• Masallıda çox zəhmətkeş, vətənpərvər, həqiqi Azərbaycan vətəndaşları yaşayır...
  • Heydər Əliyev
  • RU
  • EN
  • » » Azərbaycan ilə ABŞ arasında dostluq və əməkdaşlıq münasibətləri dinamik inkişaf edir

    Azərbaycan ilə ABŞ arasında dostluq və əməkdaşlıq münasibətləri dinamik inkişaf edir


    Azərbaycan ilə ABŞ-ı birləşdirən dostluq və qarşılıqlı faydalı əməkdaşlıq münasibətləri xalqlarımızın mənafelərinə uyğun olaraq birgə səylərimizlə bundan sonra da müvəffəqiyyətlə davam edəcək və genişlənəcəkdir.
    İlham ƏLİYEV
    Azərbaycan Respublikasının Prezidenti
     
    Azərbaycanın dünya birliyində mövqeləri getdikcə möhkəmlənir, əlaqələri genişlənir. Beynəlxalq birliyin ən fəal üzvlərindən birinə çevrilən ölkəmiz regionda və dünyada mehriban qonşuluq siyasəti yürüdür, böyük dövlətlərlə, nüfuzlu beynəlxalq təşkilatlarla qarşılıqlı faydalı əməkdaşlığı daha da gücləndirir. Məhz bunun nəticəsidir ki, hazırda Azərbaycan beynəlxalq aləmdə sülhsevər, demokratik prinsiplərin inkişafına xüsusi önəm verən, iri infrastruktur layihələrin reallaşdırılmasında zəngin təcrübəsi olan bir ölkə kimi tanınır. Bu baxımdan, respublikamızla ABŞ arasındakı münasibətlər xüsusi əhəmiyyət kəsb edir.

    Prezident İlham Əliyevin Amerika Birləşmiş Ştatlarının (ABŞ) Prezidenti Cozef Baydenə 4 iyul 2022-ci il tarixli məktubunda da yuxarıda vurğulanan məqamlar öz bariz ifadəsini tapıb. Dövlətimizin başçısı ABŞ rəhbərinə və onun simasında dost Amerika xalqına 4 İyul – Müstəqillik Günü münasibəti ilə öz adından və Azərbaycan xalqı adından ən səmimi təbriklərini və xoş arzularını çatdıraraq, ötən 30 il ərzində Azərbaycan Respublikası ilə Amerika Birləşmiş Ştatlarını dostluq və tərəfdaşlıq münasibətləri birləşdirdiyini vurğulayır, eyni zamanda, ilk gündən ölkəmizin müstəqilliyinə, suverenliyinə və ərazi bütövlüyünə ABŞ-ın dəstəyini yüksək qiymətləndirir.
    Azərbaycan Prezidenti İlham Əliyev məktubda ölkələrimiz arasın­da qarşılıqlı faydalı əməkdaşlığın ikitərəfli və çoxtərəfli müstəvidə uğurla davam etdiyini, beynəlxalq təhlükəsizliyin təmin olunması və terrorizmə qarşı mübarizədə uzun müddətdən bəri həyata keçirilən birgə fəaliyyətin məmnunluq doğurduğunu da diqqətə çatdırıb. Dövlətimizin baş­çısı, enerji təhlükəsizliyi istiqamətində ölkələrimizin sıx əməkdaşlığını, reallaşdırılan irimiqyaslı transmilli layihələrdə ABŞ-ın yaxından iştirakı və hərtərəfli dəstəyini də yüksək dəyərləndirib.
    Məktubda daha sonra deyilir: “Bu gün Azərbaycan ilə ABŞ arasında bir sıra mühüm sahələrdə strateji tərəfdaşlıq səviyyəsinə yüksəlmiş əməkdaşlığımız siyasi əlaqələrimizin də genişlənməsinə şərait yaratmışdır. Ölkələrimizin enerji, təhlükəsizlik və terrorizmə qarşı mübarizədə əməkdaşlığı nümunəvi xarakter daşıyır”.

    Dövlətimizin başçısı təbrikində Cənubi Qafqazda davamlı sülhün, iq­tisadi tərəqqinin bərqərar olması üçün əlverişli şəraitin formalaşdığı bir za­manda xalqımızın ABŞ-ın Ermənistan-Azərbaycan münasibətlərinin normal­laşdırılmasında, kommunikasiyaların açılmasında, insanlararası təmasların yaradılmasında mühüm rol oynaya biləcəyinə inandığını, eyni zamanda, ölkəmiz tərəfindən təqdim olunan beş prinsip əsasında Ermənistanla Azərbaycan arasında sülh müqaviləsinin hazırlanması prosesinə ABŞ-ın dəyərli töhfə verə biləcəyi qənaətində olduğunu diqqətə çatdırır.
    Prezident İlham Əliyev məktubda işğaldan azad edilmiş ərazilərimizdə Ermənistan tərəfindən basdırılmış minaların aparılan bərpa və yenidənqurma işlərinə böyük əngəl törətdiyini, minatəmizləmə prosesində ABŞ-ın ölkəmizə göstərdiyi yardımın təqdir olunduğunu, Ermənistan-Azərbaycan münaqişəsi zamanı itkin düşmüş 4 minə yaxın soydaşımızın ta­leyinin aydınlaşdırılması məsələsində dost ölkənin dəstəyinə böyük ümidlər bəslənildiyini də qeyd edib.

