onlara borcluyuq. Bu gün açılışını etdiyimiz Qəhrəmanlar Parkının yaradılmasında əməyi olan vətənpərvər insan, Milli Məclisin deputatı Məşhur Məmmədova, əməyi keçən hər bir kəsə minnətdaram. Sağ olun,-deyə Ş. Məmmədov qeyd edib.
      
    Yeniheyet.az xəbər verir ki, bayram tədbirində çıxış edən Milli Məclisin deputatları Anar İsgəndərov və Məşhur Məmmədov, iki şəhid - aprel döyüşçüsü Nurlanın və Vətən Müharibəsi Qəhrəmanı İntiqam Əsgərlinin anası Ziba Əsgərova, Vətən Müharibəsi Qəhrəmanı, əslən Şərəfəli polkovnik-leytenant Ramiz Sübhan oğlu Cəfərovun həyat yoldaşı Sitarə Vaqif qızı Cəfərova, 3-cü dərəcəli "Rəşadət" ordenli Vüsal Məhərrəmovun atası Aslan kişi, şəhid Sübhan Həsənovun atası Rauf Həsənov, iki medallı qazi Elmir Əliyev və başqaları Zəfər Günü münasibəti ilə tədbir iştirakçılarını təbrik etmiş, şəhid ata-a naları hər zaman onlara göstərilən diqqət və qayğıya görə Müzəffər Ali Baş Komandan cənab İlham Əliyevə, Azərbaycan Respublikasının Birinci vitse-prezidenti Mehriban xanım Əliyevaya və Masallının rayonunun icra başçısına dərin minnətdarlığını bildiriblər.
    Sonra tanınmış aktyor Cəmaləddin Əliyevin rəhbərliyi ilə hazırlanmış məktəbli və tələbələr Vətəni, ölkəmizi, Ali Baş Komandanı, şəhidlərimizi vəsf edən ədəbi kompozisiya təqdim edib, qəhrəmanlıq şeirləri səsləndiriblər.
    Böyük coşqu ilə keçən tədbirdə Qafqaz Müsəlmanları İdarəsinin Masallı rayonu üzrə qazısı Rəşid Talıbov şəhidlərə dualar edib.
    Sonra insanlar dəstə-dəstə axınla, növbə ilə gəlib Masallı şəhərindəki açılışı olan Qəhrəmanlar Parkında 247 şəhidin, Azərbaycan Milli Qəhrəmanlarının və Vətən Müharibəsi Qəhrəmanlarının büstünü ziyarət ediblər. Bütün şəhidlər təzə qərənfillər, təzə güllər dənizinə bürünüblər. Qısa payız günləri olmasına baxmayaraq şəhidlərin ruhuna ehtiram və məhəbbət Zəfər Günündə axşam saatlarınadək davam edib.
     
    Bayram tədbiri Respublikanın əməkdar artisti Səidə Şərifəliyeva, tanınmış ifaçı Rövşən Əziz, “Azərbaycanın səsi” yarışmasının qaliblərindən Nəzakət Veysəlova, “Xalq ulduzu” yarışmasının qaliblərindən Xəyalə Qafarzadə, Azərbaycan televiziya rejissoru və aktyoru Elçin Məmiyev, Masallı rayon Mədəniyyət Mərkəzinin solistləri Atamoğlan Zahid, Miriş Hüseynov, Şamo İbayev, "Halay" folklor qrupunun, Gündüz Babayevin rəhbərlik etdiyi “Qarabağ Ritm Qrupu”nun və digərlərinin iştirakı ilə keçirilən konsert proqramı ilə davam edib, xalqımızın qələbə sevincini əks etdirən atəşfəşanlıqla yekunlaşıb.

