Prezident İlham Əliyevin İsmayıllı rayonun Basqal qəsəbəsində AzTV-yə müsahibəsi

Prezident İlham Əliyevin daim müxtəlif bölgələrə səfər etməsi,rayonlarda gedən quruculuq-abadlıq işləri ilə yaxından tanış olub,mövcud vəziyyətlə maraqlanaraq bir sıra  əlavə göstərişlər verməsi,onun rayonlarımız inkişafına göstərdiyi yüksək diqqətin nəticəsidir
Avqustun 12-də İlham Əliyev İsmayıllı rayonunun Basqal qəsəbəsində oldu və bu barədə Azərbaycan Televiziyasına müsahibə verdi.İlham Əliyev müsahibəsində ilk olaraq onu bildirdi ki,onun Ağsu, İsmayıllı bölgələrinə səfərində məqsəd burada gedən işlərlə yaxından tanış olmaq və əlavə göstərişlər verməkdir.

İsmayıllı rayonu dağlıq rayon olmasına baxmayaraq son illərdə hər iki rayonda böyük infrastruktur layihələri icra edilmişdir. Demək olar ki, infrastruktur layihələrinin əsas hissəsi başa çatmışdır. İstər qazlaşdırma, istər elektrik enerjisi, su təchizatı, yolların tikintisi ilə bağlı çox böyük layihələr icra edilmişdir. Bu iki rayonda son illərdə 10-dan çox elektrik yarımstansiyası inşa olunmuşdur və elektriklə təchizat tam təmin edilib. Yolların çəkilişi ilə bağlı - həm kənd yollarında, eyni zamanda, İsmayıllı-Muğanlı yolunun yeni hissəsində işlər icra edilir.Hər iki rayonda xəstəxanalar tikilmiş,100-ə yaxın məktəb inşa edilmiş və esaslı şekildə bərpa olunmuşdur.
 
Bir müddət əvvəl İlham Əliyev bölgənin əsas tarixi abidələrində biri olan “Diri Baba “türbəsinin yenidən əsaslı təmiri ilə bağlı göstəriş vermişdi.Müsahibəsində İlham Əliyev onu da bildirdi ki,artıq “Diri Baba”türbəsi əsaslı təmir olunub.Bu rürbə artıq yaxın gələcəkdə turizm potensialı da daşıyacaqdır.Bölgənin tarixi-mədəni irsinin inkişaf etdirilməsi ilə bağlı bir neçe il bundan əvvəl İlham Əliyev sərəncam vermişdi. Bu Sərəncam əsasında Dövlət Turizm Agentliyi burada artıq bir müddətdir ki, işlər aparır. İşlərin təqribən 50 faizi başa çatıb və bu gün hər kəs bunu görə bilər. Basqal bizim qədim kəndlərimizdən biridir, özünəməxsus tarixə malik olan bir yerdir. Gələcəkdə Basqal qəsəbəsi Lahıc qəsəbəsi kimi, bu bölgənin çox qədim tarixi yaşayış məkanı olaraq öz simasını bütün dünyaya açacaq. Yəni, həm Azərbaycan vətəndaşları, həm ölkəmizdə olan qonaqlar, bildiyiniz kimi, indi Lahıca durmadan səfərlər edirlər. Əminəm ki, eyni aqibət Basqal qəsəbəsi üçün də olacaq. Bu məqsədlə bu tarixi yaşayış yerinin konservasiyası, bunun tarixi simasının qorunması xüsusi əhəmiyyət daşıyır.
         
əvvəlinde ermənilərin Qarabağda törətdiyi fitnəkarlıqa bağlı verilən suala cavab verən İlham Əliyev bildirdi ki,ermənilərin törətdiyi təxribatda şəhidlik zirvəsinə icalan şehidlərimizin qisasını layiqincə aldıq və”Qisas”əməliyyatı nəticəsində düşmənin cavabını verdik.Biz öz torpaqlarımızda istənilən əməliyyatı apara bilərik və buna heçkim mane ola bilməz.Əgər düşmən yenə də dinc oturmazsa o zaman biz onların cavabını yenə verməyə hazırıq.Şəhidlərimizin qanı onlara baha başa gələcək.Çıxışının sonunda İlham Əliyev bildirdi ki, gəlcəyə nikbinliklə baxır və bölgədə sülhün bərqərar olunması,əhalinin əmin-amanlıq içində,dinc şəraitdə yaşaması üçün əlindən gələni edəcək.


Elanora Babayeva,
Masallı şəhər 2 saylı tam orta məktəbin tarix müəllimi.



“Yeni həyat” qəzeti
www.yeniheyet.azшаблоны для dle 11.2