    Göründüyü kimi, sözügedən təbrik məktubunda Azərbaycanın ABŞ-a münasibəti, iki ölkə arasında əməkdaşlığın mövcud durumu və gələcəyə yönələn ciddi mesajlar öz ifadəsini tapıb. Eyni zamanda, təbrikdə ikitərəfli münasibətlərdə və strateji ba­xışda respublikamızın gələcək inkişafı ilə bağlı düşüncələr yer alıb.

    Yeri gəlmişkən, beynəlxalq aləmdə güclü təsir imkanlarına malik olan, dünyanın super dövləti sayılan ABŞ ilə qarşılıqlı əməkdaşlığın genişləndirilməsi Azərbaycanın xarici siyasətində əsas istiqamətlərdən biridir. Etiraf edək ki, ABŞ planetimizin əsas güc mərkəzlərindən biridir və yeni dünya düzəninin formalaşmasında bu ölkənin kifayət qədər böyük rolu var.

    Hazırda iki ölkə arasında strateji münasibətlər yüksək səviyyədədir. Siyasi və təhlükəsizlik məsələləri ilə yanaşı, enerji sahəsində də əməkdaşlıq çox müsbət dəyərləndirilir. Təbii ki, ABŞ-ın Azərbaycanla ikitərəfli əməkdaşlığa olan marağı təkcə ölkəmizin strateji-coğrafi mövqeyə ma­lik olması və zəngin karbohidrogen eh­tiyatları ilə bağlı deyil, həm də möhkəm siyasi sabitliyə, demokratik inkişafa, beynəlxalq birliklə fəal inteqrasiyaya söykənən milli dövlətçilik kursunun dönməzliyi ilə əlaqədardır.

    Bu iki dövlətin strateji müttəfiqliyinin getdikcə yaxşılaşması, əməkdaşlığın genişlənməsi və əlaqələrin möhkəmlənməsi bütövlükdə Cənubi Qafqazda sülhün, təhlükəsizliyin, qlobal enerji və kommunikasiya layihələrinin uğurla həyata keçirilməsi baxımından çox böyük əhəmiyyət kəsb edir.
    Beləliklə, dövlətimizin başçısının ABŞ Prezidentinə ünvanladığı təbrik məktubu Azərbaycan-ABŞ əlaqələrinin strateji önəm daşıyan münasibətlər səviyyəsinə yüksəldiyini, dostluq və tərəfdaşlıq xarakterini göstərir.

    Bütün bunlar Azərbaycanın Cənubi Qafqaz-Xəzər dənizi regionunda sül­hün və sabitliyin qorunmasına maraqlı olduğunu, eyni zamanda, Avropanın enerji təhlükəsizliyinin təminatında önəmli rol oynadığını, bu istiqamətdə enerji layihələrinin reallaşdırılması və dayanıqlılığının təmin edilməsinə ciddi əhəmiyyət verdiyini göstərir. Bu baxım­da Azərbaycanın liderliyi ilə həyata ke­çirilmiş Cənub Qaz Dəhlizi layihəsi də Avropanın enerji təhlükəsizliyinə, enerji mənbələrinin şaxələndirilməsinə və bütün iştirakçı tərəflərə fayda gətirən layihədir.

    Onu da xatırladaq ki, Azərbaycanda energetika sahəsində, xüsusilə bərpaolunan enerji mənbələrindən istifadənin genişləndirilməsi üzrə həyata keçirilən tədbirlər və müvafiq sahənin tənzimlənməsi məqsədilə hazırlanan qanun layihələri, həmçinin işğaldan azad edilmiş ərazilərin “yaşıl enerji” ilə təminatı planları Azərbaycan-ABŞ əməkdaşlıq münasibətlərinin yeni mərhələyə daxil olmasını şərtləndirib.

    Artıq yeni reallıqların formalaşması bölgədə yeni beynəlxalq əməkdaşlıq formatının qurulmasını zəruri etməkdədir. İşğaldan azad olunan ərazilərdə sosial infrastrukturun yenidən yaradılması və əhalinin işlə təmin olunması üçün dövlət investi­siyası ilə yanaşı, yerli və xarici in­vestisiya da cəlb edilir. Böyük quru­culuq işlərinə dost ölkələrin təşviq olunması siyasəti Azərbaycanın beynəlxalq aləmdə mövqeyini daha da möhkəmləndirir.

