Masallı komandası respublika turnirinin zona yarışlarının qalibi olub
- 4-06-2021, 19:38
- İdman
- 0
- 480
Masallı komandası respublika turnirinin zona yarışlarının qalibi olub Lənkəran Olimpiya İdman kompleksində Azərbaycan Respublikasının Gənclər və İdman Nazirliyinin, Azərbaycan Respublikası Təhsil Nazirliyinin , Milli Olimpiya komitəsinin və Azərbaycan Respublikası Məktəb İdmanları Federasiyasının birgə təşkilatçılığı ilə Vətən müharibəsi şəhidlərinin xatirəsinə həsr olunmuş yeniyetmələr arasında “Atletika” idman növü üzrə keçirilən respublika turnirinin zona yarışlarında (03-04 iyun) Masallı idmançıları fərqləniblər. Rayonun E.Ağayev adına Hişkədərə kənd tam orta məktəbinin komandası zona turnirinin qalibi olub.
Turnirin əsasnaməsinə uyğun olaraq zona yarışlarında I və II yeri tutan komandalar final mərhələsinə vəsiqə qazanıblar.
Yarışların zona mərhələsinin qaliblərinə diplomlar təqdim edilib.
Qeyd edək ki, turnirin keçirilməsində məqsəd şəhidlərimizin xatirəsini yad etmək, yeniyetmələr arasında vətənpərvərlik hissini gücləndirmək, şagirdləri sağlam həyat tərzinə istiqamətləndirmək, onların asudə vaxtının səmərəli təşkili, idmana olan marağının artırılması, ümumtəhsil məktəblərinin idman sahəsində sinifdənxaric və məktəbdənkənar fəaliyyətlərinin qiymətləndirilməsindən ibarətdir.
Turnir xüsusi karantin rejimi qaydalarına uyğun olaraq həyata keçirilib.
www.yeniheyet.az