    www.yeniheyet.azшаблоны для dle 11.2
    DİGƏR XƏBƏRLƏR
    XƏBƏR LENTİ
    1. 18:37 Masallı gənclərinin Heydər Əliyev Mərkəzinə ekskursiyası
    2. 18:27 “Narkomaniyaya və erkən nikaha yox deyək!” – Masallıda tədbir
    3. 18:04 Masallıda “Şuşa qartalı” ədəbi-bədii kompozisiyası nümayiş edilib
    4. 19:03 Sübhanlar bizə Zəfər sevincini yaşatdılar
    5. 17:00 Masallında şadlıq sarayının sahibi və toy təşkilatçısı cərimələniblər
    6. 20:17 Masallıda torpaqlar şumlanır, tütün tədarük edilir
    7. 15:34 “Ən yaxşı müəllim” nominasiyasının qalibi Masallıdandır
    8. 15:14 Masallı taekvondoçuları ölkə çempionatının bürünc mükafatına sahibləniblər
    9. 14:53 Masallının mədəniyyət işçiləri Hərbi Qənimətlər Parkını ziyarət ediblər
    10. 20:13 Masallı məktəbliləri STEAM Azerbaijan Festivalında
    11. 20:10 Xırdalan şəhər Musiqi Məktəbinin kollektivi Masallıda
    12. 20:07 Masallının Viləş kəndində şəhidlərin xatirəsi anılıb
    13. 19:12 Masallıda şəhidin doğum günü qeyd olunub
    14. 20:17 “QİÇS xəstəliyinin zərərləri və ondan qorunma yolları” - Masallıda dəyirmi masa
    15. 19:34 Masallının bir qrup mədəniyyət işçisi "Təşəkkürnamə" ilə təltif olunub
    16. 17:48 Masallının Şərəfə kəndində şəhid Ramazan Vəliyevin anım mərasimi keçirilib
    17. 17:27 General Həzi Aslanov Masallıda şəhid məzarlarını ziyarət edib
    18. 16:24 Masallıda şair Elşad Baratın “Ölümsüzlər” kitabının təqdimatı keçirilib
    19. 18:52 DSX-nin hərbi helikopterinin qəzaya uğraması ilə bağlı Masallı Rayon İcra Hakimiyyətinin başsağlığı
    20. 17:50 Masallıda ailə quran gənclərin ənənəvi addımı
    21. 17:33 Polis general-mayoru Həzi Aslanov Masallıda
    22. 15:52 “Narkomaniya, erkən nikah, dini radikalizm və onların fəsadları” – Masallıda maarifləndirici tədbir
    23. 15:37 Masallıda 3-cü dərəcəli “Rəşadət” ordenli şəhid çavuş Rəfail Hüseynovun anım mərasimi
    24. 12:32 Rusiya - Azərbaycan əməkdaşlığının dinamik inkişafı
    25. 12:27 Azərbaycan ilə Rusiya arasında münasibətlər strateji müstəvidə inkişaf edir
    26. 12:24 Aşqabaddakı XV Zirvə Toplantısı
    27. 12:20 Azərbaycan əməkdaşlığa açıq ölkədir
    28. 20:29 Masallıda şəhid Cavad Babayevin doğum günü
    29. 18:59 Masallıda payızlıq əkinlərin informasiya sistemində bəyan edilməsilə əlaqədar müşavirə keçirilib
    30. 17:28 Masallıda şəhid çavuş Cavad İbadovun il mərasimi
    31. 22:43 Masallıda gənclərlə görüş
    32. 22:11 Masallıda şəhid Cavad İbadovun xatirəsi anılıb
    33. 20:19 Şəhid Rəfail Hüseynovun xatirəsinə ithaf olunan ədəbi-bədii kompozisiya
    34. 14:43 Laçınım mənim
    35. 10:10 “Erkən nikahlara qarşı bir olaq” - Masallıda maarifləndirici tədbir
    36. 21:56 Masallıda şəhid Məmmədağa Bağırovun anım mərasimi
    37. 21:49 Şəhid Elgün Mikayıllının xatirəsinə abidə-bulaq kompleksi tikilib
    38. 21:09 Masallıda Avropa çempionu, beynəlxalq dərəcəli idman ustası Əli Əliyevlə görüş keçirilib
    39. 15:12 Çay üstündə qala - Kəlbəcər
    40. 15:10 Kəlbəcər qədim yaşayış məskənlərindən biridir
    «    Dekabr 2021    »
    BeÇaÇCaCŞB
     12345
    6789101112
    13141516171819
    20212223242526
    2728293031 
    DÜNYA XƏBƏRLƏRİ