    "Xalq qəzeti"


    “Yeni həyat” qəzeti
    www.yeniheyet.az


    шаблоны для dle 11.2
    DİGƏR XƏBƏRLƏR
    XƏBƏR LENTİ
    1. 18:35 Masallıda rayon rəhbəri Banbaşı və Yeyənkənd ərazilərində
    2. 19:17 Masallıda “Haqqa yüksələn səs” mövzusunda tədbir
    3. 19:14 Şuşanın tarixi-maddi mənəvi dəyərləri
    4. 19:11 Masallı Rayon İcra Hakimiyyəti başçısının 12 avqust 2022-ci il tarixli vətəndaş qəbulu
    5. 19:09 “Şuşa, sən azadsan!” sənədli filmi
    6. 19:05 Masallı gəncləri yay istirahət düşərgəsində
    7. 19:01 Masallıda rayon rəhbəri idmançılarla görüşdü
    8. 19:12 Masallıda arıçılara sublimator avadanlığı verilib
    9. 19:09 Masallıda rayon rəhbəri Təzəkənd, Sərçuvar, Xıl və Göyəçöl ərazilərində
    10. 19:01 Masallıda rayon rəhbəri Ərkivan qəsəbəsində şəhid məzarlarını ziyarət etdi
    11. 18:56 Ərkivan qəsəbə ərazisində səyyar görüş-qəbulu
    12. 18:53 Masallıda “Gənclərin sosial iştirakçılığı” mövzusunda təlim
    13. 18:51 Masallıda “Qəhrəmanlarımızı Tanıdaq” layihəsi 10.08.2022
    14. 17:27 Milli parkın mühafizə rejimini pozan şəxs cəzalandırılıb
    15. 17:21 DSX: Narkotik vasitələrin qaçaqmalçılığına qarşı mübarizə sahəsində sərhəd mühafizə tədbirləri uğurla davam etdirilir
    16. 20:07 Ölkə Başçısı Türkiyənin Konya şəhərində idmançılarla görüşdü
    17. 20:05 Masallıda şəhid Elçin Novruzovun doğum günü qeyd olundu
    18. 20:01 Masallıda rayon rəhbəri Qarğalıq və Şərəfə ərazilərində
    19. 18:02 Masallı idmançısı dünyada III oldu
    20. 17:59 Masallıda rayon rəhbəri Qızılavar, Lürən, Musaküçə və Öncəqala ərazilərində
    21. 18:22 Masallıda Məhərrəm ayı ilə əlaqədar maarifləndirici tədbir
    22. 18:12 Masallıda Ombudsmanın Cənub Regional Mərkəzinin açılışı
    23. 17:58 Dövlət Məşğulluq Agentliyinin sədri Masallıda vətəndaşları qəbul edib
    24. 17:53 “Narkomaniyaya qarşı mübarizə sağlam həyat təminatıdır” mövzusunda maarifləndirici tədbir
    25. 17:50 Masallı Rayon İcra Hakimiyyəti Başçısının 05 avqust 2022-ci il tarixli vətəndaş qəbulu
    26. 19:07 Masallıda “Vaxtın idarə olunması” mövzusunda görüş keçirilib.
    27. 19:06 Rayon rəhbəri Qızılağac, Viləş, Yeddioymaq, və Şıxlar ərazilərində
    28. 17:58 Azərbaycan kinosu xalqımızın milli sərvətidir
    29. 17:55 “Ulu öndər Heydər Əliyevin əsasını qoyduğu din-dövlət münasibətləri bu gün də yüksək səviyyədədir”
    30. 17:51 Masallıda rayon rəhbəri Boradigah, Bədəlan, Kolatan və Sığdaş ərazilərində
    31. 18:59 “İnformasiya texnologiyalarının həyatımızda rolu”
    32. 18:57 Azərbaycan əlifbası və Azərbaycan dili günü
    33. 18:54 Rayon rəhbəri Mahmudavar, Türkoba, Tüklə və Hişkədərə ərazilərdində
    34. 08:58 Qanunsuz ov edən şəxs cəzalandırılıb
    35. 08:56 Masallıda sarımsaq yığımı
    36. 08:51 Masallıda bostan bitkilərinin məhsuldarlığı
    37. 17:48 Azərbaycan əlifbası və Azərbaycan dili günü
    38. 17:39 1 avqust Azərbaycan Əlifbası və Azərbaycan dili günü
    39. 17:21 Vətənin ölməz oğulları
    40. 17:11 Masallıda ingilis dili danışıq dərsləri
    «    Avqust 2022    »
    BeÇaÇCaCŞB
    1234567
    891011121314
    15161718192021
    22232425262728
    293031 
    DÜNYA XƏBƏRLƏRİ