Rayon rəhbəri Qodman kəndində şəhid adına tikilən evə baxış keçirib
Masallı Rayon İcra Hakimiyyətinin başçısı Araz Əhmədov Qodman kəndində I Qarabağ müharibəsi şəhidi Ramil Zərbiyevin valideynləri üçün Masallı Rayon İcra Hakimiyyətinin daxili imkanları hesabına inşa olunan evdə aparılan təmir işləri ilə yenidən tanış olub.
Rayon rəhbəri evdə görülən işlərə baxış keçirib, tikinti və təmir prosesinin gedişi, görülmüş işlərin keyfiyyəti və yaradılan şəraitlə maraqlanıb. Araz Əhmədova aparılan işlər barədə ətraflı məlumat verilib.
Qeyd olunub ki, I Qarabağ müharibəsi şəhidi Ramil Zərbiyevin valideynlərinin yaşayış şəraitinin yaxşılaşdırılması məqsədilə onların ehtiyacları nəzərə alınaraq yeni yaşayış evinin inşasına başlanılıb. Masallı Rayon İcra Hakimiyyətinin daxili imkanları hesabına həyata keçirilən işlər çərçivəsində şəhid ailəsinin rahat və təhlükəsiz yaşayışı üçün zəruri şəraitin yaradılması diqqətdə saxlanılır.
Araz Əhmədov evdə aparılan təmir işlərinin keyfiyyətlə və yüksək standartlara uyğun şəkildə tamamlanmasının vacibliyini vurğulayıb. Rayon rəhbəri görülən işlərin son vəziyyəti ilə maraqlanıb, qarşıda duran məsələlərlə bağlı aidiyyəti şəxslərə müvafiq tapşırıqlarını verib.
Şəhid ailəsi ilə görüş zamanı onların qayğı və problemləri də diqqətdə saxlanılıb. Araz Əhmədov şəhid ailələrinin hər zaman dövlətin diqqət və qayğısı ilə əhatə olunduğunu qeyd edərək, onların sosial-məişət məsələlərinin həlli istiqamətində bundan sonra da müvafiq tədbirlərin görüləcəyini bildirib.
Şəhid ailəsi ilə görüş zamanı onların qayğı və problemləri də diqqətdə saxlanılıb. Araz Əhmədov şəhid ailələrinin hər zaman dövlətin diqqət və qayğısı ilə əhatə olunduğunu qeyd edərək, onların sosial-məişət məsələlərinin həlli istiqamətində bundan sonra da müvafiq tədbirlərin görüləcəyini bildirib.
Ramil Zərbiyevin valideynləri göstərilən diqqət və qayğıya görə minnətdarlıqlarını ifadə ediblər. Onlar övladlarının xatirəsinə göstərilən ehtiramın, eləcə də ailələrinin yaşayış şəraitinin yaxşılaşdırılması istiqamətində görülən işlərin onlar üçün böyük mənəvi əhəmiyyət daşıdığını bildiriblər. Şəhid valideynləri göstərilən qayğıya görə ölkə rəhbərliyinə və rayon rəhbərliyinə təşəkkürlərini çatdırıblar.
Araz Əhmədov şəhid ailəsinə göstərilən diqqətin yalnız müəyyən tədbirlərlə məhdudlaşmadığını, onların gündəlik qayğılarının və sosial-məişət məsələlərinin də daim diqqətdə saxlanılmasının vacib olduğunu bildirib.
Araz Əhmədov şəhid ailəsinə göstərilən diqqətin yalnız müəyyən tədbirlərlə məhdudlaşmadığını, onların gündəlik qayğılarının və sosial-məişət məsələlərinin də daim diqqətdə saxlanılmasının vacib olduğunu bildirib.
Masallı Rayon İcra Hakimiyyəti tərəfindən şəhid ailələri, müharibə əlilləri və iştirakçılarının müraciətlərinin araşdırılması, onların qarşılaşdıqları problemlərin imkanlar daxilində həlli və yaşayış şəraitlərinin yaxşılaşdırılması istiqamətində tədbirlər davam etdirilir.
Görülən bu işlər Azərbaycan dövlətinin şəhid ailələrinə göstərdiyi yüksək diqqət və qayğının yerli səviyyədə ardıcıl şəkildə təmin olunmasının nümunələrindən biridir. Şəhidlərin əziz xatirəsinin daim uca tutulması, onların ailə üzvlərinin qayğılarının diqqətdə saxlanılması və sosial rifahının yaxşılaşdırılması qarşıda duran əsas vəzifələr sırasında yer alır.
